باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ سان - تومە جانە پرينسيپيدىڭ زۇڭليى تروۆوادامەن كەزدەستى

    كەلۋ قاينارى: شينجياڭ گازەتى    2017-04-17 16:26:50  
شينحۋا اگەنتتىگىنىڭ 14 - ساۋىردە بەيجيڭنەن بەرگەن حابارى. مەملەكەت ءتوراعاسى شي جينپيڭ 14 - ساۋىردە حالىق سارايىندا سان - تومە جانە پرينسيپيدىڭ زۇڭليى تروۆوادامەن كەزدەستى.
  شي جينپيڭ مىنالاردى اتاپ كورسەتتى: جۇڭگو مەن سان - تومە جانە پرينسيپي قاتىناسىنىڭ تىڭ پاراعى اشىلدى، سان - تومە جانە پرينسيپي جۇڭگو - افريكا دوستىق سەلبەستىگىنىڭ ۇلى شاڭىراعىمەن قاۋىشىپ، قازىرگى دامۋ اۋقىمىنا سايكەستى. جۇڭگو زۇڭلي مىرزانىڭ جۇڭگو مەن سان - تومە جانە پرينسيپي قاتىناسىنىڭ قالىپتى ارناعا ءتۇسۋىن جۇزەگە اسىرۋ جولىندا قوسقان ماڭىزدى ۇلەسىن بارىنشا القايدى، سان - تومە جانە پرينسيپيمەن بىرگە ەكى ەلدىڭ ءار سالاداعى دوستىق، ءوزارا تيىمدىلىك جاساۋ سەلبەستىگىن ورتاق جەبەپ، تەڭ، ءوزارا سەنىمدى، سەلبەسىپ، تەڭ يگىلىككە كەنەلەتىن جاپپاي سەلبەستىك سەرىكتەستىك قاتىناسىن ىلگەرىلەتۋدى قالايدى.
  شي جينپيڭ مىنالاردى باسا دارىپتەدى: تاراپتار ساياسي سەنىمدىلىكتى تەرەڭدەتىپ، ەكى ەل ۇكىمەتتەرى، زاڭ شىعارۋ ورگاندارى، ساياسي پارتيا سياقتى ءار سالاداعى اۋىس - كۇيىس پەن سەلبەستىكتى كۇشەيتىپ، ءبىر - ءبىرىنىڭ وزەكتى مۇددەسىنە جانە باسا نازار اۋدارىپ وتىرعان ىستەرىنە ساياتىن ماسەلەلەردە ءبىرىن - ءبىرى ءتۇسىنۋى جانە قولداۋى كەرەك. تاراپتار ناقتى ىستەر سەلبەستىگىنىڭ اياسىن كەڭەيتۋى كەرەك. جۇڭگو سان - تومە جانە پرينسيپي مەملەكەتىنىڭ جاپپاي دامۋ جوباسىن الدىمەن قولداپ، ساياحات، بالىقشىلىق، اۋىل شارۋشىلىعى سىندى 3 ءىرى سالادا ءوزارا تيىمدىلىك جاساۋ سەلبەستىگىن ورىستەتۋگە كۇش سالىپ، سان - تومە جانە پرينسيپيدىڭ نەگىزدىك قۇرىلعى قۇرىلىسىن سالۋ، ادام كۇشى بايلىعىن اشۋ جانە حاۋىپسىزدىك قۋاتى قۇرىلىسى سىندى 3 ءىرى تىرەكتى قامتاماسىز ەتۋىنە كومەكتەسىپ، دەربەس، باياندى دامۋدى جۇزەگە اسىرۋدى قالايدى. تاراپتار وقۋ - اعارتۋ، مادەنيەت، ەمدەۋ - دەنساۋلىق ساقتاۋ، پاراسات قويماسى، اقپارات قۇرالدارى، جاستار، ايەلدەر سياقتى گۋمانيتارلىق سالاداعى اۋىس - كۇيىس سەلبەستىگىن بەلسەنە ورىستەتىپ، ەكى ەل حالقى اراسىنداعى ءوزارا تۇسىنىستىك پەن دوستىقتى ۇزدىكسىز نىعايتىپ، ەكى ەل دوستىعىنىڭ حالىق رايى مەن قوعامدىق نەگىزىن بەكەمدەۋى كەرەك. جۇڭگو سان - تومە جانە پرينسيپيمەن تەڭىز قاراقشىلارى جانە ەل اتتاعان ۇيىمدىق قىلمىس سياقتى حاۋىپسىزدىك سالالارىندا اۋىس - كۇيىس جاساۋ سەلبەستىگىن ورىستەتىپ، ب م ۇ - نىڭ 2030 - جىلعا دەيىنگى باياندى دامۋ كەڭەستىك ءتارتىبى، كىلميات وزگەرىسى، افريكانىڭ بەيبىت دامۋى سياقتى حالىقارالىق جانە وڭىرلىك ماسەلەلەر جونىندە قارىم - قاتىناس پەن سايكەسۋ قىزمەتىن كۇشەيتۋدى قالايدى.
  شي جينپيڭ مىنالاردى اتاپ كورسەتتى: مەن جۇڭگو مەن افريكا قاتىناسىن دامىتۋدا شىنايى، ەتەنە، قالتقىسىز ساياسات ۇستانىمىن جانە دۇرىس ءمورال - مۇددە كوزقاراسىن ۇستانۋدى العا قويدىم، ونىڭ وزەكتى ءتۇيىنى جۇڭگونىڭ دامۋىن افريكانىڭ دامۋىنا قول ۇشىن بەرۋمەن تىعىز ۇشتاستىرىپ، ءوزارا تيىمدىلىك جاساپ، بىرگە يگىلىككە كەنەلۋدى جۇزەگە اسىرۋ. جۇڭگو افريكانىڭ بىرلەسە وتىرىپ الۋەتتەنۋگە جانە دامۋعا، كوركەيۋگە كۇش سالىپ، دەربەس، باياندى دامۋدى جۇزەگە اسىرىپ، جۇڭگو مەن افريكانىڭ تاعدىرلاس ورتاق تۇلعاسىن جانە مۇددەلى ورتاق تۇلعاسىن قۇرۋىن تىزە قوسا ىلگەرىلەتۋىنە قولداۋ كورسەتۋدى قالايدى.
  تروۆوادا بىلاي دەدى: سان - تومە جانە پرينسيپي حالقىنىڭ جۇڭگو حالقىمەن دوستىعى ارىدان باستاۋ الادى. سان - تومە جانە پرينسيپي حالقى جۇڭگو حالقىنىڭ كورسەتكەن كومەگى مەن قولداۋىن ەشقاشان ۇمىتپايدى. جۇڭگومەن ديپلوماتيالىق قاتىناستى قالپىنا كەلتىرۋى سان - تومە جانە پرينسيپيدە كەڭ كولەمدە قولداۋعا يە بولدى. سان - تومە جانە پرينسيپي ۇكىمەتى ءبىر جۇڭگو ساياساتىن مىزعىماي اتقارادى، جۇڭگونىڭ افريكاعا قاراتىلعان شىنايى، ەتەنە، قالتقىسىز ساياساتىن بارىنشا القايدى، ءوزارا قۇرمەت ەتۋ، ءبىر - بىرىنە سەنۋ رۋحىن ارقاۋ ەتىپ، جۇڭگونىڭ جوعارى جىكتەگىلەرىمەن بارىس - كەلىستى كۇشەيتىپ، ەكونوميكا - ساۋدا، نەگىزدىك قۇرىلعى، ساياحات، حاۋىپسىزدىك سياقتى سالالارداعى سەلبەستىكتى نىعايتىپ، افريكانىڭ جۇڭگومەن بولعان ءداستۇرلى دوستىعىن تەرەڭدەتىپ، حالىقارالىق ىستەردە ءبىر - ءبىرىن قاداعالاي قولدايدى.  مەملەكەتتىك كەڭەستىڭ مۇشەسى ياڭ جيەچى قاتارلىلار كەزدەسۋدە بىرگە بولدى.
ءان الەمى

جول توسىلىپ قالدى

تۇلپارىم