باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قۇتىبي اۋدانىنداعى احىمەت يمىر، امانگۇل ياسىن سىندى ەرلى-زايىپتى ەكەۋى ۇزاق ۋاقىتتان بەرى، حانزۋ اجەي جوۋ سۇيتاڭعا قارايلاسىپ كەلەدى، بۇل جەرگىلىكتى ورىندا جاقسى اڭگىمە بولىپ ايتىلۋدا

    كەلۋ قاينارى: شينجياڭ حالىق راديو ىستانسياسى    2017-02-17 18:28:10  
احىمەت يمىر-قۇتىبي اۋدانى ۋگۇڭتاي قالاشىعى جۇڭچۇي قىستاعى ءۇشىنشى گرۋپپاسىنىڭ تۇرعىنى، قازىر، قۇتىبي اۋدانىندا سيىر، قوي ەتىن بولشەك ساتۋمەن شۇعىلدانادى. شاعان مەرەكەسىنەن كەيىن، احىمەت يمىر جۇبايىن ەرتىپ، سىرتقا شىعىپ شيپاگەرگە تەكسەرىلۋگە دايىندىق جاسادى. شىعار الدىندا، ول ۋگۇڭتاي قالاشىعى جۇڭچۇي قىستاعى ءۇشىنشى گرۋپپاسىنداعى ۇيىنە بارىپ، 70 جاستاعى حانزۋ اجەيى جوۋ سۇيتاڭعا امانداستى، كەتەرىندە تاعى قارتقا 4 توننا كومىر ءتۇسىرىپ كەتتى.
احىمەت يمىر: «اجەمە 2014-جىلى كەزدەسكەننەن كەيىن، وعان كومەكتەسىپ كەلەمىن، قازىر، تۋعان اجەمدەي بولىپ كەتتى»-دەدى.
16 جىلدىڭ الدىندا، وسى قارت ءۇش جاستاعى نەمەرە قىزىن ەرتىپ شينجياڭعا كەلىپ، ۋاقىتتىق جۇمىس ىستەپ تۇرمىس كەشىرەدى، سونىمەن بىرگە نەمەرە قىزىن وقىتادى. 2014-جىلى اقپاندا، جوۋ سۇيتاڭ اجەي احىمەت يمىردىڭ اۋلاسىنداعى ءۇيدى جالداپ وتىرادى. احىمەت يمىر قارتتىڭ جاعدايىن بىلگەننەن كەيىن، ءۇيدىڭ جال اقىسىن كەشىرىم ەتۋدەن تىس، تاعى ءبىر اۋىز ءۇي سالىپ، قارتتىڭ تۇرۋىنا بەرىپ، قارتتىڭ تۇرمىسىنا قارايلاسادى. جوۋ سۇيتاڭ بىلاي دەدى: «ول ماعان ءۇي سالىپ بەردى، سونىمەن بىرگە ءار جىلى قىستا كومىر ءتۇسىرىپ بەرەدى، ماعان شوجە ساتىپ الىپ بەرىپ باقتىردى، تۇرمىسىما دا قارايلاسىپ تۇردى، ۋاقىتى بولعاندا ماعان تۇرمىس قاراجاتىن دا اكەلىپ بەرەدى، شاعان مەرەكەسى كەزىندە ماعان شاعاندىق اقشا بەردى. ۋاقىتى شىقسا، تەلەفون سوعىپ، جاعدايىمدى سۇرايدى، مەنىڭ ءوز ۇلىمداي بولىپ كەتتى».كەيىن، احىمەت يمىر قارتتىڭ قوعامدىق قامسىزداندىرۋ جانە اۋىل-قىستاق جاڭاشا سەلبەسىپ ەمدەۋ اقىسىن تاپسىردى. وتكەن جىلدىڭ سوڭىندا جالپى حالىقتىق دەنساۋلىق تەكسەرۋدەن كەيىن، تاعى قارتقا كالتسي تولىقتايتىن ءدارى-دارمەك الىپ بەردى، سونداي-اق سيىر جىلىگىن اكەلىپ قارتتى سورپالادى. سونىمەن بىرگە، احىمەت يمىر مەن ونىڭ جۇبايى امانگۇل ياسىن ءار ايدا 500 يۋان اقشا شىعارىپ، قالاشىقتاعى قارتتار كۇتىمحاناسىنا بارىپ، ول اراداعى 10 نەشە قارتتان حال سۇرايدى. قازىر، احىمەت يمىر «ءبىر وتباسىنىڭ ادامىمىز» سۇيىسپەنشىلىك جەتكىزۋ قىزمەت وتەۋ اترەتىن قۇرىپ، قازىرگە دەيىن 13 ادام قارتتارعا سۇيىسپەنشىلىك جەتكىزەتىن وسى قىزمەت وتەۋ اترەتىنە مۇشە بولدى. احىمەت يمىر: «ءبىز ›ءبىر وتباسىنىڭ ادامىمىز‹ سۇيىسپەنشىلىك جەتكىزۋ قىزمەت وتەۋ اترەتىن قۇردىق، بۇدان كەيىن اناعۇرلىم كوپ قارتقا كومەكتەسىپ، سۇيسىپەنشىلىگىمىزدى جالعاستىرا تۇسەمىز»-دەدى.
ءان الەمى

جول توسىلىپ قالدى

تۇلپارىم