باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جوتەلدى ۇيدە ەمدەۋدىڭ ادىستەرى

    كەلۋ قاينارى: شينجياڭ حالىق راديو ىستانسياسى    2017-04-12 19:54:17  
ەڭ باستى ەرەجە-سۋسىندى كوبىرەك ءىشۋ، ەڭ دۇرىسى-سىلتىلىك مينەرالدى سۋ. ول ميكروبتى ءولتىرىپ، ونى شىعارۋدىڭ جولىن جەڭىلدەتەدى.
از مولشەردە سودا قوسىپ، جىلى ءسۇت ءىشۋ دە پايدالى. تەڭىزدىڭ بالعىن جيدەكتەرى اعزاعا جاقسى قۇنار بەرەتىنىن دە ۇمىتپاعان ءجون. ارينە، ەمدىك ءشوپ تۇنبالارىن ءىشۋ كەرەك.
تاماقتى بۋلاۋ ارقىلى اۋرۋدان ايىعۋ
تاماقتى بۋلاۋ ءتاسىلى جوتەلدى كەتىرۋگە جاقسى اسەر بەرەدى. بۇل جاعدايدا بەلسەندى كومپونەنتتەر كەڭىردەكتەگى قابىنۋ ايماعىنا تۇسەدى دە ۇزاماي ىسكە كىرىسەدى.
ەڭ قاراپايىم جانە ءتيىمدى ءتاسىل ___ ءبىر ستاكان ىستىق سۋعا 1 ءشاي قاسىق سودا مەن 2 تامشى يود قوسىپ، تىنىس الۋ. سودا تىنىس جولدارىنىڭ شىرىشتى قاباتىنداعى باكتەريالار ولەدى.
ەمدىك شوپتەرمەن تاماقتى بۋلاۋ. بۇعان ءارتۇرلى شوپتەر پايدالانۋعا بولادى: جالبىز، ەۆكاليپت ت. ب. ۇيدە قانداي ءشوپ بار، سولاردى پايدالانساڭىز دا بولادى. الدىمەن قايناتىپ الىپ، ولاردىڭ ەمدىك قاسيەتى بار قۇرامداس بولشەكتەرىن شىعاراتىنداي دارەجەگە جەتكىزۋ كەرەك.
اجەلەرىمىزدىڭ ءتاسىلى ___ قايناتىلعان كارتوپپەن بۋلاۋ. كارتوپتى قايناتىپ، جايمەن ەزۋ كەرەك. تاماققا تاڭۋ كەرەك.
تاماقتى كۇنىنە 10-20 مينۋتتان بىرنەشە رەت بۋلاۋ كەرەك. بۋلاپ بولعاننان سوڭ، سۋىققا شىقپاي، ۇيدە وتىرعان دۇرىس.
جوتەلدەن ەمدەلۋدىڭ حالىقتىق تاسىلدەرى
4 گرەك جاڭعاعىن جاقسىلاپ جۋاسىز. ونى قابىعىمەن بىرگە بالعامەن ۇرىپ، ابدەن مايدالايسىز دا، بانكاعا سالاسىز. وعان قارا ايۋ بادام گۇلى مەن بالدىڭ ءبىر اس قاسىعىن قوساسىز. سودان سوڭ ەكى ستاكان قايناعان سۋ قۇيىپ، قاقپاعىن جاۋىپ، سىرتىنان سۇلگىمەن وراپ قوياسىز. وسىلايشا سۋىعانشا تۇرۋى ءتيىس. كۇنىنە ءۇش رەت جارتى ستاكاننان ءىشۋ كەرەك. بۇل ءدارىنى ءۇش رەت دايىنداپ ىشسەڭىز جەتكىلىكتى. سونىڭ وزىندە جوتەل باسىلىپ قالادى.
كىشكەنتاي بالا جوتەلىپ قالسا، مىنا ءادىستى قولدانىپ كورىڭىز. بالانىڭ كوكىرەگىن جەڭىل مايمەن سىلاپ، سىرتىنان جۇننەن توقىلعان ورامالمەن ورايسىز كوپ ۋاقىت وتپەي- اق جوتەل باسىلىپ قالادى. سونىمەن قاتار ارقانى، تاباندى، كوكىرەكتى مايمەن سىلاۋ وتە ءتيىمدى. بۇل ەمدىك شارالاردى ۇيىقتار الدىندا تۇندە جاساعان ابزال.
جوتەلمەن اۋىرعاندا پايدالانۋعا بولاتىن ازىقتار
10 شاقتى ۇساقتاپ تۋرالعان بادانا مەن 1 باس سارىمساقتى جۇمسارعانشا تابيعي سۇتكە قايناتىپ، ازعانتاي بال مەن جالبىز قوسىڭىز. قابىلداۋ مولشەرى: كۇنىنە ءبىر مەزگىل اس قاسىق.
قارا شومىردى الىپ، ارشىپ، ورتاسىنان كىشكەنە شۇڭقىر جاساپ ءارى قاراي وتە جىڭىشكە ساڭىلاۋ ەتىپ تەسىلەدى. شومىردىڭ ءوزى ستاقاننىڭ بەتىنە قويىلۋى كەرەك. وسى شۇڭقىرعا بال قۇيىلادى. بال شومىردىڭ ساڭىلاۋىنان ءوتىپ، ستاقانعا قۇيىلعاننان كەيىن سول بالدى ءىشۋ كەرەك.
2 جۇمىرتقا سارىسى، 1 شاي قاسىق ءبيداي ۇنى، 2 شاي قاسىق تازا بالدى 2 اس قاسىق تابيعي مايمەن ارالاستىرىپ، كۇنىنە بىرنەشە رەت ءبىر شاي قاسىقتان ءىشىڭىز.
شومىر نەمەسە ءسابىز شىرىنى مەن ءسۇتتى بىردەي مولشەردە الىپ، بالمەن ارالاستىرىپ، كۇنىنە التى رەت 1 اس قاسىقتان ءىشىڭىز.
1 شومىرعا 10 گرامم بال قوسىپ قويىپ، 12 ساعاتتان سوڭ پايدالانۋعا بولادى. قابىلداۋ مولشەرى: كۇنىنە 4-5 رەت 1 شاي قاسىقتان.
2 اس قاسىق ماي، 2 جۇمىرتقا سارىسى، 1 شاي قاسىق ۇن، 2 شاي قاسىق بالدى ارالاستىرىپ، كۇنىنە 3-5 رەت تاماقتانار الدىندا قولدانۋ كەرەك.
ءان الەمى

جول توسىلىپ قالدى

تۇلپارىم