باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ون ءتۇرلى بەلگى قانتتى نەسەپ اۋرۋىنان دەرەك بەرەدى

    كەلۋ قاينارى: شينجياڭ حالىق راديو ىستانسياسى    2017-02-27 18:55:55  
زەرتتەۋلەردە قانتتى نەسەپ اۋرۋىنا شالدىققان 25 پايىز ناۋقاستىڭ وزدەرىنىڭ قانتتى نەسەپ اۋرۋىنا شالدىققاندىعىن بىلمەيتىندىگى كورسەتىلگەن. ماماندار تومەندەگى 10 ءتۇرلى قانتتى نەسەپ اۋرۋ بەلگىسىنە كوڭىل ءبولۋدى ەسكەرتەدى.
1. كىشى دارەتكە ءجيى وتىرۋ. مۇندا قانتتى نەسەپ اۋرۋىنا شالدىققانداردىڭ دەنەسىندەگى ازىقتىقتى قانتقا اينالدىرۋ رولىنىڭ تومەندەۋىنەن قانداعى قانت قۇرامى جوعارىلايدى. دەنە ءوزىن قورعاۋ ءۇشىن نەسەپ ارقىلى دەنەدەگى ارتىق قانت مولشەرىن سىرتقا شىعاراتىندىقتان، قۋىقتىڭ سىزداۋىن كەلتىرىپ شىعارادى.
2. شولدەۋ. كىشى دارەتكە كوپ وتىرۋ اۋىزدى كەپتىرەدى، بۇل كەزدە قۇرامىندا قانت بار سۋسىنمەن ءشول باسپاۋىمىز، سول ارقىلى قانداعى قانت مولشەرىنىڭ ارتۋىنىڭ الدىن الۋىمىز كەرەك.
3. دەنە سالماعىنىڭ جەڭىلدەۋى. ارتىق سالماق قانتتى نەسەپ اۋرۋىنىڭ قاس جاۋى، دەنە سالماعىنىڭ جەڭىلدەۋى ەستىر قۇلاققا قانتتى نەسەپ اۋرۋىنىڭ بەلگىسى ەمەستەي سەزىلەدى. ءىس جۇزىندە قانتتى نەسەپ اۋرۋىنان بولعان دەنە سالماعىنىڭ جەڭىلدەۋىندە نەگىزىنەن ەكى ءتۇرلى سەبەپ بولادى، ءبىرى، ءبىر ءبولىم سۋ قۇرامى نەسەپ ارقىلى سىرتقا شىعارىلادى؛ ەندى ءبىرى، كىشى دارەتكە ءجيى وتىرۋدا دەنەدەگى ءبىر ءبولىم جىلۋدى الىپ كەتەدى.
4. السىزدىك جانە قۇرساق اشقانداي سەزىنۋ. قانداعى قانت مولشەرىنىڭ جوعارىلاۋى دەنەنىڭ قان قانتىن رەتتەۋدەن ماسەلە شىققاندىعىن كورسەتەدى، ەگەر قۇرامىندا كومىر-سۋ قوسىلىسى جوعارى ازىقتاردى، ماسەلەن، كۇرىش پەن ۇندى جەگەندە ينسۋلين جوعارىلاپ، قانداعى قانتتى دەرەۋ تۇسىرەدى. بۇل كەزدە ادام السىرەپ، كوپتەگەن كومىر-سۋ قوسىلىسىن قاجەت ەتەتىندىكتەن، قاتەرلى اينالىمدى تۋدىرادى.
5. ۇدايى قالجىراۋ. ۇدايى قالجىراۋ باستى بەلگىلەردىڭ ءبىرى، بۇل تۇتىنعان ازىقتىعىڭىزدىڭ ىدىراماعاندىقتان نەمەسە كلەتكالاردىڭ پايدالانعاندىعىن اڭعارتۋى مۇمكىن. دەنە قاجەتتى ەنەرگيانى قابىلداي الماعاندىقتان، شارشاعانداي سەزىنەدى. 2-تيپتى قانتتى نەسەپ اۋرۋىنا شالدىققان ناۋقاستاردىڭ ءبىر مەزەت قانداعى قانت دەڭگەيىنىڭ جوعارىلاۋىنا ىلەسىپ، بۇنداي بەلگىلەردىڭ كورىلۋى باياۋ بولادى.
6. كوڭىل كۇيى قالىپسىزدانىپ، وڭاي اشۋلانۋ. قانداعى قانت قالىپسىز بولعاندا، جايسىزدانعانداي سەزىنىپ، ءتىپتى مازاسىزدانۋىڭىز مۇمكىن. ءىس جۇزىندە قانداعى قانت قۇرامىنىڭ جوعارىلاۋى جانە جابىعۋ ناۋقاسىنا كىرىپتار ەتەدى، ماسەلەن، قاتتى قالجىراۋ، جۇمىس ىستەۋگە، سىرتقا شىعۋعا زاۋقى سوقپاۋ، بۇعىپ جاتا بەرۋ سياقتىلار.
7. كوزى بۇلىڭعىرلانۋ. قانتتى نەسەپ اۋرۋىنىڭ باستاپقى كەزەڭىندە گليۋكوزا كوزگە جينالاتىندىقتان، ۋاقىتتىق فورماسىن وزگەرتىپ، كوزدىڭ كورۋ قۋاتىنا ىقپال جاسايدى. قانداعى قانت قالىپقا تۇسكەننەن كەيىنگى 6 دا 8 اپتا ارالىعىندا كوزدىڭ بۇلىڭعىرلانۋى جوعالادى. كوڭىل بولۋگە ءتيىستىسى، قانتتى نەسەپ اۋرۋىنىڭ باستاپقى كەزەڭدەگى اۋرۋ بەلگىسى كوبىندە قانتتى نەسەپ اۋرۋى سيپاتىنداعى كوز تور قابىعىنىڭ پاتولوگيالىق وزگەرىسى ەمەس.
8. جاراقاتتىڭ ءبىتۋى باياۋ بولۋ. قانتتى نەسەپ اۋرۋىنا شالدىققانداردىڭ قان قانتىنىڭ مولشەرى جوعارىلاپ، قارسىلىق قۋاتى تومەندەپ، جاراقات اۋزىنىڭ ءبىتۋى قيىنعا سوعادى.
9. اياعى جانسىزدانۋ. قان قانتىنىڭ قويۋلىعى جوعارىلاعاننان كەيىن، نەرۆ جەڭىل حاراكتەرلى زاقىمدالۋى مۇمكىن، بۇل ەكى اياقتىڭ جانسىزدانۋىن تۋدىرادى.
10. نەسەپ جولىنىڭ جۇعىمدالۋى وتە وڭاي تۋىلادى. نەسەپ جولىنداعى قانت مولشەرىنىڭ جوعارىلاۋى باكتەريالاردىڭ ءوسىپ-وربۋىنە وراي ازىرلەپ بەرەدى.
ءان الەمى

جول توسىلىپ قالدى

تۇلپارىم