باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ورنىقتى، تىنىش شينجياڭ ستراتەگيالىق تۇرعىسىنان حالىق تۇرمىسىن كۇش سالا قامتاماسىزداندىرۋ جانە جاقسارتۋ كەرەك

    كەلۋ قاينارى: شينجياڭ حالىق راديو ىستانسياسى    2017-03-15 23:09:31  
باس شۋجي شي جينپيڭ مەملەكەتتىك 12-كەزەكتى حالىق قۇرىلتايىنىڭ 5-ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، ماڭىزدى ءسوز سويلەپ، بىلاي دەپ اتاپ كورسەتتى: ورنىقتى، تىنىش شينجياڭ قۇرۋ ستراتەگيالىق تۇرعىسىنان باستاپ ىسكە كىرىسىپ، ءار ۇلت بۇقاراسىنىڭ تىنىش تىرشىلىگىن ارقاۋ ەتىپ، ءوندىرىس، تۇرمىس شارت-جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىن جاقسارتاتىن ناقتىلى ىستەردى كوبىرەك ىستەپ، بۇقارانىڭ الاڭداعان ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك. باس شۋجيدىڭ حالىق تۇرمىسىنا دەگەن ەرەكشە قامقورلىعى شينجياڭداعى ءار ۇلت حالىقىنا مەيىرى مەن كۇش-قۋات جەتكىزدى، ءارى جاڭا كەزەڭدەگى شينجياڭنىڭ حالىق تۇرمىسىن جاقسارتۋىنا ايقىن تالاپتاردى العا قويدى.
حالىق تۇرمىسى حالىقتىڭ باقىتتى بولۋىنىڭ نەگىزى، قوعامنىڭ جاراسىمدىلىعىنىڭ ءتۇيىنى. حالىق تۇرمىسىنداعى باقىتتى سەزىنۋدى كۇشەيتۋ ــ پارتيامىزدىڭ جالپى ءۇشىن پارتيا قۇرىپ، حالىق ءۇشىن بيلىك جۇرگىزۋگە تاباندى بولۋىنىڭ ناقتى تالابى. شينجياڭدا، حالىق تۇرمىسى ماسەلەسى ورنىقتى، تىنىش شيجياڭعا قاتىستى ستراتەگيالىق ماسەلە. تەك ورنىقتى، تىنىش شينجياڭ قۇرۋ ستراتەگيالىق تۇرعىسىنان حالىق تۇرمىسىن كۇش سالا قامتاماسىزداندىرىپ جانە جاقسارتىپ، بۇقارا ەڭ كوڭىل بولگەن، ەڭ تىكە، ەڭ رەال ماسەلەنى ويداعىداي شەشىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرگەندە عانا، ءار ۇلت بۇقاراسىنىڭ ەڭ جاپپاي قورعاۋى مەن قولداۋىنا باستان-اياق يە بولۋعا، قوعام ورنىقتىلىعى مەن باياندى تىنىشتىقتىڭ قۇدىرەتتى كۇشىن ۇيىستىرۋعا بولادى.
ورنىقتى، تىنىش شينجياڭ قۇرۋ ستراتەگيالىق تۇرعىسىنان حالىق تۇرمىسىن كۇش سالا قامتاماسىزداندىرۋدا جانە جاقسارتۋدا، بۇقارا ەڭ كوڭىل بولگەن ماسەلەگە باعىتتاي وتىرىپ كۇش شىعارۋ كەرەك. حالىقتىڭ تاماشا تۇرمىسقا ۇمتىلۋى ءبىزدىڭ كۇرەس جاساۋ نىسانامىز. باس شۋجي شي جينپيڭنىڭ شينجياڭ ۋاكىلدەر ۇيىرمەسىندە سويلەگەن ماڭىزدى ءسوزىنىڭ رۋحىن ۇيرەنۋدى دايەكتىلەندىرۋدە، تياناقتاندىرۋدا، ءسوز جوق، ءار ۇلت بۇقاراسىنىڭ حال-جاعدايىن قاي-قاشاندا جۇرەكتە ساقتاپ، حالىق تۇرمىسىن ماڭداي الدى ورىنعا قويىپ، حالىق تۇرمىسى جاعىندا الدىمەن ارەكەتكە كەلىپ، بۇقارانىڭ ويلاعانىن ويلاپ، قامىن جەپ، قيىنشىلىعىن شەشىپ، شىنايى، ءونىمدى شارا ارقىلى بۇقارانىڭ ۇنىنە نازار اۋدارىپ، حالىق تۇرمىسىنا قاتىستى ماسەلەگە جاۋاپ قايتارىپ، قالىڭ حالىق بۇقاراسىن رەفورما مەن دامۋدىڭ جەتىستىگىنەن ورتاق يگىلىكەندىرۋ كەرەك. كاسىپتەندىرۋ ـــ حالىق تۇرمىسىن جاقسارتۋدىڭ نەگىزى، كاسىپتەندىرۋ جۇرەكتى ورنىقتىرادى، وتباسىن تىنىش، مەملەكەتتى حاۋىپسىز ەتەدى. كاسىپتەندىرۋدى ماڭداي الدى ورىنعا قويۋعا تاباندى بولىپ، كاسىپتەنۋ ءورىسىن كۇش سالا كەڭەيتۋ، كاسىپتەنۋ، يگىلىك جاراتۋ تەكشەسىن قۇرۋ، كاسىپتەنۋ قۋاتىن جوعارىلاتۋ، تۇرعىنداردىڭ كىرىسىن ارتتىرۋ جاعىندا كۇش سالۋ كەرەك. وقۋ-اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي سياقتى بۇقارانىڭ ءتول مۇددەسىنە قاتىستى ءتۇرلى قىزمەتتى كۇش سالا ويداعىداي ىستەپ، وقيتىن مەكتەبى، كورىنەتىن شيپاگەرى، قارتايسا كۇتىنە الاتىن، تۇراتىن ءۇيى بولۋ جاعىندا ۇزدىكسىز تىڭ ىلگەرىلەۋشىلىككە قول جەتكىزىپ، ءار ۇلت بۇقاراسىن يە بولۋ، باقىتتى بولۋ سەزىمىنە ۇزدىكسىز كەنەلتىپ، پارتياعا اناعۇرلىم سانالىلىقپەن العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋ كەرەك.
ورنىقتى، تىنىش شينجياڭ ستراتەگيالىق تۇرعىسىنان حالىق تۇرمىسىن كۇش سالا قامتاماسىزداندىرۋدا جانە جاقسارتۋدا، ءسوز جوق كەدەيلەردى سۇيەمەلدەپ، حالىققا تيىمدىلىك جەتكىزۋگە تاباندى بولىپ، كەدەيلىكتەن قۇتىلۋدان قامال الۋ شايقاسىندا باتىل جەڭۋ كەرەك. حالىقتى تىنىشتىققا كەنەلتۋدىڭ جولى ــ ونىڭ مۇڭ-مۇجتاجىن بىلۋدە. كەدەيلەردى سۇيەمدەلدەۋ كوركەيتۋ قىزمەتى ـــ ءار ۇلت بۇقاراسىنىڭ تۇرمىس دەڭگەيىن جوعارىلاتۋدىڭ ءونىمدى جولى، ادامداردىڭ تىلەگىن، كۇشىن ۇيسىتىرۋداعى ماڭىزدى شارا، شينجياڭنىڭ قوعام ورنىقتىلىعى مەن باياندى تىنىشتىعىنىڭ پارمەندى كەپىلى. كەزەكتە، كەدەيلىكتەن قۇتىلۋدان قامال الۋ جاپالى كەزەڭگە ءوتتى، رايونىمىز بويىنشا جوعارىدان-تومەنگە دەيىن كۇشتى سەنىم، بەرىك جىگەرمەن، نىسانانى كوزدە ۇستاپ، قاجىرلىلىقپەن ناقتىلى جۇمىس ىستەپ، بىردە ءبىر رايوندى، ۇلتتى، ادامدى قاتاردان قالدىرماۋ كەرەك. كەدەيلەردى دالمە-ءدال سۇيەمەلدەپ، كەدەيلىكتەن دالمە-ءدال قۇتىلدىرۋدى جاپپاي تياناقتاندىرىپ، ساياساتتى دالمە-ءدال اتقارۋدا ناقتىلى شارا قولدانىپ، دالمە-ءدال ىلگەرىلەتۋدە ناقتى كۇش شىعارىپ، ءدالمە-ءدال تياناقتاندىرۋدا ناقتىلى ونىمدىلىككە قول جەتكىزىپ، 2020-جىلعا بارعاندا كەدەي حالىق سانىن تۇگەلدەي كەدەيلىكتەن قۇتىلدىرىپ، وڭتۇستىك شينجياڭداعى 3 ايماق، ءبىر وبىلىستى وڭىرلىك سياپتتى جاپپاي كەدەيلىكتەن قۇتىلدىرۋعا كەپىلدىك ەتۋ كەرەك. وڭتۇستىك شينجياڭنىڭ كەدەي رايوندارىن كەدەيلىكتەن قۇتىلدىرۋدان قامال الۋدىڭ باستى شايقاس مايدانى ەتىپ، اۋىل-قىستاقتا بەيقۇت ءۇي سالۋ جانە مالشىلاردى وتىرىقتاندىرۋ ينجەنەرياسىن، قالا-قالاشىقتاردا قامتاماسىزداندىرۋ سيپاتتى بەيقۇت ءۇي سالۋ ينجەنەرياسىن ويداعىداي اتقارىپ، ەگىن، مال شارۋاشىلىعى رايونى مەن شەكار رايونداردىڭ نەگىزگى الەۋمەتتىك قىزمەت وتەۋىن كەمەلدەندىرىپ، ءار ۇلت بۇقاراسىن اناعۇرلىم جاقسى تۇرمىسقا كەنەلتۋگە قۇلشىنۋ كەرەك.
حالىق تۇرمىسىن كۇش سالا قامتاماسىزداندىرۋ جانە جاقسارتۋ ابستراكىت، بوس ۇعىم ەمەس، ءار دارەجەلى پارتيالى كادرلاردىڭ مۇنى ءار ۇلت بۇقاراسىنىڭ ناقتىلى تيىمدىلىگى ەتىپ تياناقتاندىرۋىنا سۇيەنۋ كەرەك. ءبىز باس شۋجيدىڭ تاپسىرماسىن ەستە بەرىك ساقتاپ، ورنىقتى، تىنىش شينجياڭ ستراتەگيالىق تۇرعىسىنان حالىق تۇرمىسىن كۇش سالا قامتاماسىزداندىرۋ جانە جاقسارتۋ مىندەتىن باستان-اياق ارقالاپ، كوكەيدە ساقتاپ، حالىق تۇرمىسىن بارلىعىنان ماڭىزدى ورىنعا قويۋ سۇيىسپەنشىلىگى ارقىلى حالىق تۇرمىسىن جاقسارتۋدىڭ تىڭ جاعدايىن جاراتىپ، پارتيا 19-قۇرىلتايىنىڭ تابىسپەن اشىلۋىن تاماشا ناتيجەمەن قارسى الۋىمىز كەرەك.
ءان الەمى

جول توسىلىپ قالدى

تۇلپارىم