باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان ءىشىنارا ۋاكىلدەر ۇيىرمەسىنىڭ تالقىسىنا جەكە - جەكە قاتىناستى

    كەلۋ قاينارى: شينجياڭ گازەتى    2017-03-08 17:39:06  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان 7 - ناۋرىز تۇستەن بۇرىن مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان ءىشىنارا ۋاكىلدەر ۇيىرمەسىنىڭ تالقىسىنا جەكە - جەكە قاتىناستى.
شي جينپيڭ لياۋنيڭ ۋاكىلدەر ۇيىرمەسىنىڭ تالقىسىنا قاتىناستى. تالقىدا لي شي، چىن چيۋفا، تاڭ فۋپيڭ، شۇي چياڭ، چىن شيۋيان، ۋاڭ شياۋجيۋ، فىڭ يۇيپيڭ قاتارلى 7 ۋاكىل لياۋنيڭنىڭ كوركەيىپ دامۋىن ىلگەرىلەتۋ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، ۇستالىق رۋحتى اسقاقتاتۋ، اۋىل - قىستاق نەگىزگى ساتى بيلىك قۇرىلىسىن كۇشەيتۋ، حالىق باسقارۋىنداعى ەكونوميكانى دامىتۋ، كۇشەيتۋ، وزىق ءداستۇرلى مادەنيەتتى اسقاقتاتۋ سياقتى ماسەلەلەر توڭىرەگىندە پىكىر ءبىلدىردى.
شي جينپيڭ مۇقيات تىڭداپ جانە ەستەلىككە الىپ، كوپشىلىكپەن پىكىرلەسىپ، سوڭىندا ماڭىزدى ءسوز سويلەدى. شي جينپيڭ لياۋنيڭنىڭ وتكەن ءبىر جىلداعى قىزمەتتەرىن تۇراقتاندىرعاننان كەيىن، مىنالاردى اتاپ كورسەتتى: قامداۋ جاعىنداعى قۇرىلىمدىق رەفورمانى ىلگەرىلەتىپ، مەملەكەت يەلىگىندەگى كاسىپورىنداردىڭ رەفورماسىن، دامۋىن ىلگەرىلەتىپ، كادرلار ستيلىنە بۇرىلىس جاساۋدى جەبەپ، شىعىس سولتۇستىكتەگى بايىرعى ونەركاسىپ بازالارىن كوركەيتۋ ستراتەگياسىن ىشكەرىلەي جۇرگىزىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ سياقتى ءتۇرلى قىزمەتتەردى جاپپاي ويداعىداي ىستەۋ كەرەك.
شي جينپيڭ مىنالاردى اتاپ كورسەتتى: قامداۋ جاعىنداعى قۇرىلىمدىق رەفورما لياۋنيڭدى كوركەيتۋدە، ءسوزسىز، باسىپ وتەتىن جول. باستى قايشىلىقتاردى مىقتى ۇستاپ، نەگىزگى كۇش سالۋ باعىتىن ايقىنداپ، لياۋنيڭنىڭ قامداۋ جاعىنداعى قۇرىلىمدىق رەفورماسىنىڭ ۇزدىكسىز جاڭا ىلگەرىلەۋشىلىككە قول جەتكىزۋىن جەبەپ، لياۋنيڭنىڭ ونەركاسىبىن بەلدى بەكەم بۋا وتىرىپ كوركەيتىپ، لياۋنيڭ ونەركاسىبىنىڭ كەرەمەتىن قايتا جاراتۋ كەرەك. ەكونوميكالىق دامۋدىڭ قاي كەزىندە دە، ناقتى ەكونوميكا ەكونوميكالىق دامۋدىڭ، حالىقاراداعى ەكونوميكالىق باسەكەدە ىرىقتىلىقتى قولعا كەلتىرۋدىڭ نەگىزى بولىپ تابىلادى. لياۋنيڭداعى بايىرعى ونەركاسىپ بازالارى ناقتى ەكونوميكامەن شاڭىراق كوتەرگەن، جاڭا كەزەكتەگى كوركەيۋ، دامۋ دا ناقتى ەكونوميكاعا سۇيەنەدى. كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدى ءتۇيىندى تۇردە مىقتى يگەرىپ، باياندى باسەكەلىك قۋاتقا جانە تىرەكتىك كۇشكە يە ونەركاسىپ جۇيەسىن قالىپتاستىرىپ، ستراتەگيالىق جاڭا گۇلدەنگەن كاسىپ سالالارى مەن ءداستۇرلى جاساۋ كاسىبى قاتار جۇرەتىن، وسى زامانعى قىزمەت وتەۋ كاسىبى مەن ءداستۇرلى قىزمەت وتەۋ كاسىبى ءبىر - ءبىرىن جەبەيتىن، ينفورماتسيالاندىرۋ مەن ونەركاسىپتەندىرۋ تەرەڭ توعىسقان، ارميا مەن حالىق توعىسا داميتىن قۇرىلىمدىق جاڭا جۇلگە قالىپتاستىرۋدى ىلگەرىلەتۋ كەرەك.
شي جينپيڭ مىنالاردى اتاپ كورسەتتى: مەملەكەت مەنشىگىندەگى كاسىپورىنداردى لياۋنيڭدى كوركەيتۋدىڭ «سەركەسى» ەتىپ، مەملەكەت مەنشىگىندەگى كاسىپورىنداردى تاباندىلىقپەن الۋەتتەندىرىپ، ساپالىلاندىرىپ، ۇلعايتىپ، ۇيتقىلىق باسەكەلىك قۋاتتى جەتىلدىرىپ، جاڭالىق اشۋ ارقىلى دامۋعا دەم بەرۋدىڭ اتويشىلارىنان بولىپ، كاسىپورىندارداعى جاسامپازدىق رۋحى مەن جاسامپازدىق قابىلەتى ءبىرشاما كۇشتى عىلىم - تەحنيكالىق دارىندىلار قوسىنىن جەدەل باۋلۋ كەرەك. مەملەكەت مەنشىگىندەگى كاپيتالدىڭ ورنالاسۋىن ساپالىلاندىرىپ، مەملەكەت مەنشىگىندەگى مال - مۇلىكتىڭ قۇنىن ساقتاۋ، قۇنىن ءوسىرۋ جاۋاپكەرشىلىگىن جاپپاي تياناقتاندىرىپ، مەملەكەت مەنشىگىندەگى مال - مۇلىكتىڭ زايا كەتۋى مەن اۋىر حاۋىپ - قاتەر وقيعالارىنىڭ تۋىلۋىنان ساقتانۋ كەرەك.
شي جينپيڭ مىنالاردى اتاپ كورسەتتى: كادرلار ستيلىنە بۇرىلىس جاساۋدى ىلگەرىلەتۋدى تۇتقا ەتىپ، كادرلار قوسىنى قۇرىلىسىن جاپپاي ىلگەرىلەتۋ كەرەك. ءبىر ءوڭىردىڭ ءىسى ىلگەرى، ەلى بەرەكەلى، تىنىش، ءتارتىپتى بولۋى ءۇشىن، ءسوز جوق، تاماشا ساياسي ەكولوگيا بولۋ كەرەك. ساياسي ەكولوگيا بىلعانسا، بيلىك ءناپسىسى كوزدى كولەگەيلەۋ، كورىنىستە قۇراق ۇشىپ، كومەسكىدە ازەزىلدىك ويلاۋ، توپ قۇراپ، جەكە مۇددە كوزدەۋ، توپشىلدىق، جىكشىلدىك ىستەۋ سياقتى ماسەلەلەر ءورشىپ، پارتيانىڭ يدەيالىق، ءمورالدىق نەگىزىن بۇلدىرەدى. پارتيانىڭ ىشكى ساياسي تۇرمىسىن قاتايتىپ، ادام تاڭداۋ، ادام ىستەتۋدەگى   بۇرىس ستيلدەردى ىشكەرىلەي رەتتەپ، وڭاپ، ادام ىستەتۋدىڭ دۇرىس باعىتىنان جازباي، پارتيا مەن حالىق ىستەرىنە شىنايى ادال، ءىس - ارەكەتى ءتۇزۋ، جۇمىستى ادال اتقاراتىن كادرلاردى تاڭداپ ءوسىرىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك. حالىق قۇرىلتايىنىڭ ءار ۋاكىلى ساياسي تۇرعىدا بەرىك تۇرىپ، ساياسي تانىمدى، زاڭمەن جونگە سالۋ تانىمىن، بۇقارالىق تانىمدى كۇشەيتىپ، حالىقتان شىعىپ، حالىققا تامىر تارتاتىن ەرەكشەلىكتەرىن ساۋلەلەندىرىپ، بۇقارامەن جاناسىپ، حالىقتىڭ جاعدايىن ءبىلىپ، حالىق پاراساتىن شوعىرلاندىرىپ، حالىقتىڭ تالاپ - تىلەگىنەن شىعۋعا قۇلشىنۋ كەرەك.
لي كىچياڭ شيزاڭ ۋاكىلدەر ۇيىرمەسىنىڭ تالقىسىنا قاتىناستى. ۋ يىڭجيە، شياڭباپيڭسو، لوساڭجياڭسۇن قاتارلى ۋاكىلدەر شيزاڭنىڭ دامۋى جونىندە لەبىز ءبىلدىردى. لي كىچياڭ كوپشىلىكپەن پىكىرلەستى. ول بىلاي دەدى: شيزاڭ مەملەكەتتىڭ جالپى جاعدايىندا ەرەكشە ماڭىزدى ورىنعا يە. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شيزاڭ قىزمەتىن ىلگەرىلەتۋدى ماڭىزدى ورىنعا قويدى، بيىل تاعى دا پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، شيزاڭ قىزمەتىن ءبىر تۇتاس جوسپارلاپ، ىلگەرىلەتىپ، دامۋ مەن ورنىقتىلىقتى ءبىر - بىرىنە توعىستىرىپ، تەڭ الىپ ءجۇرۋ كەرەك. حالىق تۇرمىسىن قامتاماسىز ەتۋ مەن جاقسارتۋ ءتۇيىنىن كورنەكتىلەندىرىپ، بۇقارا اڭساپ وتىرعان وقۋ - اعارتۋ، ەمدەۋ، جىلۋمەن قامداۋ ينجەنەرياسى سياقتىلاردى وزەك ەتىپ، حالىق تۇرمىسى سالاسىنداعى «ولقىلىقتاردى» جەدەل تولىقتىرىپ، نەگىزگى الەۋمەتتىك قىزمەت وتەۋ دەڭگەيىن جوعارىلاتۋ كەرەك. ەكولوگيانى قاتاڭ قورعاۋدى شارت ەتە وتىرىپ، ساياحات، تازا ەنەرگيا، ۇلتتىق شيپاگەرلىك سياقتى ەرەكشە باسىمدىققا يە كاسىپتەردى بار كۇشپەن دامىتۋ كەرەك. مەملەكەت قاتىناس، ەلەكتر جەلىسى نەگىزدىك قۇرىلعى قۇرىلىسى سياقتى جاقتاردا قولداۋ مەن ۇسىنىلىمدى ارتتىرىپ، دامۋدى جەتەكتەۋدىڭ كوبەيتكىشتىك اسەرىن ساۋلەلەندىرۋ كەرەك. «قان بەرۋ» مەن «قان جاساۋدى» تىعىز بىرلەستىرىپ، كەدەيلىكتەن قۇتىلدىرۋدان قامال الۋ سەرپىنىن كۇشەيتۋ، اسىرەسە، شەكارا وڭىردەگى بۇقارانىڭ ءوندىرىس، تۇرمىس شارت - جاعدايىن جاقسارتۋ كەرەك. ۇلتتار ىنتىماعىن بار كۇشپەن نىعايتىپ، ءار ۇلتتىڭ تاتۋلىعىن، ءدىن قاتىناسىنىڭ جاراسىمدىلىعىن، دامۋدى جەبەيتىن قۇدىرەتتى بىرىككەن كۇش قالىپتاستىرىپ، شيزاڭنىڭ قوعام ورنىقتىلىعى مەن باياندى تىنىشتىعىن بىرگە قورعاۋ كەرەك.
يۇي جىڭشىڭ تايۋان ۋاكىلدەر ۇيىرمەسىنىڭ تالقىسىنا قاتىناستى. چىن ۋي - ۋىن، چىن جۇن، جياڭ ىرشيۇڭ سياقتى ۋاكىلدەردىڭ ءسوزىن تىڭداعان سوڭ، يۇي جىڭشىڭ بىلاي دەپ اتاپ كورسەتتى: باس شۋجي شي جينپيڭنىڭ تايۋان قىزمەتى جونىندەگى ماڭىزدى يدەياسى وتكەن 5 جىلداعى تايۋان جونىندەگى قىزمەتكە جەتەكشىلىك ەتتى، ول سونداي - اق جاڭا جاعدايدا تايۋان جونىندەگى قىزمەتتى ۇزدىكسىز جاقسى ىستەۋدىڭ عىلمي قىبىلاناماسى، ءبىز ونى مۇقيات ۇيرەنىپ، ۇعىنۋىمىز جانە دايەكتى تياناقتاندىرۋىمىز كەرەك. بيىل ەكى جاعالاۋ قاتىناسى ءتىپتى اۋىر، كۇردەلى جاعدايعا ءدوپ كەلەدى. ءبىز «بەيبىت جولمەن بىرلىككە كەلۋ، ءبىر ەل، ەكى ءتۇزىم» نەگىزگى باعىتىنا ۇزدىكسىز تاباندى بولىپ، مەيلىنشە ادال نيەتپەن، قولدان كەلگەن زور قۇلشىنىستار ارقىلى بەيبىت جولمەن بىرلىككە كەلۋدىڭ بولاشاعىنا قول جەتكىزۋىمىز كەرەك. ءبىر جۇڭگو پرينسيبىن ايگىلەيتىن «92 - جىلعى ورتاق تانىمعا» تاباندى بولىپ، «تايۋان تاۋەلسىزدىگىن» جاقتايتىن بولشەكتەۋ ارەكەتى اتاۋلىنىڭ بارىنە باتىل قارسى تۇرىپ جانە اۋىزدىقتاپ، ەكى جاعالاۋدىڭ ءبىر جۇڭگوعا ءتان ەكەنىن مويىندايتىن تايۋانداعى بارلىق ساياسي پارتيامەن، توپپەن جانە ۇيىممەن كەڭ كولەمدە ىنتىماقتاسىپ، ەكى جاعالاۋ قاتىناسىنىڭ بەيبىت دامۋىن جانە تايۋان بۇعازىنىڭ بەيبىتشىلىگى مەن ورنىقتىلىعىن قۇلشىنا قورعاۋىمىز كەرەك. «ەكى جاعالاۋداعىلار ءبىر ءۇيلى جان» كوزقاراسىن ۇستانىپ، ەكى جاعالاۋدىڭ حالىقتىق سالالارى اراسىنداعى بارىس - كەلىس پەن سەلبەستىكتى ۇزدىكسىز ىلگەرىلەتىپ، ەكى جاعالاۋدىڭ ەكونوميكاسى مەن قوعامىنىڭ توعىسپالى دامۋىن جەبەپ، تايۋاندىق باۋىرلاستاردىڭ ۇلى قۇرلىقتا ۇيرەنۋىنە، كاسىپتەنۋىنە، شارۋاشىلىق قۇرىپ، تىرشىلىك ەتۋىنە ءتيىمدى ساياساتتار مەن شارالاردى اقىلداسىپ شىعارىپ، ەكى جاعالاۋداعى باۋىرلاستاردىڭ تۋىسقاندىق سۇيىسپەنشىلىگىن كۇشەيتىپ، ولارعا باقىت جاراتۋىمىز كەرەك.
ليۋ يۇنشان گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناستى. ما شيڭرۇي، جۇڭ نانشان، شيان رۇنشيا قاتارلى ۋاكىلدەردىڭ ءسوزىن تىڭداعان سوڭ، ليۋ يۇنشان گۋاڭدۇڭ ولكەسىنىڭ قىزمەتىن تۇراقتاندىردى. ول بىلاي دەدى: پارتيا ورتالىق كوميتەتىنىڭ ورنالاستىرۋلارىن ويداعىداي تياناقتاندىرۋدىڭ، رەفورمانىڭ، دامۋدىڭ جاڭا ءورىسىن اشۋدىڭ تەتىگى يدەيادا، باتىل دا سانالى تۇردە ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ورنىقتىلىقتى باستى ورىنعا قويۋعا، ماڭىزدى تۇيىندەرگە كۇش سالۋعا، ماسەلەنى نىشان ەتۋگە، جوعارى ارقىلى تومەندى جەتەكتەۋگە تاباندى بولۋ كەرەك. جاڭا دامۋ كوزقاراسى ارقىلى ەكونوميكالىق دامۋدىڭ جاڭا قالىبىنا جەتەكشىلىك ەتۋگە تاباندى بولىپ، قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنىن دايەكتىلەندىرىپ، ءتىپتى ساپالى، ءتىپتى ءونىمدى دامۋدى ورنىقتىلىق نەگىزىندە جۇزەگە اسىرىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتاۋ كەرەك. قامداۋ جاعىنداعى قۇرىلىمدىق رەفورمانى ىلگەرىلەتۋدىڭ ءتۇيىندى مىندەتتەرىن مۇقيات تياناقتاندىرىپ، دەربەس جاڭالىق اشۋ قابىلەتىن جاپپاي ارتتىرىپ، دامۋدىڭ جاڭا قوزعاۋشى كۇشىن جەتىلدىرىپ، قامداۋ ساپاسى مەن ورەسىن جوعارىلاتۋ كەرەك. ولقىلىقتاردى تولىقتاۋ، حاۋىپ - قاتەردەن ساقتانۋ قىزمەتىن كۇش سالا جاقسى ىستەپ، كورنەكتى ماسەلەلەردى شەشىپ، كەدەيلىكتەن قۇتىلدىرۋدان قامال الۋدى ويداعىداي يگەرىپ، حالىق تۇرمىسىن جاقسارتۋعا ءمان بەرىپ، بۇقارانىڭ ءتىپتى كوپ تابىس سەزىمىنە كەنەلۋىنە مۇمكىندىك جاساۋ كەرەك. باسشى كادرلار حالىققا ءوزى باستاماشى بولىپ، قاجىرلىلىقپەن جۇمىسقا كىرىسىپ، وزدەرى قول سالىپ ىستەپ، جاۋاپكەرشىلىكتى كۇشەيتىپ، باستاماشىلدىقپەن شىنايى يگەرىپ، ناقتاپ ىستەپ، بۇقارانى ءىس تىندىرىپ، يگىلىك قۇرۋعا، جارقىن ومىرگە كەنەلۋگە ءتىپتى ويداعىداي باستاۋ كەرەك.
ۋاڭ چيشان حۋنان ۋاكىلدەر ۇيىرمەسىنىڭ تالقىسىنا قاتىناستى. دۋ جياحاۋ، شۇي داجى، لۇڭ فيفىڭ قاتارلى ۋاكىلدەر ءسوز سويلەدى. ۋاڭ چيشان بىلاي دەپ اتاپ كورسەتتى: پارتيانىڭ بيلىك جۇرگىزۋىنىڭ نەگىزى − حالىق تىلەگى، حالىق ۋاكىلدەرىنىڭ قول شاپالاق ءۇنى حالىقتىڭ جۇرەك ءۇنىن بەينەلەيدى. اۋەلگى ماقساتتى ۇمىتپاي، ءتۇبىرلى ماقساتتى امالياتتا ايگىلەپ، جاڭا ۇزاق جورىقتى ويداعىداي باسۋدىڭ تەتىگى − پارتيانىڭ باسشىلىعىنا تاباندى بولۋدا، پارتيانى جاپپاي قاتاڭ جونگە سالۋدا، ءتۇيىنى − پارتيالى باسشى كادرلار سىندى «شەشۋشى ازشىلىقتا». «ەكىنى ۇيرەنۋ، بىردە تولىمدى بولۋدى» تەرەڭدەتۋدە ۇيرەنۋ ستيلىن جاقسارتىپ، ءىس جۇزىندىك جاعدايمەن تىعىز بايلانىستىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىمەن سالىستىرىپ، پارىقتاردى ىزدەپ، ماسەلەلەردى تاۋىپ، پارتيانىڭ ىشكى ساياسي تۇرمىسىن قاتايتىپ، ساياسي جانە جالپى جاعداي جاعىنان ۇيتقىعا قاراپ شىن مانىندە ساپ تۇزەۋ كەرەك. پارتيانى جاپپاي قاتاڭ جونگە سالۋ ماڭگى جالعاسا بەرەدى. ءار دارەجەلى پارتيا ۇيىمدارى مەن پارتيالى باسشى كادرلار اۋىر ساياسي جاۋاپكەرشىلىكتى باتىل ارقالاپ، بۇقارانىڭ اينالاسىنداعى بۇرىس ستيلدەردى باتىل جازالاپ، حالىقتىڭ قامىن ويلايتىن ىنتا - پەيىلمەن، حالىق بۇقاراسىمەن كىشى پەيىلدىكپەن بايلانىس ورناتىپ، پارتيانىڭ ابزال ساياساتتارىن ناقتاپ تياناقتاندىرىپ، حالىق بۇقاراسىنىڭ پارتيا ورتالىق كوميتەتىنە دەگەن سەنىمىن ارتتىرۋ كەرەك.

ءان الەمى

جول توسىلىپ قالدى

تۇلپارىم