باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايون قوعامنان 5 مىڭنان استام مەملەكەت قىزمەتكەرىن قابىلدايدى

    كەلۋ قاينارى: شينجياڭ حالىق راديو ىستانسياسى    2017-03-17 20:03:18  

ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: بيىل اۆتونوميالى رايون قوعامنان اشىق ەمتيحان الىپ، 5 مىڭ 435 مەملەكەت قىزمەتكەرىن قابىلداۋدى جوسپارلادى. 20-ناۋرىزدا توراپتا تىزىمدەلۋ باستالادى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ورىنباسار باستىعى، اۆتونوميالى رايوندىق مەملەكەت قىزمەتكەرلەرى مەكەمەسىنىڭ باستىعى ۋىن شۋە تانىستىرا كەلىپ، بيىلعى مەملەكەت قىزمەتكەرلەرىن ەمتيحان الىپ قابىلداۋ قىزمەتى جالعاستى نەگىزگى ساتىداعى الدىڭعى شەپكە، وڭتۇستىك شينجياڭداعى ءۇش ايماق، ءبىر وبلىسقا بەيىمدەلەتىندىگىن ايتتى.ول: «اۋدان-اۋىل ەكى دارەجەلى ورىن جالپى ساننىڭ %80.1 تىن يەلەيدى. اۋىل-قالاشىق ورگاندارىندا كاسىپ شەكتەمەسى قويىلمايدى. وڭتۇستىك شيجياڭداعى ءۇش ايماق، ءبىر وبلىس جانە بايىنعولين وبلىسىنىڭ چارقىلىق اۋدانى، چەرچەن اۋدانىنداعى قىزمەت ورىندارىنا جازباشا ەمتيحان تولىمدىلىعىنىڭ ەڭ تومەنگى ءنومىر شەگى ايىرىم بەلگىلەنەدى.بيىل مەكتەپتى بىتىرەتىن ۇزدىك وقۋشىلار مەن جالىندى جاستاردى نەگىزگى ساتىداعى الدىڭعى شەپكە بارىپ ەڭبەك سىڭىرۋگە بەلسەنە باستاپ، نەگىزگى ساتى ورگانى ۇزدىك مەملەكەت قىزمەتكەرلەرىن اقاۋسىز جەتىلدىرەتىن بازاعا اينالىپ، شينجياڭنىڭ قوعام ورنىقتىلىعى مەن باياندى تىنشىتىعىنا ۇيىمدىق جاقتان پارمەندى كەپىلدىك ەتىلەدى جانە دارىندى جاعىنان دەمەلەدى»،-دەدى.
بيىلعى مەملەكەت قىزمەتكەرلەرىن قابىلداۋدا تىڭ وزگەرىستەر بار.ۋىن شۋە: «مەملەكەتتىڭ قابىلداۋ دەنساۋلىق تەكسەرۋ ولشەمىنە ىشكەرلەي وزگەرىس ەنگىزىلدى.كورۋ قۋاتى، جۇرەك اۋرۋى، قان قىسىم، قان اينالىسى جۇيەسى اۋرۋى سياقتى دەنساۋلىق ولشەمىنە تىڭ ولشەم تالابى قويىلدى. وڭتۇستىك شينجياڭداعى وقۋدان بۇرىنعى وقىتۋدى كۇشەيتۋ ءۇشىن، اۆتونوميالى رايوننىڭ ءار دارەجەلى، ءتۇرلى ورگاندارى وسى رەت قوعامنان تىڭنان قابىلدايتىن مەملەكەت قىزمەتكەرلەرى ءراسىمياتىن وتەگەننەن كەيىن، بارلىعى وڭتۇستىك شينجياڭداعى ءۇش ايماق، وبلىستاعى اۋىل-قىستاق بالالار باقشاسىنا بارىپ، ءبىر جىل وقىتۋعا كومەكتەسەدى»،-دەدى.
ۇعىسۋعا قاراعاندا، وسى رەتكى مەملەكەت قىزمەتكەرلەرىن ەمتيحان الىپ قابىلداۋعا قاتىستى توراپتا تىزىمدەلۋ 20-ناۋرىزدان 26-ناۋرىزعا دەيىن شينجياڭ كادرلار ەمتيحان ورتالىعى توراپ بەكەتىندە جۇرىلەدى ەكەن.ناقتىلى تىزىمدەلۋ ءادىسىن توراپ بەكەتىندەگى «تىزىمدەلۋ تارتىبىنەن» بىلۋگە بولادى.وسى رەتكى مەملەكەت قىزمەتكەرىن قابىلداۋدىڭ جازباشا ەمتيحان ۋاقىتى 22-، 23-ءساۋىر كۇندەرىنە تۇراقتانىپ، ماۋسىمنىڭ باسىندا جازباشا ەمتيحان ناتيجەسى جاريالانادى.ماۋسىمنىڭ سوڭىندا ىلگەرىندى-كەيىندى تولىمدىلىعىن تەكسەرۋ، اۋىزشا ەمتيحان الۋ جانە دەنە قۋاتتى باعالاۋ، دەنساۋلىق تەكسەرۋ سياقتى سوڭعى قىزمەتتەر ىستەلىپ، مەجەمەن قاراشانىڭ سوڭىنان بۇرىن قابىلداۋ قىزمەتى نەگىزىنەن اياقتايدى ەكەن.

ءان الەمى

جول توسىلىپ قالدى

تۇلپارىم