باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ ۇيعۇر اۆتونوميالى رايونى حوتان قالاسىندا لاڭكەستىككە قارسى تۇرۋ، ورنىقتىلىقتى قورعاۋ جونىندە سەرت بەرۋ جينالىسىن وتكىزدى

    كەلۋ قاينارى: ءتاڭىرتاۋ تورابى    2017-02-17 20:59:47  

«ايباتتى قوسىن، قارۋلى سەس» — اۆتونوميالى رايوننىڭ لاڭكەستىككە قارسى تۇرۋ، ورنىقتىلىقتى قورعاۋ جونىندەگى سەرت بەرۋ جينالىسى 16–اقپان كۇنى حوتان قالاسىندا وتكىزىلدى. اۆتونوميالى رايوندىق پارتكومنىڭ ورىنباسار شۋجيى، ساياسي–زاڭ كوميتەتىنىڭ شۋجيى جۋ حايلۇن جينالىسقا قاتىناستى ءارى ءسوز سويلەدى.قارۋلى ساقشى قوعام حاۋىپسىزدىگى جاۋىنگەرلەرى كوكىرەك كەرە ساپ تۇزەدى، سوعىس ماشينالارىنىڭ ءۇنى جاڭعىرىپ، جاۋىنگەرلەردىڭ اسقاق ءۇنى كوك ءجۇزىن شارپىدى، جينالىستى تاماشالاعان قالا تۇرعىندارىنىڭ رۋحى تاسقىندادى. 16–اقپان تۇستەن بۇرىن، شينجياڭ ۇيعۇر اۆتونوميالى رايونى حوتان قالاسىندا «ايباتتى قوسىن، قارۋلى سەس» — لاڭكەستىككە قارسى تۇرۋ، ورنىقتىلىقتى قورعاۋ جونىندە سەرت بەرۋ جينالىسىن وتكىزدى. شينجياڭدا تۇراتىن قارۋلى ساقشى اسكەري قوسىنى، قوعام حاۋىپسىزدىگى ەرەكشە مىندەتتى ساقشى اترەتىندەگى ساقشىلار، حالىق جاساعى قاتارلى نەشە مىڭداعان كوماندير-جاۋىنگەرلەر جينالىسقا قاتىناستى.اقپان ايىندا حوتان قالاسىنىڭ كەڭ اسپانىندا اقشا بۇلتتار قالىقتايدى، قاۋمالاي سوققان جەلدەن كوكتەمنىڭ لەبى ەسەدى. 16–اقپاننىڭ تاڭى اتىسىمەن، قارۋلى ساقشى جاۋىنگەرلەرى، قوعام حاۋىپسىزدىگى تاراۋلارىنىڭ كادرلارى مەن ساقشىلارى، ءورت ءوشىرۋ كوماندير–جاۋىنگەرلەرى، حالىق جاساعى سياقتى ورنىقتىلىقتى قورعاۋشى كۇشتەرى حوتان قالاسىنداعى ىنتىماق الاڭىنا جينالدى. كوماندير–جاۋىنگەرلەر زاماناۋي وزىق قۇرالدارمەن قارۋلانىپ، كوزدەرىندە وت جايناپ، قايسار رۋح، سەنىمدى كوڭىل-كۇي، ايباتتى بەينەمەن تورتكىل ساپ تۇزەدى. ولاردىڭ جانىنداعى ساۋىتتى اۆتوموبيل، وققاعارلار ماشيناسى، شۇعىل جاعدايعا توتەپ بەرۋ كولىگى، ساقشى موتوتسيكلى ... وزىق قۇرال–جابدىقتار ءبارى دە ءوز جاراسىمىن تاۋىپ، ادامدارعا وزگەشە اسەر بەرۋمەن قاتار، ورنىقتىلىقتى قورعاۋشى كۇشتەرىنىڭ بارعان سايىن قۇدىرەتتەنىپ، شينجياڭنىڭ قوعام ورنىقتىلىعى مەن باياندى تىنىشتىق سىندى باس نىساناسىن دايەكتى تياناقتاندىرىپ، ءار ۇلت حالقىنىڭ باس اماندىعىن باتىل قورعاۋداي بەكىمى مەن بەرىك سەنىمىن ايگىلەدى.ساعات 10 نان 50 مينۋت وتكەندە، لاڭكەستىككە قارسى تۇرۋ، ورنىقتىلىقتى قورعاۋ سەرت بەرۋ جينالىسى رەسمي باستالدى. اۆتونوميالى رايوندىق پارتكومنىڭ ورىنباسار شۋجيى، ساياسي–زاڭ كوميتەتىنىڭ شۋجيى جۋ حايلۇن جينالىسقا قاتىناستى ءارى ءسوز سويلەدى. ول بىلاي دەپ اتاپ كورسەتتى: تاياۋدا زورلىقتى كۇش لاڭكەستىك ەلەمەنتتەرى رايونىمىزدىڭ قاتاڭ ساقتانىپ، سىلەيتە سوققى بەرۋىنىڭ ارقاسىندا بارار جەر، باسار تاۋى قالمادى، جانى قىسىلعان جاۋ جاۋىزدىققا باسادى دەگەندەي، جاقىننان بەرى، ءبىر ءبولىم لاڭكەستەر ءار ۇلت حالقىنىڭ باس اماندىعى مەن مال–مۇلكىنە اۋىر زالال جەتكىزىپ، ادامگەرشىلىكتى اياققا تاپتاپ، ادامزاتقا، قوعامعا، وركەنيەتكە قارسى قانقۇيلىعىن، جاۋىزدىق كەيىپ–كەسپىرىن تاعى ءبىر رەت اشكەرەلەدى. ءبىز بولاتتاي بەرىك يرادامەن، شويىن جۇدىرىق، وتكىر كەزدىك، بەرەن مىلتىقپەن زورلىقتى كۇش لاڭكەستەرىنە سىلەيتە سوققى بەرىپ، جاۋدىڭ ساعىن سىندىرىپ، جىگەرىن قۇم قىلىپ، قالدىق كۇشتەردى تۇبىرىنەن الاستاپ، ايباتتى دا اسقاق بەينەمەن باياشاتتى قوعامدى بىرگە قۇرۋىمىز كەرەك.جۋ حايلۇن بىلاي دەپ باسا دارىپتەدى: ءارقايسى ورنىقتىلىقتى قورعاۋشى كۇشتەرى تۇپكى ماقساتىن ەستە بەرىك ساقتاپ، پارتيانىڭ جەتەكشىلىگىنە بويسۇنىپ، حالىقتى قىزۋ ءسۇيىپ، جاۋعا سوققى بەرىپ، لاڭەستىككە قارسى تۇرىپ، ورنىقتىلىقتى قورعاۋ شايقاسىندا اتويلاپ العا شىعىپ، جاپالى جاتتىعۋ جاساپ، بويداعى تۋلاعان قان، تۇلعالى وبراز ارقىلى حالىقتىڭ قورعاۋشىسى بولۋداي داڭقتى مىندەتتى اماليات بارىسىندا ايگىلەۋى كەرەك. ساقتىقتى كۇشەيتىپ، قىراعىلىقتى ارتتىرىپ، تىعىز سەلبەسىپ، دۇرىس قولباسشىلىق ەتىپ، پەردە ارتىنا جاسىرىنعان زورلىقتى كۇشتەردى ايپاراداي اشىپ، جورگەگىندە جويۋ، تامىرىنا بالتا شابۋ، ءتۇپ–تۇقيانىنا دەيىن قۇرتىپ، ولاردىڭ قايتا باس كوتەرىپ، سىنالاپ كىرۋىنە جول بەرمەي، تىڭ ءتاسىل، بوگەۋ بەرمەس ارىنمەن شابۋىلعا ءوتۋ كەرەك. ءۇزىلدى–كەسىلدى سوققى بەرۋگە تاباندى بولىپ، ناقتىلى امالياتتىق جاتتىعۋ جانە ورنىقتىلىق قىزمەت ناتيجەسى ارقىلى ءار ۇلت حالىق بۇقاراسىنىڭ حاۋىپسىزدىك سەنىمىن بەكەمدەۋ كەرەك. كاسىپتە ىسىلعان، كۇشتى جاۋاپكەرشىلىك، تەمىردەي ءتارتىپ، قاتاڭ ستيل، قاھارماندىق رۋح، قۇرىش قامالداي ايباتتى قوسىن قۇرىپ، ايبىندى اسىرۋ كەرەك.ورنىقتىلىقتى قورعاۋ جاۋىنگەرلەرىنىڭ «پارتيانىڭ قولباسشىلىعىنا بويسۇنىپ، جەڭىستى شايقاس جۇرگىزىپ، تاماشا ستيلدى ساقتايىق» دەگەن اسقاق ءۇنى جەر جارىپ، ىنتىماق الاڭىنان توڭىرەكتىڭ ءتورت بۇرىشىنا تاراپ جاتتى. بۇيرىق بەرىلىسىمەن، ساقاداي سايلانعان جاۋىنگەرلەر رەت–رەتىمەن بەلگىلەنگەن مىندەت رايونىنا قاراي اتتاندى. ساپ تۇزەگەن ايباتتى قوسىن حوتان قالاسىنىڭ ءاربىر كوشەسىنەن وتكەندە، قالا تۇرعىندارى تاڭىرقاي دا تامسانا قارادى. ايەل ادامدار اسەرلەنگەنىنەن كوز جاسىنا ەرىك بەردى، ازاماتتاردىڭ رۋحى تاسقىنداپ، سەنىمى بەكەمدەلدى. كوپشىلىك ءبىر اۋىزدان: پارتيا ورتالىقتىڭ شىنايى قامقورلىعى مەن اۆتونوميالى رايوندىق پارتكومنىڭ دۇرىس شەشىم، عىلمي ورنالاستىرۋى ارقاسىندا، مىناداي وزىق، مىعىم قارۋلى كۇشىمىز تۇرعاندا، ءار ۇلت حالقى تىعىز ىنتىماقتاسىپ، لاڭكەستىككە قارسى تۇرۋ، ورنىقتىلىقتى قورعاۋ كۇرەسىندە ءسوزسىز جەڭىسكە جەتەمىز دەستى.ۇعىسۋعا قاراعاندا، بۇل رەتكى سەرت بەرۋ جينالىسى قوعام حاۋىپسىزدىگى تاراۋلارىنىڭ كادرلارى مەن ساقشىلارى، قارۋلى ساقشى كوماندير-جاۋىنگەرلەرى جانە ءار سالاداعى قوعام ورنىقتىلىعىن قورعاۋشى كۇشتەردى تولىق اتتانىسقا كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندە بەلگىلەگەن قوعام ورنىقتىلىعى مەن باياندى تىنىشتىق باس نىساناسىن ءىس جۇزىندىك ارەكەت ارقىلى باتىل تياناقتاندىرۋ، ءتۇرلى ورنىقتىلىقتى قورعاۋ شارالارىن بەكەمدەپ، قاتاڭ سوققى بەرۋ پارمەندى قۋاتىن كۇشەيتىپ، حالىقتىڭ اماندىعىن ساقتاپ، جاۋعا قاتاڭ سوققى بەرىپ، شينجياڭنىڭ تىنىشتىعىن، ىنتىماقتىلىعىن، جاراسىمدىلىعىن، جالپى جاعدايىنىڭ ورنىقتىلىعىن باتىل قورعاۋ بولىپ تابىلادى.

ءان الەمى

جول توسىلىپ قالدى

تۇلپارىم