باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قان قىسىمىن تۇسىرەتىن دارىلەردى ىشۋدە كوڭىل بولۋگە ءتيىستى تۇيىندەر

    كەلۋ قاينارى: شينجياڭ حالىق راديو ىستانسياسى    2017-04-07 22:56:10  
جوعارى قان قىسىمى قارتتاردا كوپ كەزدەسەتىن سوزىلمالى اۋرۋلاردىڭ ءبىرى. قارتتاردا بولاتىن جوعارى قان قىسىمىنىڭ جيىرىلعانداعى قىسىمى مەن كەڭەيگەندەگى قىسىمىنىڭ پارقى زور. وڭتۇستىك مەديتسينا ۋنيۆەرسيتەتىنە قاراستى 3-شيپاحانانىڭ ءدارى-دارمەك ءبولىمىنىڭ ورىنباسار مەڭگەرۋشىسى جاڭ چۇننىڭ تانىستىرۋىنا نەگىزدەلگەندە، كۇندەلىكتى تۇرمىستا ورتا جاستاعىلار مەن قارتتاردا جوعارى قان قىسىمىن ەمدەتۋدە كوپتەگەن قاتە تۇسىنىكتەر ساقتالعان، اسىرەسە، قان قىسىمىن تۇسىرەتىن دارىلەردى پايدالانۋدا ۇنەمى قاتەلەسىپ قالادى ەكەن.
ءبىرىنشى،ءدارىنى بەتالدى ءىشۋ
قارتتاردا ءوز بىلگەنىنشە بەتالدى ءدارى ءىشۋ جايتى ساقتالۋدا. ماسەلەن، جايسىزدانۋ بايقالماعان جاعدايدا ءدارىنىڭ مولشەرىن ازايتۋ نەمەسە ىشپەي قويۋ، ءتىپتى، ءدارى ءىشۋدى توقتاتۋ، سونداي-اق قان قىسىمىن ولشەمەي ءوز بىلگەنىنشە ءدارى ءىشۋ سياقتىلار. الايدا ءدارىنى بىلاي ءىشۋدىڭ بارلىعى قاتە، ويتكەنى مۇنداي جايت ۇزاققا جالعاساتىن بولسا قان قىسىمى كەيدە جوعارى، كەيدە تومەن بولاتىندىقتان، باس اينالۋ، باس اۋرۋ سياقتى جاعدايلار بايقالادى. قان قىسىمىنىڭ بىردە جوعارى، بىردە تومەن بولۋىنىڭ دەنەگە بولعان قاتەرى دە جوعارى بولادى، ءتىپتى، كەيدە اۋرۋدى اسقىندىرىپ، جۇرەك، مي قان تامىرى اۋرۋىنا شالدىقتىرادى. مۇنان تىس، ەمدەلۋ ورايىن وتكىزىپ الۋمەن بىرگە، دەنەنىڭ دارىگە قارسىلىق قۋاتىن قالىپتاستىرۋى مۇمكىن.
ەكىنشى، قان قىسىمىن تومەندەتۋگە اسىعۋ
كەيبىر قارتتار قان قىسىمى جوعارىلاي قالسا، ونى تومەندەتۋگە ەرەكشە اسىعادى دا ءوز بىلگەنىنشە ءدارىنىڭ مولشەرىن ارتتىرادى نەمەسە بىرنەشە ءتۇرلى ءدارىنى بىرگە ىشۋدەن قان قىسىمى كۇرت تومەندەيدى. كەيدە قان قىسىمىنىڭ تومەندەۋى تىم تەز بولسا، ناۋقاستارعا ءتىپتى اۋىر زارداپ تۋدىرىپ، ميعا قان جەتىسپەۋدەن مي قان تامىرىنىڭ توسىلۋىن تۋدىرۋى مۇمكىن.
ءىس جۇزىندە، قان قىسىمىن تومەندەتەتىن دارىلەردىڭ ءونىم بەرەتىن ۋاقىتى ۇقسامايدى، شيپاگەرلەر دە ناۋقاستىڭ قان قىسىمىنىڭ جاعدايىنا نەگىزدەلىپ، رەتسەپ جازىپ بەرەدى. جايشىلىقتا ءدارى ىشكەننەن كەيىنگى ءبىر دە ەكى اپتادا ءونىم بەرەتىندىكتەن، سابىرلىلىقپەن ەمدەۋگە سايكەسۋى، ءوز بىلگەنىنشە ءدارى مولشەرىن ارتتىرماۋى قاجەت. قان قىسىمى تۇراقتانعاننان كەيىن بەلگىلەنگەن ولشەم بويىنشا ۇزاق ۋاقىت ءدارى ءىشۋدى قاجەت ەتەدى، كەيبىرەۋلەر باتىل جالعاستىرىپ، بىرنەشە جىلعا دەيىن، ءتىپتى، ون نەشە جىلعا دەيىن ۇقساس ءبىر ءتۇرلى ءدارى ىشەدى.
ءۇشىنشى، ءدارى ىشەتىن ۋاقىتى دۇرىس بولماۋ
قان قىسىمى ادەتتە تاڭەرتەڭ جوعارىلايدى، سوندىقتان جوعارى قان قىسىمى اۋرۋىنا شالدىققان باسىم كوپ ساندى ناۋقاستار قان قىسىمىن تومەندەتەتىن ءدارىنى تاڭەرتەڭ ىشكەنى ءجون، مۇنداي ناۋقاستار ۇيىقتاردان بۇرىن ءدارى ىشەتىن بولسا، قاننىڭ قۇرامىنداعى قان پلاستينكاسى مەن تالشىقتى بەلوك سياقتى قان ۇيىتاتىن زاتتار قان تامىردىڭ ىشىندە جينالىپ، مي قان تامىرىن توسىپ، قان جەتىسپەۋدەن تۋىندايتىن ميعا قان قۇيىلۋدى تۋدىرادى.
ءار ادامنىڭ قان قىسىمى ءار ءتۇرلى بولاتىندىقتان، ۇيدە جۇرگەندە قان قىسىمىن كوپ ولشەۋ ءارى ەستەلىككە الۋ، شيپاحاناعا بارعاندا الا بارىپ، شيپاگەرگە كورسەتىپ، شيپاگەردىڭ ايتقانى بويىنشا ءدارى ءىشۋ كەرەك. ءدارى ىشكەن سوڭ جايسىزدانۋ جايتى بايقالسا، ءوز بىلگەنىنشە ءدارى مولشەرىن ازايتۋعا، ءدارىنى توقتاتۋعا نەمەسە اۋىستىرۋعا بولمايدى، مۇنداي كەزدە شيپاحاناعا بارىپ تەكسەرىلۋ كەرەك، قاجەت بولسا شيپاگەر ءدارىنىڭ ءتۇرىن نەمەسە ءدارى ىشەتىن ۋاقىتتى وزگەرتىپ بەرەدى.
ءتورتىنشى، رەتسەپكە سەنبەي ءوز بىلگەنىنشە ءدارى ءىشۋ
شيپاگەردىڭ جازىپ بەرگەن ءدارىسىن بىرنەشە كۇن ىشسە دە قان قىسىمى تۇسپەگەن سوڭ، كەيبىر ناۋقاستار بۇل ءدارىنىڭ ونىمدىلىگى جوق دەپ ويلايدى دا، جارنامالارداعى نەمەسە تانىس ادامدارىنىڭ ءىشىپ جۇرگەن ءدارىسىن ءوز بىلگەنىنشە ساتىپ الىپ ىشەدى، مۇنداي بولعاندا ناۋقاس جاعدايىنا قاراي ءدارى ىشىلمەگەندىكتەن، ويلاماعان سوڭعى زارداپ تۋىلۋى مۇمكىن.
تۇرلىشە قان قىسىمىنا پايدالاناتىن ءدارى-دارمەك ۇقساس بولمايدى، كەيبىر قان قىسىمىن تۇسىرەتىن دارىلەر ءبىر دە ەكى اپتادان كەيىن ءونىم بەرەتىندىكتەن، كەيبىر قارتتار ۋاقىتتىڭ ۇزارعانىنا بولا دارىدەن كۇماندانىپ، ءوز بىلگەنىنشە ءدارى الماستىرىپ ىشەدى. مۇنداي ىستەۋ دۇرىس ەمەس. مۇنداي جاعدايدا شيپاحاناعا بارىپ كورىنۋ كەرەك. ءدارى ىشكەننەن كەيىن جايسىزدانۋ جايتى بايقالسا، ءوز بىلگەنىنشە ءدارى مولشەرىن ازايتۋعا، توقتاتۋعا نەمەسە ءدارى اۋىستىرۋعا بولمايدى، مەرزىمدى تۇردە شيپاحاناعا بارىپ تەكسەرىلىپ، قاجەت بولسا اسپا ۋكول قۇيدىرىپ، قان قىسىمىن قالىپقا ءتۇسىرۋ جانە قوسالقى اۋرۋلاردان ساقتانۋ قاجەت.
ءان الەمى

جول توسىلىپ قالدى

تۇلپارىم