باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايونىمىز2020 -جىلعا بارعاندا از ۇلت وقۋشىلارىنىڭ مەملەكەتتىڭ ورتاق ءتىل-جازۋىن نەگىزىنەن يگەرۋىنە جانە قولدانۋىنا كەپىلدىك ەتەدى

    كەلۋ قاينارى: شينجياڭ حالىق راديو ىستانسياسى    2017-04-17 20:37:03  
ستانسيامىزدىڭ تىلشىلەرى لي لۇڭ، ايبىنحازى راحىمان ۇلى، ما گولەيلاردىڭ جولداعان حابارىن تىڭداڭىزدار: اۆتونوميالى رايوندىق پارتكوم، حالىق ۇكىمەتى وقۋعا ءتۇسۋ الدىنداعى قوس ءتىل تاربيەسىن ىلگەرلەتۋ تەبىن ارتتىرىپ، 2020-جىلعا بارعاندا از ۇلت وقۋشىلارىنىڭ مەملەكەتتىڭ ورتاق ءتىل-جازۋىن نەگىزىنەن يگەرۋىنە جانە قولدانۋىنا كەپىلدىك ەتەدى.
ءساۋىر ايى كىرگەلى، رايونىمىزدىڭ جەر-جەرىنىڭ اۋىل-قىستاقتارىنداعى قوس ءتىل بالالار باقشاسى سالىنا باستادى. بيىل قىركۇيەكتە كۇزگى وقۋ ماۋسىمى باستالعاندا، جەر-جەردەگى وقۋعا ءتۇسۋ الدىنداعى بالدىرعاندار جاڭا بالالار باقشاسىنا كىرىپ، تەگىن قوس ءتىل تاربيەسىنەن يگىلىكتەنەدى. ءدوربىلجىن اۋدانىنىڭ اۋىل-قىستاقتارىنداعى وقۋعا ءتۇسۋ الدىنداعى قوس ءتىل بالالار باقشاسىنىڭ نىسان جاۋاپتىسى ۋاڭ يۇڭ: 31-شىلدەدە قۇرىلىس جۇمىسى ءبىتىپ، پايدالانۋعا بەرىلەدى، سول كەزدە 3 مىڭعا جۋىق بالدىرعان جاڭا بالالار باقشاسىنا كىرىپ وقيدى،-دەدى.
ج ك پ اۆتونوميالى رايوندىق 9-قۇرىلتايىندا مىنالار العا قويىلدى: قوس ءتىل وقۋ-اعارتۋىن بەلسەنە ىلگەرلەتىپ، وقۋعا ءتۇسۋ الدىنداعى قوس ءتىل تاربيەسىن مىقتى يگەرۋگە كۇش سالىپ، قوس ءتىل اعارتۋىن شابىتتاندىرۋ ساياساتىن جاقسارتىپ، اۋىل-قىستاقتاردىڭ وقۋعا ءتۇسۋ الدىنداعى 3 جىلدىق تەگىن قوس ءتىل تاربيەسى قىزمەتىن ورىستەتۋ كەرەك. اۋىل-قىستاقتارداعى قوس ءتىل بالالار باقشاسى ــــ اۋىل-قىستاقتارداعى وقۋعا ءتۇسۋ الدىنداعى 3 جىلدىق تەگىن قوس ءتىل تاربيەسىن جالپىلاستىرۋدىڭ العى شارتى. بيىل رايونىمىز بويىنشا اۋىل-قىستاق قوس ءتىل بالالار باقشاسىنان 3 مىڭ 682 سى جاڭادان سالىنادى جانە 334 بالالار باقشاسى جالعاستى سالىنادى، بارلىق نىساندار تامىزدىڭ سوڭىنان بۇرىن سالىنىپ بولىپ، قىركۇيەكتە جاڭا وقۋ ماۋسىمى باستالعاندا ولاردى تۇگەلدەي پايدالانۋعا بەرۋگە كەپىلدىك ەتىلەدى.
وقۋعا ءتۇسۋ الدىنداعى قوس ءتىل تاربيەسىن ىلگەرلەتۋدە كەڭ دە جارىق كلاستار بولۋدان سىرت، ءسوزجوق، تولىمدى قوس ءتىل وقىتۋشىلارىن ازىرلەۋ ءتيىس. قوس ءتىل وقىتۋشىسى جەتىسپەۋ قيىنشىلىعىن باسەڭدەتۋ ءۇشىن، رايونىمىز مىناداي 4 ءتۇرلى ءتاسىل ارقىلى وقىتۋشى باۋلۋ تەبىنىن ارتتىرادى. ءبىرىنشى: وقۋعا تۇسۋدەن بۇرىنعى قوس ءتىل ەرەكشە قىزمەت ورنى وقىتۋشىلارىن قابىلداۋ جوسپارىن كوبەيتىپ، بۇرىنعى 3 مىڭ 500 ادامنان 10 مىڭ ادامعا ارتتىرادى؛ ەكىنشى، شينجياڭعا كومەكتەسەتىن ولكە، قالالاردىڭ كومەگىنە سۇيەنىپ، ىشكى ولكەدەگى جاڭادان قىزمەتكە قاتىناسقان وقىتۋشىلاردى شينجياڭنىڭ وقۋ-اعارتۋىنا ءبىر جىل كومەكتەسۋگە باۋرايدى؛ ءۇشىنشى، قازىرگى بار وقىتۋشىلار قوسىنىن تاربيەلەيدى؛ ءتورتىنشى، كادرلاردىڭ وقۋ-اعارتۋعا كومەكتەسۋىن، ستۋدەنتتەردىڭ پراكتيكا بارىسىندا وقۋ-اعارتۋعا كومەكتەسۋىن جالعاستى قولداپ، قازىرگى ءار جىلعى 12 مىڭ ادامنان از دەگەندە 20 مىڭ ادامعا كەڭەيتەدى.
چىن تيڭتيڭ ــ شينجياڭ كوركەمونەر ينستيتۋتىنان ياركەن اۋدانى تاعارشى اۋىلدىق سەنترلى بالالار باقشاسىنا بارىپ وقۋ-اعارتۋعا كومەكتەسۋ قىزمەتىنە قاتىناسقان وقىتۋشى، وقۋ-اعارتۋ قىزمەتىنە كومەكتەسۋ ارقىلى كوپتەگەن تاجىريبەلەرگە يە بولدى. ول بىلاي دەدى: وسى رەت وقۋ-اعارتۋعا كومەكتەسۋ بارىسىندا ۇيرەنگەن، پايدالانعان وقىتۋ بىلىمدەرىمىز بەن وقىتۋ كوزقاراسمىزدى بالالارعا شىنايى ۇيرەتتىك، ءبىرىنشى شەپكە كەلىپ قىزمەت ىستەپ، وسى وقىتۋ كوزقاراسىمىز بەن وقىتۋ تاسىلدەرىن جەرگىلىكتى ورىنداعى كوپتەگەن وقىتۋشىلارمەن ءبولىسىپ، جەرگىلىكتى ورىننىڭ بالدىرعاندار ءىسى ءۇشىن تيەسىلى ۇلەسىمىزدى قوسامىز.
بيىلعى اۆتونوميالى رايوننىڭ «ۇكىمەت قىزمەتىنەن بايانداماسىندا»: اۋىل-قىستاقتاردا وقۋعا ءتۇسۋ الدىنداعى 3 جىلدىق تەگىن قوس ءتىل تاربيەسىن جاپپاي جالپىلاستىرىپ، وقۋ جاسىنداعى ءار ءبىر بالدىرعاننىڭ جىلى دا جايلى ورتادا باقىتتى، شات-شادىمان ەرجەتۋىنە مۇمكىندىك جاساۋ كەرەكتىگى العا قويىلعان بولاتىن. قازىر وقۋ-اعارتۋعا كومەكتەسكەن وقىتۋشىلار مەن جەرگىلىكتى ورىنداعى وقىتۋشىلاردىڭ بىرلىكتە كۇش سالۋىندا، جەر-جەردەگى وقۋعا تۇسۋ الدىنداعى بالدىرعانداردىڭ قوس ءتىل ۇيرەنۋ قىزعىندىلىعى ارتىپ، قوس ءتىل دەڭگەيى جوعارىلادى.
ءان الەمى

جول توسىلىپ قالدى

تۇلپارىم