باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تارباعاتاي ايماعىندا فوتبولدى نەگىز ەتكەن ءتۇرلى دەنە-تاربيە قيمىلدارى قىزۋ ورلەۋگە كوتەرىلۋدە

    كەلۋ قاينارى: شينجياڭ حالىق راديو ىستانسياسى    2017-04-10 18:59:27  
تارباعاتاي تەلەۆيزياسىنىڭ ءتىلشىسى ريزا كامالبەك قىزى حابارلايدى: تارباعاتاي ايماعىندا فوتبولدى نەگىز ەتكەن ءتۇرلى دەنە-تاربيە قيمىلدارى قىزۋ ورلەۋگە كوتەرىلۋدە.
بۇل كۇندەرى كوپ ۇلتتى، بەرەكە-بىرلىگى مامىردىڭ بال ۋىزىنداي ۇيىعان شاۋەشەك قالاسىن سەنتىر ەتكەن، فوتبول باستاما بولعان تارباعاتايدىڭ ءتۇرلى دەنە-تاربيە قيمىلدارى تۇتاس ايماقتىڭ ەكى قالاسى مەن 5 اۋدانىندا اسا دابىرالى ءوتىپ، شينجياڭ بويىنشا شاۋەشەكتە وتكىزىلەتىن جاس وسپىرىمدەردىڭ فوتبول جارىسىنىڭ اسا سالتاناتتى وتۋنە مىعىم دايىندىق كورىلۋدە.
تاريحقا كوز جىبەرەر بولساق، شاۋەشەك قالاسىنداعى سپورتشىلاردىڭ دەنە-تاربيە تۇرلەرىندەگى ناتيجەسى وتە قوماقتى، وتە-موتە،فوتبوليستەر مەن بالۋاندارىنىڭ داڭقى ءوز كەزىندە شار تاراپقا تاراپ، تۇتاس تارباعاتاي ايماعىنا سان مارتە داڭىق اپەرگەن ەدى. 2013-جىلى شىلدە ايىندا قوعامنىڭ ءار سالاسىنداعى قازاق،داعۇر،قىرعىز،تاتار،سىبە،حۇيزۋ،ۇيعۇر،حانزۋ ازاماتتارىنان وزدىكتەرىنەن ۇيىمداسىپ، 67 فوتبول اۋەسكەرى « مانشەستەر» بىرىككەن فوتبول كومانداسىن قۇرعان ەدى. وسىلايشا،ءوز قارجىلارىمەن شاڭىراق كوتەرگەن كاسىپتەن سىرتقى فوتبول كومانداسى رايونىمىز كولەمىندەگى كاسىپتەن سىرتقى فوتبول كومانداسىنىڭ ءبارىن جەڭىپ، ەڭ سوڭىندا مەملەكەتتىك كاسىپتەن سىرتقى فوتبول جارىسىندا مەملەكەتتىك اعا جۇلدەگەرلىكتى الىپ، تاريح بەتىنە وشپەيتىن مۇعجيزاسىن التىن ارىپپەن جازعان. وسى «مانشەستەر فوتبول كومانداسى» سول تۇستا قوعامدا قايىر-ساحابات ىستەرىمەن دە شۇعىلدانىپ، العان نەشە ميلليونداعان سيلىق اقشالارىن جەتىم-جەسىر،وتباسى اۋىرتپاشىلىعى اۋىر وقۋدان شەگىنۋگە شاق قالعان جاندارعا تارتۋ ەتىپ، بۇكىل قوعامنىڭ قارسى الۋىنا يە بولعان.
وسى جايلاردى ەسكەرگەن ايماقتىق پارتكوم كەڭسەسى ءسوسىز فوتبول كوماندالارىن بۇرىنعىدان ارى دامىتۋ كەرەك دەپ قاراپ،2017-جىلى 20-اقپاندا ايماقتىق پارتكوم «8-ءنومىرلى حۇجات» شىعارىپ،ءار ۇلتتان قۇرام تاپقان فوتبولدى نەگىز ەتكەن ءتۇرلى دەنە-تاربيە تۇرلەرىنىڭ بارلىعىن جاپپاي دامىتۋ سىندى دابىرالى دەنە-تاربيە قيمىلدارىن كەڭ كولەمدە ورىستەتتى.
كەزەكتە، تارباعاتاي ايماعى بويىنشا باستاۋىش مەكتەپتەردەن 16 ۇلتتان قۇرالعان 7 مىڭ ىسپورتشى قاتىناسقان 55 ءتۇرلى مازمۇن بويىنشا 520 دان استام كوماندا قۇرىلدى. مۇنىڭ 389 ى فوتبول كومانداسى بولدى.
ءان الەمى

جول توسىلىپ قالدى

تۇلپارىم