باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتار ىنتىماعىن بەكەمدەۋدەن اۋىتقىماۋىمىز كەرەك

    كەلۋ قاينارى: شينجياڭ حالىق راديو ىستانسياسى    2017-03-16 17:47:43  
باس شۋجي شي جينپيڭ ۇلتتار ىنتىماعى ماسەلەسىن ءار ۋاق كوكەيدە ساقتاپ، وعان ءسات سايىن كوڭىل ءبولىپ كەلدى. «ۇلتتار ىنتىماعى ءار ۇلت حالقىنىڭ جان تامىرى، شينجياڭنىڭ دامىپ، العا باسۋىنىڭ ءتۇبىرلى نەگىزى، ءارى ءبىر ميلليارد 300 ميلليوننان استام جۇڭگو حالقىنىڭ ورتاق تىلەگى». باس شۋجي شي جينپيڭ مەملەكەتتىك 12-كەزەكتى حالىق قۇرىلتايىنىڭ 5-ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسىپ ماڭىزدى ءسوز سويلەگەندە، قوعام ورنىقتىلىعى مەن باياندى تىنىشتىقتى قورعاۋ باس نىساناسىن تىعىز ارقاۋ ەتىپ، ۇلتتار ىنتىماعىن ۇزدىكسىز بەكەمدەۋدىڭ ەرەكشە ماڭىزدىلىعىن دارىپتەدى، ءارى جاڭا جاعدايداعى شينجياڭنىڭ ۇلتتار ىنتىماعى قىزمەتىنە ماڭىزدى نۇسقاۋ بەرىپ، ايقىن تالاپتاردى العا قويدى.
ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسىنىڭ وزىندە، باس شۋجي شي جينپيڭ بىلاي دەپ باسا دارىپتەدى:شينجياڭنىڭ ماسەلەسى بولاشاق تۇرعىسىنان قاراعاندا، تاعى دا ۇلتتار ىنتىماعى ماسەلەسى. ۇلتتار ىنتىماعىن بەكەمدەۋدەن اۋىتقىماۋ ــ شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزى. وسى سەبەپتى ۇلتتار ىنتىماعىن ۇزدىكسىز بەكەمدەۋدەن اۋىتقىماۋ، ونى تەك كۇشەيتىپ، استە السىرەتپەۋ، استە بوساڭسىتپاۋ كەرەك.
ۇلتتار ىنتىماعىن بەكەمدەۋدەن اۋىتقىماۋدا، پارتيانىڭ ۇلت ساياساتىن جاپپاي دايەكتىلەندىرىپ، ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت بۇقاراسىنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە مۇراتتاستىعىن كۇشەيتۋگە باستاپ، ۇلتتار ىنتىماعىن قاراشىعىمىزداي ايالاپ، ۇلتتار ىنتىماعىن ومىرىمىزدەي قادىرلەپ، توننىڭ ىشكى باۋىنداي ىنتىماقتاسىپ، پارتياعا شىن نيەتپەن ىلەسىپ، جۇڭگوشا سوتسياليستىك شينجياڭ قۇرىپ، سوڭىندا جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ ءۇشىن ءوز كۇشىمىزدى قوسۋىمىز كەرەك.
تامشى تەڭىزگە قۇيىلسا، شەكسىز ومىرشەڭدىك قۋاتقا يە بولادى. باس شۋجي شي جينپيڭ: ۇلتتار ىنتىماعى ــ دامۋدىڭ، العا باسۋدىڭ ىرگە تاسى، ــ دەپ قايتا -قايتا دارىپتەدى. وسى ىرگە تاستى ءبارىمىز قۇلشىنا، سانالىلىقپەن قالاۋىمىز كەرەك. ءوزىمىزدىڭ ءىس-ارەكەتىمىزگە، تۇرمىس پەن قىزمەتتەگى ءار ءبىر وتكەلەككە، كىشى-گىرىم ىستەرگە كوڭىل ءبولىپ، بىرتىندەپ سەنىمگە، تۇسىنىككە، ىنتىماققا يە بولادى، ۇلتتار ىنتىماعىندا بارلىق ادامنىڭ جاۋاپكەرلىگى بار، ونى بارلىق ادام ورتاق قۇراتىن، بارلىق ادام قادىرلەيتىن، ودان بارلىق ادام ورتاق يگىلىكتەنەتىن تاماشا جاعدايدى قۇلشىنا قالىپتاستىرۋى كەرەك.
تۋىستار ارالاسقان سايىن جاقىن بولىپ، سەزىم ارالاسقان سايىن كۇشەيەدى. ۇلتتار ىنتىماعىن بەكەمدەۋدەن اۋىتقىماۋدا، دانەكەر مەن تاسىلدەن ويداعىداي پايدالانىپ، توتەنشە جۇيەلى ىلگەرىلەتۋىمىز كەرەك. شينجياڭ ءۇشىن الىپ ايتقاندا، «ۇلتتار ىنتىماعىنىڭ ۇلى شاڭىراعىندا» قيمىلىن ورسىتەتۋ ـــ ۇلتتار ىنتىماعىن اناعۇرلىم بەكەمدەۋدىڭ پارمەندى تۇتقاسى. ۇلتتار ىنتىماعىن كۇندەلىكتى تۇرمىسقا، قىزمەتكە، ۇيرەنۋگە تياناقتاندىرىپ، مەكتەپ، وتباسى، قوعام تاربيەسىنىڭ ءتۇرلى وتكەلەكتەرى مەن ءتۇرلى جاقتارىنا دايەكتىلەندىرىپ، ۇلتتار ىنتىماعىنىڭ گۇلىن ماڭگى جايقالتۋ كەرەك.
قيىنشىلىق الدىندا ءوزارا كومەكتەسىپ، ءبىر نيەتتە بولۋىمىز كەرەك. شينجياڭ سياقتى ۇمىتكە تولى وسى القاپتا، ءبىز تەك قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن بەكەمدەگەندە، ىنتىماقتى جەبەپ، بولشەكتەۋگە قارسى تۇرۋ قوعامدىق ورتاق تانىمىن ۇزدىكسىز ۇيىستىرعاندا، ءارى ونى ورنىقتىلىقتى قورعاپ، دامۋدى جەبەۋدىڭ ءىس جۇزىندىك ارەكەتىنە اينالدىرعاندا عانا، ۇلتتار ىنتىماعى گۇلىن الىپ تيانشان الابىندا شەشەك اتتىرىپ، شينجياڭنىڭ قوعام ورنىقتىلىعى مەن باياندى تىنشىتىعىن جۇزەگە اسىرۋ ءۇشىن بەرىك نەگىز قالاپ، سارقىلماس قوزعاۋشى كۇش قوسۋىمىزعا بولادى.
ءان الەمى

جول توسىلىپ قالدى

تۇلپارىم