باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ كومانداسى گۋاڭدۇڭ كومانداسىن جەڭدى

    كەلۋ قاينارى: شينجياڭ حالىق راديو ىستانسياسى    2017-04-05 18:14:45  
ستانسيامىزدىڭ ءتىلشىسى سۇن ۋيدىڭ جولداعان حابارىن تىڭداڭىزدار: 2016-، 2017-جىلعى جارىس مەزگىلىندەگى جۇڭگو ەرلەر كاسىپتىك باسكەتبول كوماندالار جارىسى جالپى شەشۋشى جارىسىنىڭ 2-كەزەگى 2-ءساۋىر كەشتە ۇرىمجىدە وتكىزىلدى، سوڭىندا شينجياڭ كومانداسى ءوز الاڭىندا 97 گە قارسى 103 ۇپايمەن گۋاڭدۇڭ كومانداسىن جەڭدى.
جارىس باستالىسىمەن، گۋاڭدۇڭ كومانداسى كۇشتى تەبىن بايقاتتى، قورعانىستى بەلسەنە كۇشەيتىپ، جاپپاي شابۋىلعا ءوتتى، شينجياڭ كومانداسى كوپ اعاتتىق جىبەردى، 1-كەزەكتە شينجياڭ كومانداسى 30 عا قارسى 16 ۇپايمەن كەيىن قالدى.
2-كەزەكتە، تۇتاس الاڭدى قايراتتان دەگەن شابىت ءۇنى كەرنەدى، شينجياڭ كومانداسى 16 ۇپايمەن كەيىن قالعان جاعدايدا، كومانداداعىلاردىڭ ورتاق قۇلشىنۋىندا، ۇپاي سانىن قارسى جاقپەن تەڭەستىردى، ءارى باسىپ وزدى. مۇندا شينجياڭ كومانداسىنىڭ الدىنعى شەپ اتويشىسى لي گىن جالعىز ءوزى 15 ءنومىر الىپ، شايقاس جاعدايىن وزگەرتكەن مىقتى شەبەرگە اينالدى، سوڭعى جارتى شيرەكتە ەكى باسكەتبول كومانداسىنىڭ ۇپايى كەزەك وزىپ، سوڭىندا شينجياڭ كومانداسى جەڭىسكە جەتتى. لي گىن: بۇگىنگى جارىستا قارسىلاسىمىز سۇراپىل شابۋىلعا ءوتتى، العاشقى شىيرەكتە قينشىلىققا ۇشىرادىق، ورتا الاڭدا جاتتىقتىرۋشىنىڭ ورنالاستىرۋىنا قاتاڭ بويسۇنىپ، جاتتىقتىرۋشىنىڭ جوباسىن دايەكتىلەندىرىپ، ورتاق كۇش شىعارىپ، قورعانىستى ۇزدىكسىز كۇشەيتىپ، جەڭىسكە قول جەتكىزدىك،-دەدى.
باس جاتتىقتىرۋشى لي چيۋپيڭ بىلاي دەدى: بۇگىنگى جارىس نەداۋىر جاپالى بولدى، ەكى باسكەتبول كومانداسىنداعىلار دا بارىن سالدى، العاشقى شيرەكتە گۋاڭدۇڭ كومانداسىنىڭ قورعانىسىن كۇشەيتەتىنىن ويلاسقامىز، ءبىراق دايىندىعىمىز دەگەندەي بولماپتى، سوڭعى شيرەكتە كەيىن قالعان جاعدايدا، جارىسقا بار كۇشتى سالدىق، كومانداداعىلار جاس، كۇشى مىعىم، بۇل ءبىزدىڭ ابزالدىلىعىمىز.
لي چيۋپيڭ الدا قارسى جاقتىڭ الاڭىندا وتكىزىلەتىن ەكى رەتكى جارىس، شينجياڭ كومانداسى جونىنەن العاندا ناعىز سىناق ەكەنىن ايتا كەلىپ، بىلاي دەدى: ءوز الاڭىندا 0 گە قارسى 2 ۇپايمەن وزۋ، باسكەتبول كومانداسى جونىنەن العاندا، جەڭىس سانالادى. دەگەنمەن وسىدان كەيىنگى قارسى جاقتىڭ الاڭىنداعى ەكى رەتكى جارىسقا، تولىق دايىندالۋىمىز قاجەت، قورعانىستى قارسى جاقتىڭ الاڭىنداعى ەكى رەتكى جارىستا بۇرىنعىدان دا كۇشەيتكەندە، قيان-كەسكى سايىسقا توتەپ بەرە الامىز، وسى رەتكى جارىسقا كۇش سالۋىمىز ويداعىداي بولمادى، قارسى جاقتىڭ الاڭىندا كۇشتى شابۋىلعا ءوتۋىمىز كەرەك، ءوز ەرەكشەلىگىمىزدى ويداعىداي ساۋلەلەندىرىپ، كۇش-قۋاتىمىز بەن دەڭگەيىمىزدى جارىستا ايگىلەۋىمىز قاجەت. ەكى كوماندانىڭ كەلەسى جارىسى 5-ساۋىر گۋاڭدۇڭ كومانداسىنىڭ الاڭىندا وتكىزىلەدى.
ءان الەمى

جول توسىلىپ قالدى

تۇلپارىم