باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ەرتە قارتايۋدىڭ سەبەپتەرى

    كەلۋ قاينارى: شينجياڭ حالىق راديو ىستانسياسى    2017-04-14 18:58:44  
ءوز جاسىمىزدان ەگدە كورىنبەۋ ءۇشىن تەرىنى جاسارتاتىن ءتۇرلى كرەمدەر جاعىپ، بەتىمىزگە كوپتەگەن ماسكالار جاساپ جاتامىز. سۇلۋلىق ەكپەلەرىن ەگىپ، باسقا دا كوسمەتولوگيالىق سيقىرلارعا جۇگىنەتىنىمىز جاسىرىن ەمەس.
وسىلايشا، بەتىمىزدەگى «كارىلىكتەن» قۇتىلعىمىز كەلەدى. دەسەدە، كەيبىر ادەتتەرىمىزبەن ءوزىمىز قارتايۋعا قاراي قادام جاساپ جاتقانىمىزدى ەسكەرە بەرمەيمىز. نازارلارىڭىزعا قارتايۋدىڭ نەگىزگى سەبەپتەرىن ۇسىنامىز:
1. يىقتى تىك ۇستاماۋ.
يىقتى تىك ۇستاپ، كەۋدە مەن يەكتى كوتەرىڭكىرەپ ءجۇرۋ-بەت بۇلشىق ەتتەرىنىڭ سالبىراپ، مويىنعا ەرتە ءاجىم ءتۇسۋىنىڭ الدىن الاتىن قاراپايىم ەرەجە.
2. سۋدىڭ جەتىسپەۋى.
شاي، كوفە، گازدالعان سۋسىنداردىڭ ەشقايسىسى دا اعزاداعى سۇيىقتىقتى تەپە-تەڭدىكتە ۇستاپ تۇرۋ پروتسەسسىنە قاتىسپايدى. سوندىقتان دا كۇندەلىكتى تاڭەرتەڭ اش قارىنعا ەكى ستاكان سۋ ءىشىپ تۇرۋدى ادەتكە اينالدىرىڭىز. تاماق الدىندا سۋ ءىشۋ وتە پايدالى.
3. از ۇيىقتاۋ سالدارى.
دۇرىس ۇيىقتاماۋ، ۇيقىنىڭ قانباۋى، سونىمەن قاتار تۇنگى ۋاقىتتا ۇيىقتاماۋ كوڭىل-كۇيىمىزگە عانا ەمەس، دەنساۋلىعىمىزعا دا مول اسەرىن تيگىزەدى. تۇندە كوللاگەن بەلسەندى تۇردە تۇزىلەدى. ال كوللاگەننىڭ جەتىسپەۋشىلىگى تەرىنىڭ ەكى ەسە تەز قارتايۋىنا سەبەپكەر بولادى.
4. قاباقتىڭ ءتۇيىلۋى.
ۇنەمى الدەنەگە كوڭىلى تولماي ءجۇرۋى ادامنىڭ بەتىنەن-اق ءبىلىنىپ تۇرادى. قاباقتىڭ ءتۇيىلۋى، كوڭىل-كۇيدىڭ بولماۋى، رەنىش پەن وكپە بەت بۇلشىق ەتتەرىن تىرىستىرىپ، بەت تەرىسىنە ءاجىم ءتۇسىرىپ قانا قويماي، كارىلىك سىزىقتارىنىڭ بارىنشا ۇلعايا تۇسۋىنە سەبەپكەر بولادى.
5. ۇزاق ۋاقىت تاپجىلماي وتىرۋ.
جۇمىستا كۇن ۇزاق كومپيۋتەر الدىندا، ال كەشكە ۇيگە كەلگەندە تەلەديدار الدىندا تاپجىلماي وتىرۋ ادامدى تەزىرەك قارتايتىپ، كوپتەگەن اۋرۋلارعا اكەپ سوقتىرادى. سوندىقتان كوبىرەك قوزعالۋعا، كەڭسەدە اۋىق-اۋىق دەنە جاتتىعۋلارىن جاساپ تۇرۋعا ادەتتەنىڭىز.
6. بەتتەگى بەتىمايدى جۋماي ۇيىقتاۋ.
جۋىلماعان بەتىماي، كرەم تەرىدەگى ۇساق تەسىكتەردى بىتەپ، ءتۇرلى قابىنۋلارعا سەبەپكەر بولادى. ال كوز بوياۋلارى قاباقتىڭ، كوزدىڭ اينالاسىنداعى جۇقا تەرىنىڭ ەرتە قارتايىپ، قۇرعاپ، اجىمدەنىپ كەتۋىنە قولايلى جاعداي تۋعىزادى. تۋش كىرپىكتى سىنعىش ەتەدى.
7. تۇز بەن قانتقا قۇمارلىق.
قانت دەگەندە-ول ءسىزدىڭ شايعا قوسقان ەكى شاقپاعىڭىز عانا ەمەس، كۇندەلىكتى تۇتىناتىن اس ءمازىرىڭىزدىڭ بارلىعىندا دەرلىك بەلگىلى مولشەردە قانت بار. ءدال سول سياقتى تۇز دا تاعامداردىڭ بارىندە كەزدەسەدى.
8. ارتىق تاماقتانۋ.
تاماقتى «اكەم ءۇشىن ءبىر قاسىق»، «انام ءۇشىن ءبىر قاسىق» دەپ جەۋ بالالىق شاقتا قالعانىمەن، ول ادەت بويىمىزدا ءالى بارداي كورىنەدى. ءوزىمىز تويساق تا، كوزىمىز قيماي، بايقاۋسىزدا ارتىق جەپ قويامىز. مۇنداي جامان ادەتتەن ارىلۋ كەرەك. ارتىق تاعامدى قورىتۋ ءۇشىن اعزاعا مول كۇش تۇسەدى. بۇل دا ءوز كەزەگىندە قارتايۋعا ءبىر قادام جاقىنداتا تۇسپەك.
ءان الەمى

جول توسىلىپ قالدى

تۇلپارىم