باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنە قايشى ءبىر نەشە تيپتىك ماسەلە جايلى جالپىلىق حابارلاندىرۋ شىعاردى

    كەلۋ قاينارى: شينجياڭ حالىق راديو ىستانسياسى    2017-03-22 12:33:49  
ءتاڭىرتاۋ تورابىنىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنە قايشى ءبىر نەشە تيپتىك ماسەلە جايلى جالپىلىق حابارلاندىرۋ شىعاردى. بۇلار مىنالار: ءبىرىنشىسى، جۇڭگو مۇناي-حيميا باس سەرىكتەستىگى شينجياڭ بولىمشەسىنىڭ بۇرىنعى باس مەڭگەرۋشىسى، پارتكومىنىڭ مۇشەسى ما-انشىڭنىڭ ەرەجەگە قايشىلىق جاساپ ۇكىمەت اقشاسىمەن ءىشىپ-جەۋ ماسەلەسى. ما-انشىڭ قول استىنداعى ادامداردى ۇكىمەت اقشاسىمەن ءىشىپ-جەۋگە ۇيىمداستىرىپ، ۇكىمەت جۇمىسىمەن كەلگەن قوناقتاردى جوعارى سورتتى اراقپەن كۇتىپ الىپ، جالعان تالوم كەسىپ، ۇكىمەت اقشاسىمەن تارتۋ-تارالعى ۇسىنعان. 2016-جىلى ماۋسىم ايىندا، اۆتونوميالى رايوندىق ءتارتىپ تەكسەرۋ كوميتەتى ما-انشىڭدى پارتيا ىشىندەگى مىندەتىنەن قالتىرىپ، مەڭگەرمە دارەجەلى باسشىلىق مىندەتىن ورىنباسار مەڭگەرمە دارەجەلى جاي اتاققا تۇسىرگەن.
ەكىنشىسى، يانجي اۋداندىق ونەركاسىپ-ساۋدانى اكىمشىلىك جاقتان باسقارۋ مەكەمەسى بازار شارۋاشىلىعىن تەكسەرۋ اتىرەتىنىڭ باستىعى ياڭ شياۋجۇننىڭ ەرەجەگە قايشى قوناق قابىلداۋ ماسەلەسى. ياڭ شياۋجۇن ۇكىمەت ىسىمەن قوناق قابىلداعاندا، «اۆتونوميالى رايوننىڭ ۇكىمەت ىسىمەن قوناق قابىلداۋدا اراق ىشۋگە تيىم سالۋ بەلگىلەمەسىنە» قيعاشتىق ىستەپ، قوناقتارعا سىرا بەرگەن. 2016-جىلى جەلتوقساندا، يانجي اۋداندىق ءتارتىپ تەكسەرۋ كوميتەتى وعان پارتيا ىشىندە ەسكەرتۋ بەرگەن.
ءۇشىنشىسى، قاراقاش اۋداندىق راديو-تەلەۆيزيا ستانسياسىنىڭ باستىعى جۇڭ انجۇننىڭ ەرەجەگە قايشى تارتۋ-تارالعى قابىلداۋ ماسەلەسى. جۇڭ انجۇن مادەنيەت-دەنە تاربيە ورتالىعى نىسانىن اتقارۋ بارىسىندا، قىزمەت قولايلىلىعىنان پايدالانىپ كاسىپورىننىڭ تارتۋ-تارالعىسىن قابىلداپ، قىزمەت مىندەتىن دۇرىس اتقارماي، نىسان قارجىسىن سىراپ ەتكەن. 2016-جىلى جەلتوقساندا قاراقاش اۋداندىق ءتارتىپ تەكسەرۋ كوميتەتى وعان پارتيادا قالتىرىپ ءبىر جىل سىناپ كورۋ شاراسىن كورىپ، دارەجەسىن ورىنباسار ءبولىم دارەجەلىدەن جاي كادرگە تۇسىرگەن. باسقارۋ قىزمەت ورنى دارەجەسىن 9-دارەجەدەن 12-دارەجەگە تومەندەتىپ، باسقالاردان العان اقشاسى مەن تارتۋىن قايتارىپ العان.
ءان الەمى

جول توسىلىپ قالدى

تۇلپارىم