باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاشقارداعى وقىتۋشى روزىجان تۇرسۇن شاپاعاتشىسى لي جاۋكۇندى ىزدەيدى

    كەلۋ قاينارى: شينجياڭ حالىق راديو ىستانسياسى    2017-03-17 19:14:25  
ستانسيامىزدىڭ ءتىلشىسى زو حۇڭياننىڭ جولداعان حابارىن تىڭداڭىزدار: 16 جىلدىڭ الدىندا، ءبىر ىزگى نيەتتى جان اي سايىن 100 يۋان قارجى شىعارىپ، روزىجان تۇرسۇننىڭ وقۋىن ءساتتى ءتامامداۋىنا كومەكتەسكەن-ەدى. قازىر، 16 جىل وتە شىقتى، وقۋىن ءساتتى اياقتاپ ناتيجە جاراتقان روزىجان تۇرسۇن سول كەزدەگى شاپاعاتىشسىن تاۋىپ، راحىمەت ايتپاقشى بولدى، ونىڭ بۇل ويى جۇزەگە اساما؟
16-ناۋرىز تاڭەرتەڭ، شينجياڭ حالىق راديو ستانسياسىنىڭ حانزۋ ءتىلى امبە-باپ راديوسىنىڭ «895 قول ۇشىن بەرەمىز» ايدارى روزىجان تۇرسۇننىڭ كومەك سۇراۋ ينفورماتسياسىن قابىلدايدى، حانزۋ تىلىنە انشا جەتىك ەمەس ول: «شاپاعاتشىم لي جاۋكۇندى ىزدەگەنىمە ۇزاق جىل بولدى، قازىرگە دەيىن تابا المادىم، 895 قول ۇشىن بەرەمىز باعدارلاماسى ارقىلى اناعۇرلىم كوپ ادامنىڭ سول ىزگى جاندى تابۋىما كومەكتەسۋىن ءۇمىت ەتەمىن»،-دەدى.روزىجان تۇرسۇن بيىل 38 جاستا، قاشقار قالاسى اۋات اۋىلدىق قوس ءتىل بالالار باقشاسىنىڭ وقىتۋشىسى.ءسابي كەزىندە وتباسىندا قيىنشىلىق بولىپ، شەشەسى اپەكەسى مەن ەكەۋىن جالعىز ءوزى باعىپ ەرجەتكىزەدى، 1999-جىلى، روزىجان شينجياڭ ۋنيۆەرسيتەتىنىڭ ينفورماتسيا باسقارۋ جانە ينفورماتسيا جۇيەسى كاسىبىنە ءساتتى قابىلدانادى، قىستاق كادرلارى مەن ىزگى نيەتتى جانداردىڭ كومەگىندە، وقۋ قاراجاتىن تاۋىپ مەكتەپ قۇشاعىنا ەنەدى، ول جايشىلىقتا تۇرمىس قاراجاتىن ەڭبەك ىستەي ءجۇرىپ تاباتىن.2001-جىلى، مەكتەپ روزىجانعا لي جاۋكۇن ەسىمدى اسكەردىڭ وتباسىندا قيىنشىلىعى بار ءمورالدى دا ۇزدىك ستۋدەنتتەرگە قارجىلاي كومەك بەرەتىنىن ايتىپ، ونى تانىستىرادى.روزىجان بىلاي دەدى: «2001-جىلى مامىردا، لي جاۋكۇن جاتاعىما تەلەفون سوعىپ شاقىرىپ، بىرلىكتە تاماقتاندىق، لي جاۋكۇن ارىقتاۋ كەلگەن، بويى ءبىر مەتر 72 سانتيمەر اينالاسىندا، اۋەلى مەنەن 3 جاس كىشى بولاتىن.ول اسكەر، سوندىقتان دا قاتال كورىنەتىن، ءبىراق، جايناعان قوس جانارىنان ىزگى نيەتتى جان ەكەنى مەنمۇندالايتىن».
سودان باستاپ، لي جاۋكۇن ماعان اي سايىن 100 يۋان جىبەرىپ تۇردى، قىسقى، جازعى دەمالىستاردا دا جالعاستى جىبەرىپ تۇردى، كەيىن وقۋىمدى ءساتتى ءتامامدادىم.روزىجان بىلاي دەدى: «بۇرىن وتباسىمىزدىڭ قيىنشىلىعىنا كومەكتەسەتىندەردىڭ ءبارى تانىس كىسىلەر بولاتىن، ءبىراق، ليۋ جاۋكۇن سياقتى ماعان قول ۇشىن بەرگەن بەيتانىس جاندى تۇڭعىش رەت كەزدەستىرۋىم، ول ماعان سۇيىسپەنىشلىكتىڭ نە ەكەنىن ۇيرەتتى».
ۋنيۆەرسيتەت بىتىرگەننەن كەيىن روزىجان اۋىلىنا قايتىپ قىزمەت ىستەيدى، ءارى لي جاۋكۇنگە تاعى دا تەلەفون سوققاندا ونداي تەلەفون ءنومىرى جوق بولىپ شىعادى، ول تاعى اقشا جىبەرۋ تالونىنداعى مەكەن-جاي بويىنشا اسكەري بولىمگە بارىپ ىزدەسە دە تابا المايدى.بۇگىنگى كۇنى، روزىجان قوس ءتىل وقىتۋشىسى بولىپ ىستەيدى، ءارى ونىڭ باقىتتى وتباسى بار، ول 10 نەشە جىلدا لي جاۋكۇننىڭ شاپاعاتىن استە ەستەن شىعارعان ەمەس، ىزدەۋىن دە توقتاتقان ەمەس. ول بىلاي دەدى: «16 جىل ءوتىپتى، وسى شاپاعاتىشىما راحىمەت دەگەن ءسوزدى ءوز اۋزىممەن ايتۋ ورايى بولسا ەكەن شىركىن، لي جاۋكۇن بولماعان بولسا، مەنىڭ بۇگىنگى كۇنىم دە بولماعان بولار ەدى».
ءسىزدىڭ توڭىرەگىڭىزدە لي جاۋكۇن ەسىمدى بىرەۋ بارما؟ ول كەزىندە كۇيتۇن قالاسىندا اسكەر بولعان، ىستىق لەنيالى تەلەفون 960511 ءنومىرى ارقىلى «1» دەگەن سيفرعا جالعاپ، روزىجاننىڭ ارمانىن ورىنداۋىنا قول ۇشىن بەرىڭىز.
ءان الەمى

جول توسىلىپ قالدى

تۇلپارىم