باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كوكتەم ماۋسىمىندا بالالاردى 5 ءتۇرلى اۋرۋدان ساقتاۋ كەرەك

    كەلۋ قاينارى: شينجياڭ حالىق راديو ىستانسياسى    2017-03-30 19:29:18  
كوكتەم ماۋسىمىندا اۋارايى قۇبىلمالى بولاتىندىقتان، اۋرۋ قوزدىرعىش ميكروب، ۋيروستار دا بارىنشا ءوسىپ-ءوربيدى. قارسىلىق قۋاتى تومەن بالالار اۋرۋعا وڭاي شالدىعادى. شاندۇڭ ۋنيۆەرسيتەتى چيلۋ بالالار شيپاحاناسىنىڭ مامانى بالالاردى 5 ءتۇرلى اۋرۋدان ساقتاۋدى ەسكەرتەدى.
ءبىرىنشى، تۇماۋدان ساقتانۋ.
قىس ءوتىپ، كوكتەم كەلگەندە كۇللى تىرشىلىك جاندانىپ، بالالارعا الدا-جالدا سۋىق تيسە، تويا تاماقتانسا، ارتىق ارەكەت جاساسا نەمەسە شوشىسا دەنەنىڭ قارسىلىق قۋاتى تومەندەپ، ۆيرۋس پەن باكتەريالار كىرىپ تۇماۋراتادى، سالماقتى بولعاندا، وكپەسى قابىنادى. تۇماۋدان ساقتانۋ ءۇشىن، باستىسى دەنە جانە تىنىس جولىنىڭ ۇيلەسىمدىلىگىن ارتتىرىپ، باكتەريا مەن ميكروبتىڭ كىرۋىن تەجەۋ؛ دالاعا كوبىرەك شىعارىپ، دالا قيمىلدارىمەن كوبىرەك شۇعىلداندىرىپ بالالاردى وتە قالىڭ كيىندىرمەۋ؛ ۇنەمى تەرەزەنى اشىپ، اۋا الماستىرىپ تۇرۋ كەرەك. بالالاردىڭ كۇندەلىكتى قيمىلىنا كوڭىل ءبولىپ، ءار ۋاققى تاماعى لايىقتى بولۋ قاجەت.
ەكىنشى، جۇقپالى اۋرۋلاردان ساقتانۋ
اۋا رايىنىڭ جىلۋىنا بايلانىستى جۇقپالى تۇماۋ، قىزىلشا، شىقشىت بەزىنىڭ قابىنۋى، قىزامىق، قارامىق سياقتى جۇقپالى اۋرۋلار وڭاي تارالادى. جۇقپالى اۋرۋلاردىڭ تارالاتىن كەزەڭىندە بالالاردىڭ كيىم-كەشەك، كورپە-جاستىعى سياقتى كۇندەلىكتى ىستەتىلەتىن بۇيىمدارىن، ءسوزسىز، جۋىپ، كۇن نۇرىنا جايىپ ءتۇرۋ؛ ءۇيدىڭ اۋاسىن الماستىرىپ، مۇمكىندىك بار بالالاردى توپتىق ورتاعا كوپ اپارماۋ؛ مەنينگيت تارالاتىن وڭىرلەردە ءار كۇنى تاڭەرتەڭ سىركە سۋىمەن بولمە ءىشىن ىستاپ، ميكروبتاردى ءولتىرۋ؛ بالالاردىڭ اۋىزىن ۇنەمى تۇزدى سۋمەن شايقاۋ ءارى اۋىز تازالىعىنا ەرەكشە كوڭىل ءبولۋ كەرەك. تارالعىش اۋرۋلار ءوربىپ تۇرعان مەزگىلدە بالالاردا قىزۋ، جۇتقىنشاق ءىسىنۋ، باسى اۋرۋ، تەرىسى قانتالاۋ سياقتى بەلگىلەر بايقالسا، دەرەۋ شيپاگەرگە كورسەتۋ كەرەك.
ءۇشىنشى، مەشەل اۋرۋىنان ساقتانۋ
كوكتەم مەزگىلىندە بالالار كۇن نۇرىن تولىق سىمىرە المايتىندىقتان، دەنەدەگى ۆيتامين D مەن قان كالتسيىنىڭ قويۋلىق دارەجەسى سالىستىرمالى تۇردە تومەن بولىپ، بالالاردا كوپ تەرلەۋ، شوشىنۋ، تۇن ورتاسىندا جىلاۋ، مازاسىزدانۋ سياقتى بەلگىلەر بايقالادى. اۋىر بولعاندا، قول-اياعى تارتىساتىن بولادى. سوندىقتان كوكتەمدە بالالاردىڭ ازىقتانۋىنا ەرەكشە كوڭىل بولگەن ءجون. كالتسيلى تاعامداردى نەمەسە بالىق مايى، ۆيتامين D سياقتى دارىلەردى ىشكىزۋ كەرەك. بۇدان سىرت، كۇن نۇرىنا قاقتالۋ مەشەل اۋرۋىنان ساقتانۋدىڭ ەڭ ءونىمدى، ەڭ قولايلى شارالارىنىڭ ءبىرى. اشىق كۇندەرى بالالاردى دالاعا الىپ شىعىپ، از دەگەندە 2 ساعات بوي جازدىرۋ كەرەك.
ءتورتىنشى، تەرى اۋرۋىنان ساقتانۋ
ءار جىلى كوكتەم كەلىپ، گۇل شەشەك اتقان مەزگىلدە كەيبىر بالالاردىڭ بەتى مەن كوزىنىڭ اينالاسىندا تەڭبىلدەنگەن قىزىل داقتار پايدا بولادى، بۇل جاي تۇردەگى قىزىل بورتكەن دەپ اتالادى. بۇل اۋرۋ نەگىزىنەن كوكتەمدەگى قۇرعاق جەلدەن نەمەسە ۇزاق ۋاقىت كۇنگە قاقتالۋدان بولادى، ال كەي بالالاردا اس قورىتۋ ناشارلاۋ، ۆيتامين كەمشىل بولۋدان پايدا بولادى. اۋرۋ سەبەبىنە قاراي ەمدەلۋ، جەلگە قاقتالۋدان ساقتانۋ ءارى اۋرۋعا قارسىلىق قۋاتتى ارتتىرۋ ءۇشىن كوكونس، جەمىس-جيدەك، ءسابىز سياقتىلاردى كوبىرەك جەۋ كەرەك.
بەسىنشى، اسىرە سەزىمتالدىق اۋرۋىنان ساقتانۋ
كوكتەم كىرىسمەن، گۇل-ءشوپ، اعاشتاردان حوش ءيىسى اڭقىعان گۇلدەردىڭ ءيىسى شىعادى ءارى تىنىس جولى ارقىلى دەنەگە كىرىپ، مۇرىن قىشۋ، مۇرىننان سۋ اعۋ، تۇشكىرۋ، مۇرىن بىتەلۋ سياقتى اسىرە سەزىمتالدىق مۇرىن قابىنۋىن تۋدىرۋمەن بىرگە، قۇسۋ، قۇرساعى اۋرۋ، ءىش ءوتۋ سياقتى اسقازان-ىشەك جولى اۋرۋلارىن تۋدىرادى. سالماقتى بولعاندا دەمىكپە، ەنتىگۋ، كوگەرۋ سياقتى بەلگىلەر بەلەڭ بەرەدى. سوندىقتان سەزىمتالدىعى كۇشتى بالالاردى مۇنداي كەزدە گۇل-شوپكە كوپ جولاتۋعا بولمايدى، سىرتتان ۇيگە قايتىپ كەلگەندە بەتى-قولىن جۋۋ كەرەك، ەگەر اسىرە سەزىمتالدىق اۋرۋى بايقالا قالسا، دەرەۋ شيپاحاناعا اپارىپ كورسەتۋ كەرەك.
ءان الەمى

جول توسىلىپ قالدى

تۇلپارىم