باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا جاڭا دامۋ ۇستانىمىن امالياتتا ايگىلەپ، رەفورمانى، ەسىك اشۋدى تەرەڭدەتىپ، وسى زامانعى حالىقارالىق ءىرى قالانى جەدەل قۇرۋدى باسا دارىپتەدى

    كەلۋ قاينارى: شينجياڭ حالىق راديو ىستانسياسى    2017-03-06 13:58:18  
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ناۋرىز تۇستەن كەيىن، مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ باسا دارىپتەدى: يدەيانى ازات ەتىپ، جاۋاپكەرلىكتى باتىلدىقپەن ارقالاپ، باتىلدىقپەن الدا ءجۇرىپ، جاڭا دامۋ ۇستانىمىن مىزعىماي امالياتتا ايگىلەپ، رەفورمانى، ەسىك اشۋدى تەرەڭدەتىپ، جاڭالىق اشۋ ارقىلى دەم بەرۋگە جەتەكشىلىك ەتىپ، باۋراۋ قۋاتىن، جاسامپازدىق قۋاتىن، باسەكەلىك قۋاتىن ۇزدىكسىز كۇشەيتىپ، سوتسياليستىك وسىزاماندانعان حالىقارالىق ءىرى قالانى جەدەل قۇرۋ كەرەك. شاڭحاي ۋاكىلدەر ۇيىرمەسىنىڭ تالقىسى جالىندى بەينەدە ءوتتى، ۋاكىلدەر بەلسەنە لەبىز ءبىلدىردى. يىڭ يۇڭ، لي لين، جين فىڭ، جاڭ جاۋ - ان، سۇن يۋەميڭ، فان يۇن، شۇي نيڭشىڭ قاتارلى 7 ۋاكىل جەكە - جەكە شاڭحايدىڭ ەكونوميكالىق، قوعامدىق دامۋ جاعدايى، عىلمي زەرتتەۋ قىزمەتكەرلەرىنىڭ جاڭالىق اشۋ ومىرشەڭدىك كۇشىن ساۋلەلەندىرۋ، تەڭىز - مۇحيت سالاسى دارىندىلارىن باۋلۋدى كۇشەيتۋ، چۇڭميڭ ەكولوگيالىق ارالى قۇرىلىسى، اۋىل - قىستاقتاردىڭ نەگىزگى ساتىسىن جونگە سالۋدى كۇشەيتۋ، قازىنا - سالىق ءتۇزىلىسى رەفورماسىن ىلگەرىلەتۋ، وقۋ - اعارتۋ رەفورماسىن تەرەڭدەتۋ سياقتى ماسەلەلەر جونىندە پىكىر ايتتى. شي جينپيڭ كوپشىلىكتىڭ لەبىزىن تىڭداي وتىرىپ، ەستەلىككە الىپ، ۋاكىلدەرمەن ىشكەرىلەي پىكىر اۋىستىردى.
ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى بۇكىلدەي قۇپتايتىندىعىن بىلدىرە كەلىپ، مىنالاردى باسا دارىپتەدى: ءبىر جىلدان بەرى، حالىقارالىق ورتانىڭ كۇردەلى دە قۇبىلمالى، ەل ءىشى ەكونوميكاسىنىڭ تومەندەۋ قىسىمى ءبىرشاما زور بولۋ جاعدايىندا ءبىز ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ەكونوميكالىق، قوعامدىق دامۋدىڭ نىساناسى مەن مىندەتتەرىن تابىستى ورىنداپ، «13 - بەسجىلدىق» جوبانىڭ تاماشا باستاماسىن جۇزەگە اسىردىق.
شي جينپيڭ شاڭحايدىڭ ءبىر جىلدان بەرى جاڭالىق اشۋ ارقىلى دامۋعا دەم بەرۋ، ەكونوميكالىق قۇرىلىمدى ساپالىلاندىرۋ، رەفورمانى تەرەڭدەتۋ سياقتى جاقتاردى ارقاۋ ەتە وتىرىپ، قول جەتكىزگەن ناتيجەسىن تولىق تۇراقتاندىردى. ول شاڭحايداعى جولداستاردان بۇكىل ەلىمىزدەگى رەفورمانىڭ، ەسىك اشۋدىڭ كوشباسشىسى، جاڭالىق اشا دامۋدىڭ سەركەسى بولۋ تالابىنان جازباي، ەركىن ساۋدا سىناق رايونى رەفورماسىن تەرەڭدەتۋدە، عىلىم - تەحنيكادا جاڭالىق اشۋ ورتالىعى قۇرىلىسىن ىلگەرىلەتۋدە، قوعامدىق جونگە سالۋ بويىنشا جاڭالىق اشۋدا، پارتيانى جاپپاي قاتاڭ جونگە سالۋدا تىڭ ۇلەس قوسۋىن ءۇمىت ەتتى.
شي جينپيڭ مىنالاردى اتاپ كورسەتتى: ەركىن ساۋدا سىناق رايونىن قۇرۋ − پارتيا ورتالىق كوميتەتىنىڭ جاڭا جاعدايدا رەفورمانى جاپپاي تەرەڭدەتۋدەگى، سىرتقا ەسىك اشۋ اياسىن كەڭەيتۋدەگى ستراتەگيالىق شاراسى. جۇڭگونىڭ ايقارا اشىلعان ەسىگى جابىلمايدى، سىرتقا جاپپاي ەسىك اشۋعا تاباندى بولىپ، ساۋدا مەن قارجى قوسۋ ەركىندىگىن، قولايلىلىعىن ۇزدىكسىز جەبەۋ كەرەك. شاڭحاي يدەيانى ازات ەتىپ، باتىلدىقپەن قامال بۇزىپ، ۇلگى بولىپ، ەڭ جوعارى ولشەممەن سالىستىرىپ، ولقىلىقتاردى، جەتەرسىزدىكتى تاۋىپ، باتىلدىقپەن سىناق جۇرگىزىپ، باتىلدىقپەن ءورىس اشىپ، دەربەس وزگەرىس جاساپ، رەفورمانى جاپپاي تەرەڭدەتۋ مەن ەسىك اشۋدى كەڭەيتۋ سىناق اتىزىنىڭ رولىن ونان ارى ايگىلەپ، ەلىمىزدىڭ دۇنيە جۇزىنە جان - جاقتى ەسىك اشقان ايقىن پوزيتسياسىن اڭعارتۋى كەرەك.
شي جينپيڭ مىنالاردى باسا دارىپتەدى: شاڭحاي ەركىن ساۋدا سىناق رايونى قۇرىلىسىن ەسىك اشۋ مەن جاڭالىق اشۋدى ءبىرتۇلعالاندىرعان كەشەندى رەفورما سىناق رايونىنا، مەملەكەتتىڭ «ءبىر بەلدەۋ، ءبىر جول» قۇرىلىسىنا قىزمەت وتەۋدەگى، بازاردىڭ سىرتقا سۋبيەكتتىك ءورىس اشۋىن ىلگەرىلەتۋدەگى العى قامالعا اينالدىرۋعا قۇلشىنۋ كەرەك. جۇيەلىك وي قالىپتاستىرىپ، رەفورما شارالارىنىڭ تۇلعالىق تىزبەگىنە ءمان بەرۋ، سونىمەن بىرگە ەل ءىشى رەفورماسىنىڭ جالپى قالا رەفورماسىمەن، شاڭحاي حالىقارالىق فينانس ورتالىعىمەن جانە عىلىم - تەحنيكادا جاڭالىق اشۋ ورتالىعىمەن بولعان ىقپالداستىعىن كۇشەيتىپ، ساياساتتىڭ شوعىرلى ەففەكتىن ۇزدىكسىز كەڭەيتۋ كەرەك. الدىمەن قارمانۋ باسىمدىعىن ساۋلەلەندىرىپ، حالىقارالىق قارجى قوسۋ جانە ساۋدا وتكەلى ەرەجەسىمەن ۇشتاسقان ءتۇزىم جۇيەسىن الدىمەن ورناتىپ، كوشىرۋگە، جالپىلاستىرۋعا بولاتىن ءتىپتى دە كوپ تۇزىمدىك جاڭالىق اشۋ جەتىستىكتەرىنە قول جەتكىزۋگە كۇش سالۋ كەرەك. باسقا دا ەركىن ساۋدا سىناق رايوندارىنىڭ سىناق تۇيىندەرىمەن سەلبەستىكتى كۇشەيتىپ، ءوزارا ۇيرەنۋ، ءبىرىن - ءبىرى جەبەۋ كەرەك.
شي جينپيڭ مىنالاردى باسا دارىپتەدى: ەكونوميكالىق دامۋدىڭ جاڭا قالىبىنا ۇيلەسۋدىڭ جانە ءجون سىلتەۋدىڭ، قامداۋ جاعىنداعى قۇرىلىمدىق رەفورمانى ىلگەرىلەتۋدىڭ نەگىزى جاڭالىق اشۋعا سۇيەنۋ. عىلىم ورتالىعىنىڭ شوعىرلانۋ دەڭگەيى مەن ايگىلەنۋ دەڭگەيىن الەمدىك كوز ايا، حالىقارالىق ولشەم تۇرعىسىنان جوعارىلاتىپ، نەگىزدىك عىلىم - تەحنيكا سالاسىندا ۇلكەن جاڭالىق اشۋ، شەشۋشى، وزەكتى تەحنيكا سالاسىندا ۇلكەن تابىسقا قول جەتكىزۋ كەرەك. ءوندىرىستىڭ، وقىتۋدىڭ، زەرتتەۋدىڭ ءوزارا ۇشتاسۋىن تەجەيتىن ءتۇزىلىستىك، مەحانيزمدىك وسال تۇستاردى تالقانداپ، قۇرىلىم، دارىندى، جابدىق، قاراجات، نىسانداردى جان- جاقتى جانداندىرىپ، عىلىم - تەحنيكا جەتىستىكتەرىنىڭ اناعۇرلىم تەز جالپىلاسۋىنا، قولدانىلۋىنا، كادەگە جاراۋىنا مۇمكىندىك جاساۋ كەرەك. دارىندىلاردى تانۋ، دارىندىلاردى ايالاۋ، دارىندىلاردى قۇرمەتتەۋ، دارىندىلاردى ىستەتۋ ستيلىن بارىنشا ساۋلەلەندىرۋ، دارىندىلاردى باۋلۋ، ىستەتۋ مەحانيزمىن رەفورمالاۋ، حالىقارالىق قاتىناۋدىڭ يكەمدى، ءونىمدى ادىستەرىنەن ۇلگى الىپ جانە ونى قولدانىپ، دارىندىلار ساياساتىندا جاڭالىق اشۋدان قامال الۋ مەن تياناقتانۋدى اشالاۋدى ىلگەرىلەتىپ، دۇنيە جۇزىندەگى دارىندىلاردى شىنايى شوعىرلاندىرىپ، ىستەتىپ، ءتىپتى دە كوپ ساڭلاقتاردىڭ كوسىلە شابۋىنا مۇمكىندىك جاساۋ كەرەك.
شي جينپيڭ مىنالاردى اتاپ كورسەتتى: ەرەكشە ۇلكەن قالالاردىڭ ەرەكشەلىگى مەن زاڭدىلىعىنا ۇيلەسەتىن قوعامدىق جونگە سالۋ جاڭا جولىن اشۋ − شاڭحايدىڭ دامۋىنا ساياتىن ءىرى ماسەلە. جالعاستى كۇش سالىپ، ۇزدىكسىز تەرەڭدەتىپ، قوعامدىق جونگە سالۋ قۋاتىن جوعارىلاتىپ، قوعامدىق دامۋدىڭ ومىرشەڭدىك كۇشىن ارتتىرۋ كەرەك. زاڭمەن جونگە سالۋدى كۇشەيتىپ، زاڭمەن جونگە سالۋ يدەياسى مەن زاڭمەن جونگە سالۋ تاسىلىنەن ۇتىمدى پايدالانۋ ارقىلى قالانى جونگە سالۋداعى قيىن ماسەلەلەردى شەشىپ، قالانى كەشەندى باسقارۋدى زاڭمەن جونگە سالۋ جاڭا جاعدايىن قۇلشىنا قالىپتاستىرۋ كەرەك. ينتەللەكتۆالدى باسقارۋدى كۇشەيتىپ، قالانى باسقارۋ ولشەمىن جوعارىلاتىپ، ينتەرنەت، ۇلكەن ساندى مالىمەت سياقتى ينفورماتسيا تەحنيكاسى شاراسىن كوپ قولدانىپ، قالانى عىلمي، اشالاپ، ينتەللەكتۋالدى باسقارۋ دەڭگەيىن جوعارىلاتۋ كەرەك. ولقىلىقتاردى تەز تولىقتاپ، نازاردى قالانىڭ حاۋىپسىزدىگىنە ىقپال كورسەتەتىن، دامۋعا تۇساۋ بولاتىن، بۇقارانىڭ اڭىسى كۇشتى كورنەكتى ماسەلەلەرگە اۋدارىپ، كەشەندى رەتتەۋ - وڭاۋدى كۇشەيتىپ، ۇدايىلانعان، ۇزاق ءونىمدى باسقارۋ مەحانيزمىن قالىپتاستىرىپ، قالانىڭ نەعۇرلىم ءتارتىپتى، نەعۇرلىم حاۋىپسىز، نەعۇرلىم تازا بولۋىنا قۇلشىنىس جاساۋ كەرەك. قوعامداعى ءار جاقتىڭ رولىن ساۋلەلەندىرىپ، تۇتاس قوعامنىڭ ومىرشەڭدىك كۇشىن جۇمىلدىرىپ، بۇقارانىڭ ءىسىن بۇقارامەن كوبىرەك اقىلداسۋ، كوپشىلىكتىڭ ىسىنە بارلىق ادام ات سالىسۋ كەرەك.
ول مىنالاردى اتاپ كورسەتتى: پارتيانى جاپپاي قاتاڭ جونگە سالۋ ماڭگىلىك ءىس. پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە پارتيانى جاپپاي قاتاڭ جونگە سالۋ جونىندە ورنالاستىرۋ جاسالدى. قاتاڭدىق تالابىن پارتيا قۇرىلىسىنىڭ جالپى بارىسىنا جانە ءار تارابىنا تياناقتاندىرىپ، تاباندى بولۋ بارىسىندا تەرەڭدەتىپ، تەرەڭدەتۋ بارىسىندا تاباندى بولىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ كەرەك. پارتيانى باسقارۋ، پارتيانى جونگە سالۋ سۋبيەكتتىك جاۋاپكەرلىگى مەن باقىلاۋ جاۋاپكەرلىگىن شيراتىپ، قاتايتىپ، باسشى كادرلاردىڭ جاۋاپكەرلىكتى ارقالاۋىنا قۋزاۋشىلىق ەتىپ، پارتيانىڭ ىشكى ساياسي تۇرمىسىن كۇشەيتىپ جانە ارناعا ءتۇسىرىپ، پارتيا ىشىندە باقىلاۋ مىندەتتەرىنىڭ ناقتى تياناقتانۋىن كۇشەيتۋ كەرەك. پارتيانى جاپپاي قاتاڭ جونگە سالۋدى ىلگەرىلەتۋدە، ءسوز جوق، نەگىزگى ساتىنى ويداعىداي يگەرۋ، نەگىز قالاۋ قىزمەتىن ويداعىداي ىستەپ، ءاربىر نەگىزگى ساتى پارتيا ۇيىمدارىن پارمەندى جاۋىنگەرلىك قامالعا اينالدىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى حان جىڭ قاتارلىلار تالقىعا قاتىناستى.
ءان الەمى

جول توسىلىپ قالدى

تۇلپارىم