باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ا ق ش - تىڭ زۇڭتۇڭى ترامپپەن تەلەفوندا سويلەستى

    كەلۋ قاينارى: شينجياڭ گازەتى    2017-04-13 13:28:20  
شينحۋا اگەنتتىگىنىڭ 12 - ساۋىردە بەيجيڭنەن بەرگەن حابارى. 12 - ءساۋىر تۇستەن بۇرىن مەملەكەت ءتوراعاسى شي جينپيڭ ا ق ش - تىڭ زۇڭتۇڭى ترامپپەن تەلەفوندا سويلەستى.
شي جينپيڭ مىنالاردى باسا دارىپتەدى: زۇڭتۇڭ مىرزامەن تەلەفوندا تىلدەسكەنىمە ەرەكشە قۋانىشتامىن. سىزبەن تاياۋداعى مار - ا - لاگو شارۋا قوجالىعىندا وتكىزگەن كەزدەسۋدە قول جەتكىزگەن ماڭىزدى تابىستى جۇڭگو حالقى مەن حالىقارالىق قوعام جوعارى باعالادى. زۇڭتۇڭ مىرزانىڭ ءبىزدى ىستىق ىقىلاسپەن قارسى العانىنا جانە دەن قويا ورنالاستىرۋ جاساعانىنا كوپ راقىمەت.
شي جينپيڭ مىنالاردى اتاپ كورسەتتى: ءبىز مار - ا - لاگو شارۋا قوجالىعىندا جاڭا داۋىردەگى جۇڭگو - ا ق ش قاتىناسى، سونداي - اق ماڭىزدى حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدىك. زۇڭتۇڭ مىرزا ەكەۋىمىزدىڭ ءوزارا ءتۇسىنىسۋىمىز تەرەڭدەپ، ايتاقالسىن تاماشا قىزمەت قاتىناسىن قالىپتاستىردىق. كەلەسى قادامدا تاراپتار ديپلوماتيالىق حاۋىپسىزدىك تۇرعىسىندا تىلدەسۋ، جان - جاقتى ەكونوميكا تۇرعىسىندا تىلدەسۋ، زاڭ اتقارۋ جانە ينتەرنەت حاۋىپسىزدىگى تۇرعىسىندا تىلدەسۋ، قوعامدىق جانە گۋمانيتارلىق تۇرعىدا تىلدەسۋ سىندى جوعارى دارەجەلى 4 تىلدەسۋ سەلبەستىگى مەحانيزمىنەن پايدالانىپ، ەكونوميكالىق سەلبەستىك بويىنشا «100 كۇندىك جوسپاردى» اتقارۋدى ىلگەرىلەتىپ، ەكى ەلدىڭ ارميا، زاڭ اتقارۋ، ينتەرنەت، گۋمانيتارلىق ىستەر سياقتى جاقتارىنداعى اۋىس - كۇيىس جانە سەلبەستىك جاساۋ ءورىسىن كەڭەيتىپ، ماڭىزدى حالىقارالىق جانە وڭىرلىك ماسەلەلەردە تىلدەسۋدى، سايكەسۋدى كۇشەيتىپ، العاشقى مەرزىمدە مۇمكىندىكتىڭ بارىنشا كوبىرەك تابىسقا قول جەتكىزۋگە قۇلشىنۋى، ەكى ەلدىڭ قاتىناسىن دامىتۋعا تىڭ قوزعاۋشى كۇش قوسۋ ءۇشىن، دۇنيە ءجۇزىنىڭ بەيبىتشىلىگى مەن دامۋىن جەبەۋ ءۇشىن جۇمىلا كۇش شىعارۋى كەرەك. تاراپتاردىڭ قىزمەت توپتارى تىعىز سەلبەسىپ، زۇڭتۇڭ مىرزانىڭ جىل سوڭىنان بۇرىنعى جۇڭگوداعى ساپارىنىڭ تابىستى بولۋىنا كەپىلدىك ەتۋلەرى كەرەك.
ترامپ بىلاي دەدى: فلوريدا شتاتىنىڭ مار - ا - لاگو شارۋا قوجالىعىندا ءتوراعا شي جينپيڭدى قارسى العانىما، سونداي - اق جۇڭگو مەن ا ق ش باسشىلارىنىڭ كەزدەسۋىن وتكىزگەنىمە ايرىقشا قۋانىشتامىن، سول جولعى كەزدەسۋ ەرەكشە تابىستى بولدى. ەكى ەل باسشىلارىنىڭ ءجيى بايلانىس جاساپ تۇرۋى ەرەكشە ماڭىزدى. مەن ا ق ش پەن جۇڭگونىڭ تىزە قوسا قۇلشىنىپ، ناقتىلى ىستەر جونىندە كەڭ كولەمدى سەلبەستىك ورناتۋدىڭ ءورىسىن كەڭەيتۋگە قوسىلامىن. جۇڭگودا مەملەكەت ىستەرى بابىمەن ساپاردا بولۋدى ءتورت كوزبەن كۇتۋدەمىن.
ەكى ەل باسشىلارى كورەي تۇبەگىنىڭ جاعدايى سياقتى ورتاق كوڭىل ءبولىپ وتىرعان ماسەلەلەر جونىندە پىكىر اۋىستىردى. شي جينپيڭ مىنالاردى باسا دارىپتەدى: جۇڭگو تۇبەكتى يادروسىزداندىرۋ نىساناسىن ىسكە اسىرۋعا، تۇبەكتىڭ بەيبىتشىلىگى مەن ورنىقتىلىعىن قورعاۋعا تاباندى بولادى، ماسەلەنى بەيبىت جولمەن شەشۋدى دارىپتەيدى، تۇبەك ماسەلەسى جونىندە ا ق ش - پەن ۇزبەي تىلدەسۋدى، سايكەسۋدى ءۇمىت ەتەدى.
شي جينپيڭ سيريا ماسەلەسىنە توقتالعاندا مىنالاردى اتاپ كورسەتتى: حيميالىق قارۋ - جاراق ىستەتەتىن ءارقانداي ارەكەتتى قابىلداي المايمىز. سيريا ماسەلەسىندە ساياسي جولمەن شەشۋ بەتالىسىنان جازباۋ كەرەك. ب م ۇ حاۋىپسىزدىك القالار كەڭەسىنىڭ بەرەكە - بىرلىكتى ساقتاۋى سيريا ماسەلەسىن شەشۋ جونىنەن ەرەكشە ماڭىزدى رول اتقارادى، سوندىقتان حاۋىپسىزدىك القالار كەڭەسىنىڭ ءبىر اۋىزدى پوزيتسيا ءبىلدىرۋىن ءۇمىت ەتەمىن.
ەكى ەل باسشىلارى ءتۇرلى تاسىلدەرمەن قويۋ بايلانىستى ساقتاۋعا قوسىلدى.
ءان الەمى

جول توسىلىپ قالدى

تۇلپارىم