باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ لياۋ جۇنبو جولداستىڭ ىزگى ىستەرى جونىندە ماڭىزدى نۇسقاۋ بەردى

    كەلۋ قاينارى: شينجياڭ گازەتى    2017-04-17 16:25:55  

اۋەلگى ماقساتتى ۇمىتپاي، قىزمەتتى تىڭعىلىقتى ىستەپ، ۇكىمەت ىسىندە پاك بولىپ، پارتيانىڭ باعىت - ساياساتتارىن نەگىزگى ساتىدا جانە بۇقارا اراسىندا باستاماشىلدىقپەن تياناقتاندىرۋدى باسا دارىپتەدى

شينحۋا اگەنتتىگىنىڭ 14 - ساۋىردە بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا لياۋ جۇنبو جولداستىڭ ىزگى ىستەرى جونىندە ماڭىزدى نۇسقاۋ بەرىپ مىنالاردى باسا دارىپتەدى: لياۋ جۇنبو جولداس قىزمەت ىستەگەن مەزگىلدە، پارتيانىڭ تاپسىرماسىن ەستە بەرىك ساقتاپ، كۇش - قايراتىن سارقا جۇمساپ، قىزمەت جاۋاپكەرشىلىگىن ادا ەتىپ، جەرگىلىكتى ورىنداعى كادرلار مەن بۇقاراعا جەتەكشىلىك ەتىپ، بەرىلە ىسكە كىرىسىپ، قاجىرلىلىقپەن ىستەپ، ناقتى جۇمىس تىندىرىپ، ءىس جۇزىندىك ارەكەتى ارقىلى پارتياعا ادال بولاتىن، بۇقارانىڭ قامىن جەيتىن، قىزمەتتى جان قيارلىق رۋحپەن ىستەيتىن، قالتقىسىز ۇلەس قوساتىن تاڭداۋلى قاسيەتىن ايگىلەدى، ول «مەملەكەتتىك تاڭداۋلى اۋداندىق پارتكوم شۋجيى» دەگەن داڭقتى اتاققا ابدەن لايىق. قالىڭ پارتيا مۇشەلەرى، كادرلار لياۋ جۇنبو جولداستان ۇيرەنۋلەرى، اۋەلگى ماقساتتى ۇمىتپاي، قىزمەتتى تىڭعىلىقتى ىستەپ، ۇكىمەت ىسىندە پاك بولىپ، وزدەرى باس بولىپ پارتيانىڭ باعىت - ساياساتتارىن نەگىزگى ساتىدا جانە بۇقارا اراسىندا تياناقتاندىرۋلارى، شىن ىنتا - پەيىلدەرىمەن قىزمەت ىستەپ، حالىققا يگىلىك جاراتۋلارى كەرەك.
  شي جينپيڭ مىنالاردى اتاپ كورسەتتى: ءبىراز ۋاقىتتان بەرى، كەيبىر ۇزدىك نەگىزگى ساتى كادرلارى ءتۇرلى سەبەپتەرمەن نەگىزگى ساتىداعى ءبىرىنشى شەپ قىزمەتىندە باقىتقا قارسى دۇنيەدەن ءوتتى. ءار دارەجەلى پارتكومدار مەن ۇكىمەتتەر وسى ۇزدىك نەگىزگى ساتى كادرلارىنىڭ وتباسىنداعىلارعا كوڭىل بولۋلەرى، ولاردىڭ قيىنشىلىقتارىن كوكىرەك تولى قىزۋ ىنتامەن كومەكتەسىپ شەشۋلەرى، وتە - موتە، ولاردىڭ ۇيىندەگى قارتتار مەن ازامات جاسىنا تولماعان ۇل - قىزدارىنا جاقسى قارايلاسۋى كەرەك. بۇل قىزمەتتى ىستەۋگە، تياناقتاندىرۋعا ارناۋلى ادام جاۋاپتاندىرىپ، ارناۋلى ادام تياناقتاندىرۋ كەرەك.
  لياۋ جۇنبو جولداس كوزى تىرىسىندە فۋجيان ولكەسى نانپيڭ قالالىق پارتكومنىڭ تۇراقتى مۇشەسى، ورىنباسار قالا باستىعى، ۋ - ي جاڭا رايونىنىڭ پارتيا قىزمەتى كوميتەتىنىڭ شۋجيى بولىپ قىزمەت ىستەگەن، كەزىندە جىڭحى اۋداندىق پارتكومنىڭ شۋجيى بولعان، 2015 - جىلى ماۋسىم ايىندا ورتالىق كوميتەتتىڭ ۇيىمداستىرۋ ءبولىمى جاعىنان «مەملەكەتتىك تاڭداۋلى اۋداندىق پارتكوم شۋجيى» اتاعى بەرىلگەن. لياۋ جۇنبو جولداس 2017 - جىلى 18 - ناۋرىزدا ۋ - ي جاڭا قالا رايونىنا جيىن اشۋعا بارا جاتقاندا باقىتقا قارسى كولىك شىرعالاڭىنا ۇشىراپ، ۇكىمەت ءىسى جولىندا قازا بولدى.

ءان الەمى

جول توسىلىپ قالدى

تۇلپارىم