باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كىر جۋۋدا مىنالاردى ءبىلىپ الىڭىز

    كەلۋ قاينارى: شينجياڭ حالىق راديو ىستانسياسى    2017-02-17 22:35:33  
ادامنىڭ باستى تىرلىكتەرىنىڭ ءبىرى ـــ كىر جۋۋ. زامان اعىمى قانشالىقتى تەحنيكانى دامىتىپ، شارۋامىزدى جەڭىلدەتسە دە، كەي داقتارمەن كۇرەسە الماي جاتادى. كىر جۋۋ ونەرى مۇقياتتىلىقتى تالاپ ەتەدى. ءار زاتتىڭ ماتاسىنا، داقتىڭ نەدەن پايدا بولعانىنا ءمان بەرۋ قاجەت. حيميالىق تازالاۋدىڭ نۇسقاۋلارى مەن ادىستەرىن بىلگىڭىز كەلە مە؟ ەندەشە، ءبىزدىڭ اقىل-كەڭەستەردى كەرەگىڭىزگە جاراتىڭىز.
1. اق ۋىزى بار تاعامنان تيگەن داق بولمە تەمپەراتۋراسىنداعى سۋمەن وڭاي جۋىلادى. ىستىق سۋمەن جۋاتىن بولساڭىز، اقۋىزى ەرۋى مۇمكىن. ونى قايتادان جۋىپ كەتىرۋ قيىنعا سوعادى. ءتۇرلى-ءتۇستى ماتاعا تامعان ءسۇت داعىن 2 اس قاسىق گليتسەرين، 2 اس قاسىق سۋ جانە سىركە سۋى قوسپالارىمەن كەتىرۋگە بولادى.
2. قان تيسە، 30 مينۋتتاي سۋىق سۋدا ءجىبىتىپ الۋ كەرەك. سۋعا بىرنەشە تامشى سۋتەگى توتىعىن قوسۋعا بولادى. ەگەر داق ەكى-ءۇش كۇن تۇرىپ قالعان بولسا، وندا سۋعا بىرنەشە تامشى ءمۇساتىر سپيرتىن قوسىپ جۋىڭىز. سونىمەن قاتار سۋعا ىدىس جۋاتىن سۇيىقتىقتى دا قوسىپ جۋعا بولادى.
3. كوسمەتيكالىق بوياۋلار. داقتىڭ ۇستىنە حيميالىق تازارتۋعا ارنالعان قوسپانى قۇيىپ، ارتىنشا سۋىق سۋمەن جۋۋ كەرەك. ماتاعا زيانى جوق بولسا، ارنايى اعارتقىش قۇرالدار پايدالانۋعا بولادى.
4. قىزاناق تۇزدىعى. كىر جۋعىش ۇنتاقتى جاعىپ، 15 مينۋتقا قالدىرۋ كەرەك. داقتىڭ دىمقىلدىعىن ساقتاپ، ادەتتەگىدەي جۋۋ شارت. بۇل جاعداي دا كومەكتەسپەسە، سىركە سۋىن قوسۋعا بولادى.
5. جەمىس-جيدەكتەر. 1 ليتر سۋعا 1 شاي قاسىق ىدىس جۋ سۇيىقتىعىن جانە 1 اس قاسىق سپيرت قوسىپ، 15 مينۋتقا جىلى سۋعا سالىپ قويۋ كەرەك. داق كەتپەسە، وتتەكتى اعارتقىشتى پايدالانۋعا بولادى.
6. قارا ماي. ماتاعا جابىسقان داق قالدىعىن پىشاقپەن قىرىپ تاستاۋ كەرەك. سودان كەيىن حلورى بار سۋعا سالىپ قويىڭىز. سوڭىنان كىر جۋعىش ۇنتاقپەن شايىپ الۋعا بولادى.
7. بالاۋىز شامى. بالاۋىز جۇققان كيىمدى ەشقاشان ۇتىكتەمەڭىز. ماتاعا ءسىڭىپ كەتسە، ونى كەتىرۋ قيىنعا سوعادى. وتە ىستىق قايناعان سۋعا سالىپ قويۋ كەرەك. سودان كەيىن حيميالىق ەرتىندىمەن جۋۋعا بولادى.
8. قالام نەمەسە قارىنداش. اۋەلى جۇمساق وشىرگىشپەن كەتىرىپ كورۋ كەرەك. كەيىن كىر جۋعىش ۇنتاقپەن نەمەسە سابىنمەن جۋعا بولادى.
9. وسىمدىك مايى تيسە، كەروسينمەن ءسۇرتىپ، كەيىن جىلى سۋعا سالىپ قويۋ كەرەك.
10. قاراعاي شايىرى. مينەرالدى سپيرت نەمەسە ارنايى داق كەتىرگىش كەرەك.
مىنەكەي، كىر جۋۋدىڭ وسىنداي وزىندىك قۇپيالارى بار. ەگەر قاتتى كىرلەپ كەتكەن كيىم بولسا، وعان قالىڭ ەتىپ مينەرالدى ۇلپا سەۋىپ قويعان ءجون. ىسكە ءسات!
ءان الەمى

جول توسىلىپ قالدى

تۇلپارىم