باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ قاشقار كونەقالا ەرلەر باسكەتبول كومانداسى ارناۋلى ايروپلانمەن ۇرىمجىگە قايتىپ كەلدى

    كەلۋ قاينارى: شينجياڭ حالىق راديو ىستانسياسى    2017-04-10 18:24:12  
ستانسيامىزدىڭ تىلشىلەرى سۇن ۋي مەن چيۋ جيننىڭ جولداعان حابارىن تىڭداڭىزدار: 8-ءساۋىر تۇستە، 2016-، 2017-جىلعى جارىس مەزگىلىندەگى جۇڭگو ەرلەر كاسىپتىك باسكەتبول كوماندالار جارىسىنىڭ باس اعا جۇلدەگەرلىگىن جەڭىپ العان شينجياڭ قاشقار كونەقالا ەرلەر باسكەتبول كومانداسى ارناۋلى ايروپلانمەن ۇرىمجىگە قايتىپ كەلدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اۋەجايعا بارىپ ولاردى قارسى الدى. ۇرىمجىدەگى ءبىر مىڭنان استام باسكەتبول جانكۇيەرى وزدىكتەرىنەن اۋەجايعا بارىپ، اعا جۇلدەگەر كوماندانىڭ داڭقپەن ورالعانىن قارسى الدى.
باسكەتبولشىلار جەتپەي تۇرىپ، شار-تاراپتان كەلگەن باسكەتبول جانكۇيەرلەرى اۋەجايعا ەرتە جينالدى، ولار شينجياڭ كومانداسىنىڭ كيىمىن كيىپ، قارسى الۋ كەرمە تۋىن كوتەرىپ، «اعا جۇلدەگەر»، «شينجياڭ، كەرەمەت» دەپ ۇران سالىپ، ءۇرىمجى حالىقارالىق اۋەجايىنىڭ T3 سيلى قوناقتار زالىنىڭ الدىن دۋمانعا بولەدى، ءبىر جانكۇيەر: «تاڭەرتەڭ ەرتە تۇرىپ، وسى اراعا كەلىپ باتىرلارىمىزدى قارسى الدىق»،-دەسە، تاعى ءبىر جانكۇيەر:«شينجياڭ كومانداسى باس اعا جۇلدەگەرلىكتى 15 جىلدان بەرى تۇڭعىش رەت جەڭىپ الدى، وسى رەت شينجياڭ كومانداسىنىڭ جەرلىك دوپشىلارىنىڭ بەينەسى كەرەمەت بولدى، بارلىق كۇشىن سارقا جۇمساپ سايىستى، شينجياڭ كومانداسى ەرەكشە كوماندا، كوپ ۇلتتان قۇرام تاۋىپ، ۇلكەن شاڭىراققا اينالدى. شينجياڭنىڭ بولاشاعى نۇرلى بولماق»،-دەدى.
تۇسكى ساعات 2 دەن اسقاندا، بەس ساعاتتاي ۇشقان ايروپلاننان تۇسكەن شينجياڭ قاشقار ەرلەر باسكەتبول كومانداسىنىڭ جاتتىقتىرۋشىلارى، سپورتشىلارى ارت-ارتىنان وتكەل اۆتوموبيلىنەن ءتۇستى، جانكۇيەرلەرى ولارعا گۇل ۇسىنىپ، ىستىق ىقىلاسپەن قارسى الدى. شينجياڭ قاشقار كونەقالا ەرلەر باسكەتبول كومانداسىنىڭ دوپشىسى يۇي چاڭدۇڭ: «شينجياڭداعى 6 جىلعى قۇلشىنىسىم تاتيدى، وسى كوللەكتيۆكە العىس ايتامىن. ءبىز تاباندىلىقپەن اقىرى وسى كۇنگە جەتتىك»،-دەدى.
2008-، 2009-جىلعى جارىس مەزگىلىنەن قازىرگە دەيىن، شينجياڭ كومانداسى شەشۋشى جارىسقا 5 رەت قاتىناسىپ، بۇگىنگى كۇندە اقىرى ارمانىنا جەتىپ، 1-تامىز كومانداسى، شاڭحاي كومانداسى، گۋاڭدۇڭ كومانداسى، بەيجيڭ كومانداسى جانە سىچۋان كومانداسىنان كەيىن، ەرلەر كاسىپتىك باسكەتبول كومانداسى جارىسى تاريحىنداعى التىنشى باس اعا جۇلدەگەر كومانداعا اينالدى. كوماندانىڭ دوپشىسى سۇن تۇڭلين: «مەنىڭشە بۇل سىرتتاعىلارعا بەرگەن ەڭ جاقسى جاۋاپ، ىنتىماقتاسقاندا عانا بۇگىنگىدەي ناتيجەگە يە بولدىق، بۇرىنعى كۇدىكتەرگە تويتارىس جاسادىق، اقىرى جەڭىسكە جەتتىك»،-دەدى.
ءان الەمى

جول توسىلىپ قالدى

تۇلپارىم