باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قارتتار تاڭەرتەڭگى استا ەسكەرەتىن جايتتەر

    كەلۋ قاينارى: شينجياڭ حالىق راديو ىستانسياسى    2017-02-24 19:20:02  
قارتتاردىڭ دەنساۋلىعى جاستىڭ ۇلعايۋىنا ىلەسە السىرەيتىندىكتەن، تۇنىمەن سارىپ بولعان ەنەرگيانى دەرەۋ تولىقتاۋعا تۋرا كەلەدى. سوندىقتان قارتتار تاڭەرتەڭگى استى ۋاعىندا ىشسە، دەنساۋلىعىنا ەرەكشە پايدالى. قىس مەزگىلىندە قارتتار تاڭەرتەڭگى استا كۇرىش كوجە، بۇرشاق شىرىنى سياقتى وڭاي قورتىلاتىن، جۇمساق تاعامداردى ىشكەنى ابزال. سونىمەن بىرگە، مىناداي بىرنەشە تۇيىنگە دە كوڭىل بولگەنى ءجون.
تاڭەرتەڭگى استى وتە ەرتە ىشپەۋ
قىس مەزگىلىندە قارتتار ورنىنان جايىراق تۇراتىندىقتان، تاڭەرتەڭگى استى بەيجيىڭ ۋاقىتى ساعات 8 دەن 9 ارالىعىندا ىشكەنى ەڭ ۇيلەسىمدى.
مۇنداعى سەبەپ، قارتتاردىڭ بارلىق دەنە مۇشەلەرى جاستىڭ ۇلعايۋىنا ىلەسىپ السىرەيتىندىكتەن، ءمۇبادا تاڭەرتەڭگى استى وتە ەرتە ىشسە، دەنەدەگى ەنەرگيا تاماقتى قورتۋعا قاراي جۇمسالادى دا تابيعي اينالىم، ءسوزسىز، كەدەرگىگە ۇشىراپ، الماسقان زاتتار دەر كەزىندە سىرتقا شىعارىلماي، دەنەگە جينالادى دا وسىدان ءتۇرلى قارتتار اۋرۋى پايدا بولادى.
تاڭەرتەڭگى استى وتە كوپ ىشپەۋ
تاڭەرتەڭگى اس ءنارلى بولۋى، الايدا تاڭەرتەڭگى استى وتە كوپ ىشپەگەن جاقسى. كوپتەگەن ادامدار كەشكى استى ەرتە ءىشىپ الادى دا تاڭەرتەڭ قارنى قاتتى اشاتىندىقتان تاڭەرتەڭگى استى وتە كوپ ءىشىپ، تۇسكى استىڭ ۋاقىتىن كەشەۋىلدەتەدى. ءىس جۇزىندە تاڭەرتەڭگى استى وتە كوپ ىشۋگە بولمايدى.
مۇنداعى سەبەپ، قارتتاردىڭ اس قورتۋ قۋاتى دا السىرەيتىندىكتەن، ەگەر تاڭەرتەڭگى استى وتە كوپ ءىشىپ السا، تاڭەرتەڭگى اس قورتىلمايدى دا اسقازانعا جينالىپ، اسقازاننىڭ قىزمەتىن اۋىرلاستىرادى. ونىڭ ۇستىنە اس قورتۋ جۇيەسى تاماقتى قالىپتى سىمىرە المايدى. مۇنان سىرت، كوپ مولشەردەگى تاماق قالدىقتارى جۋان ىشەكتە ساقتالىپ، جۋان ىشەكتەگى باكتەريا جاعىنان ىدىراتىلادى. مۇنىڭ ىشىندەگى بەلوكتان ىدىراتىلعان زات فەنول ىشەك بۇيىرىنەن ادام دەنەسىندەگى قانعا وتەدى. بۇل دەنساۋلىققا ەرەكشە زياندى. ونىڭ ۇستىنە، قان تامىر اۋرۋلارىن وڭاي كەلتىرىپ شىعارىپ، قارتايۋدى ءتىپتى دە تەزدەتەدى.
تاڭەرتەڭگى استا قاتتى تاعامداردى جەمەۋ
كوپتەگەن ادامدار تەڭەرتەڭگى استا اۋىر تاماقتاردى جەۋدى ۇناتادى. اسىلىندە، بۇل جاقسى ادەت ەمەس. قارتتار تاڭەرتەڭگى استا مۇمكىندىكتىڭ بارىنشا وتە قاتتى تاعامداردى جەمەگەنى ابزال.
مۇنداعى سەبەپ، كەشتە ادامنىڭ ىشكى دەنە مۇشەلەرى دەمالىپ، تەك اسقازان عانا قىزمەت ىستەيتىندىكتەن، تاڭەرتەڭ ورنىنان تۇرا سالعاندا اسقازان ەرەكشە ءالسىز كۇيدە بولادى. ونىڭ ۇستىنە، قارتتاردىڭ اس قورىتۋ قۋاتى دا ءالسىز بولاتىندىقتان، تاڭەرتەڭگى استا وتە قاتتى تاعامداردى جەمەي، كەرىسىنشە جۇمساق ءارى سۇيىق تاعامداردى ىشكەنى ابزال.
تاڭەرتەڭگى استا ەت جەمەۋ
قارتتاردا جۇرەك، مي قان تامىر اۋرۋلارى كوپ تۋىلاتىندىقتان، ادەتتە ازىقتىققا ەرەكشە كوڭىل ءبولىپ، تاڭەرتەڭگى استا مايسىز تاعامداردى نەگىز ەتكەنى ابزال.
مۇنداعى سەبەپ، وتە تۇزدى، مايلى تاعامدار جۇرەك، مي قان تامىر اۋرۋلارىن تۋدىرادى. ەگەر قارتتار تاڭەرتەڭگى استا وتە مايلى تاعامداردى جەسە، مايدىڭ دەنەدەگى قورتىلۋى ەتسىز تاعامدارعا قاراعاندا ءتىپتى باياۋ بولاتىندىقتان، ازىقتىقتار دەنەگە جينالادى دا ادام سەمىرەدى. سەمىزدىك ـــ قان قىسىمى جوعارىلاۋ، قانداعى ماي قۇرامى جوعارىلاۋ، قانداعى قانت قۇرامى جوعارىلاۋ اۋرۋلارىن تۋدىراتىن نەگىزگى فاكتور. سوندىقتان قارتتار تاڭەرتەڭگى استا مايسىز تاعامداردى جەۋى، ەڭ جاقسىسى قارا استىقتى نەگىز ەتۋ كەرەك.
تاڭەرتەڭگى استا وتە سۋىق تاعامداردى جەمەۋ
مەيلى قاي كەز بولماسىن قارتتار تاڭەرتەڭگى استى جىلىتىپ ىشكەن ابزال. مۇنداعى سەبەپ، شيكى ءارى سۋىق تاعامدار اسقازان-ىشەكتى تىتىركەندىرىپ، اسقازان-ىشەك اۋرۋلارىن تۋدىرادى دا ءىش وتەدى. قارتتار ادەتتە تاعامداردى جىلىتىپ ىشۋگە ەرەكشە كوڭىل بولگەنى ابزال. شيكى ءارى سۋىق تاعامدار ىشكى دەنە مۇشەلەرىنىڭ قارتايۋىن تەزدەتىپ، دەنساۋلىققا ىقپال جاسايدى.
ءان الەمى

جول توسىلىپ قالدى

تۇلپارىم