باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تۇماۋدان ەمدەلۋدە كەڭ تارالعان ءارى قاۋىپتى قاتەلىكتەر

    كەلۋ قاينارى: شينجياڭ حالىق راديو ىستانسياسى    2017-04-20 19:57:07  
كۇز، كوكتەم ماۋسىمدارى-تۇماۋدىڭ ۋاقىتى. ماۋسىمنىڭ، اۋا رايىنىڭ وزگەرۋى، دۇرىس تاڭدالماعان كيىم، جازدان كەيىن بەلسەندىلىك تانىتاتىن ۆيرۋستار-مۇنىڭ بارلىعى بويىڭىزدا تۇماۋ بەلگىلەرىنىڭ پايدا بولۋىنا الىپ كەلەدى.
تۇماۋدىڭ العاشقى بەلگىلەرى بارىنە ءمالىم: تاماق قىشۋى، مۇرىن بىتەلۋى، جوتەل، قىزۋ كوتەرىلۋى. ارينە، اۋرۋدان سۇلاماس ءۇشىن ادامدار بىردەن وزىنە العاشقى كومەك كورسەتۋگە تىرىسادى. تاماعىن ءتۇرلى ەرىتىندىلەرمەن شايىپ، مۇرىنىنا ارنايى ءدارى-دارمەكتەر سەۋىپ، قىمتانادى. شيپاگەرلەر اتالعان ارەكەتتەردىڭ ءبىرقاتارى دۇرىس جاسالمايتىنىن جانە جاعدايىڭىزدى ودان ارمەن اۋىرلاتىپ، سىرقاتىڭىز ۇزاققا سوزىلۋىنا سەپ بولاتىنىن ايتادى. سوندىقتان تۇماۋدان ەمدەلگەندە ءارقايسىمىز جىبەرەتىن قاتەلىكتەر ءتىزىمىن ۇسىنامىز.
تەرەزەلەردى جابۋ
تۇماۋدىڭ العاشقى بەلگىلەرىن بايقاعاننان-اق قىمتانىپ، جەل وتىندە وتىرماۋعا تىرىسامىز. وعان قوسا ەسىك-تەرەزەنىڭ ءبارىن جاۋىپ قويامىز. ال شيپاگەرلەر اۋرۋدىڭ العاشقى نىشاندارى پايدا بولعان ادامدى جابىق بولمەدە قالدىرىپ، وعان قوسا قوسىمشا جىلۋ قوسسا، ول زاقىمدانۋ وشاعىنىڭ ۇلعايىپ، تۇماۋدىڭ اسقىنۋىنا اكەلەتىنىن ايتادى.
ولاردىڭ ايتىۋىنشا تۇماۋ كەزىندە بولمەنى ءجيى جەلدەتىپ تۇرۋ قاجەت. ارينە سىرقات ادامنىڭ اشىق تەرەزە الدىندا وتىرۋى دا ءجون ەمەس. بۇل رەتتە بولمەدەن شىققانى نەمەسە جاقسىلاپ قىمتانعانى دۇرىس. بولمەنى تۇراقتى تۇردە جەلدەندىرىپ، اۋاسىن ىلعالداندىرىپ وتىرسا، سىرقاتتىڭ تىنىسى كەڭەيىپ، تەز ساۋىعادى.
جوتەلمەن كۇرەس
تۇماۋ كەزىندەگى جوتەل كۇندىز-ءتۇنى مازالاپ، جانىڭدى جەگىدەي جەيدى. ارينە ونىمەن كۇرەسۋ كەرەك. ول ءۇشىن كوپشىلىگىمىز جوتەلگە قارسى ءدارى الماققا ءدارىحاناعا بەتتەيمىز.
ال، شيپاگەرلەر بۇل ارەكەتىمىزدىڭ دۇرىس ەمەستىگىن ايتادى. بىرىنشىدەن، شيپاگەردىڭ رۇقساتىمەن عانا قولدانۋعا بولاتىن ءدارى-دارمەكتەر بار. ەكىنشىدەن، جوتەلدىڭ ءتۇرىن انىقتاۋ قاجەت. ونىڭ قۇرعاق نە ىلعال ەكەندىگى سىزگە بەيمالىم. مۇمكىن ول كومەيىڭىزدىڭ تىتىركەنۋى سالدارىنان بولار. ءبىرقاتار دارىلەر قاقىرىق تۇسىرۋگە ارنالعان. ولار قاقىرىقتىڭ سۇيىلىپ، اۋاتامىردان شىعۋىنا ىقپال ەتەدى. جانە جوتەل سيندرومىن باساتىن دارىلەر بار. مۇنداي دارىلەر سىرقاتتى تيتىقتاتاتىن قۇرعاق جوتەل كەزىندە تەك شيپاگەردىڭ رۇقساتىمەن عانا قولدانۋعا رۇقسات ەتىلەدى. ەگەر قاقىرىق تۇسىرەتىن ءدارىنىڭ ورىنان جوتەل سيندرومىن باساتىن ءدارى-دارمەك قابىلداساڭىز، وكپەدە پاتولوگيالىق نەگىز جينالىپ، وكپە قابىنۋىنا الىپ كەلۋى مۇمكىن.
پايداسىز انتيبيوتيكتەر
ءتۇرلى ءدارى-دارمەكتەر مەن عالامتورداعى كەڭسەلەر قولجەتىمدى زاماندا كوبىمىز كۇشتى دارىلەرمەن ەمدەلۋدى ءجون سانايمىز. تۇماۋ كەزىندە انتيبيوتيكتەردى قولدانۋ-كەڭ ەتەك العان جاعداي. بۇل رەتتىڭ ورگانيزمنىڭ ميكروفلوراسىنا زاقىم كەلتىرىپ جاتقانىن ەشكىم دە ويلاي بەرمەيدى.
سەبەبى انتيبيوتيكتەر باكتەريالىق ىندەتتى ەمدەۋگە ارنالعان. ال تۇماۋ-ۆيرۋستىق پاتولوگيا. سوندىقتان مۇندا انتيبيوتيكتەر كومەكتەسە المايدى. سونىمەن قاتار اتالعان ءدارى-دارمەكتەردى شيپاگەردىڭ رۇقساتىمەن قولدانۋ قاجەت. كۇشتى ءدارى-دارمەكتى ۇسىنار الدىندا كوبىنەسە تالداۋ جاساپ، ورگانيزمدە قانداي قوزدىرعىش بارىن انىقتاپ، وسىدان كەيىن عانا ەمدىك شارا تاعايىندالادى.
ال، انتيبيوتيكتەردى باقىلاۋسىز قابىلداۋ تۇماۋدىڭ سوزىلۋىنا الىپ كەلىپ، ناتيجەسىندە گايموريت، قۇلاقتىڭ قابىنۋى، پنيەۆمونيا، ميقۇرتقا اكەپ سوعۋى مۇمكىن. وعان قوسا مۇنداي دارىلەر ىشەك ميكروفلوراسىن بۇزىپ، ءتىرى اعزالاردىڭ ءبارىن جويادى. سالدارىنان ۆيرۋستىق ىندەتپەن كۇرەسۋى ءتيىس يممۋنيتەت زارداپ شەگەدى.
حالىق اراسىنداعى«رەتسەپتەر»
تۇماۋ كەزىندەگى ەمدىك شارالار قاتارىندا حالىقتىق «ەمدەر» ەمى جەتىپ اسادى. ليمون قوسىلعان شاي، جيدەكتەر ءنارسۋىن ءىشۋ سىندى كەيبىر ەم تۇرلەرى پايدالى ءارى اعزاعا كۇش بەرەدى. ال پياز نە قىزىلشا شىرىنى مەن وسىمدىك مايىن مۇرىنعا ارنالعان ءدارى رەتىندە قولدانۋ ماماندار سىنىنا ۇشىرايدى. سەبەبى اتالعان رەتسەپتەر قاراپايىم ءارى «حاۋىپسىز» بولىپ كورىنگەنىمەن، جۇتقىنشاقتىڭ شىرىشتى قاباتىن كۇيدىرۋى مۇمكىن.
بۇگىندە حالىق ەمىن بەلسەندى تۇردە قولدانۋدىڭ قاجەتى شامالى: كەز-كەلگەن ءدارىحانادا تۇماۋعا قارسى ءدارى-دارمەكتىڭ الۋان ءتۇرى بار. قيىندىقتان جىلدام ءارى ءتيىمدى ارىلۋ ءۇشىن، تامىردى تارىلتاتىن ءدارى مەن قۇرعاتىپ، زالالاسىزداندىراتىن ءدارى-دارمەكتى ءبىر-بىرىنە ۇيلەسىمدى ەتىپ تاڭداۋ جەتكىلىكتى.
ىسقىلاۋدىڭ حاۋىپتىلىگى
تۇماۋدىڭ ەڭ العاشقى بەلگىسى رەتىندە قىزۋ كوتەرىلگەندە كوپشىلىگىمىز دەنەمىزدى سپيرت نە سىركە سۋمەن ىسقىلاۋدى ءجون سانايمىز. الايدا بۇگىنگىنىڭ شيپاگەرلەر بۇل ءادىستى قۇپتامايدى. سەبەبى بۇل سۇيىقتىقتار تەرىدەگى ساڭىلاۋلار ارقىلى اعزاعا ءتۇسىپ، ورگانيزم ۋلانۋى مۇمكىن. اسىرەسە، ول بالالارعا قاتىستى. مۇندايدا دەنەنى تەك جىلى سۋمەن ىسقىلاۋعا بولادى. دەسە دە مۇندا دا ساقتىق تانىتقان ءجون: قان تامىرلار تارىلىپ، سالدارىنان قىزۋ ودان سايىن كوتەرىلىپ، تۇسپەي قويۋى مۇمكىن.
سونىمەن قاتار دەرتتەن ايىعۋ ءۇشىن ىشىمدىك ءىشۋدىڭ دە قاجەتى جوق. ەتيل سپيرتىنىڭ ءتۇرلى ءدارى-دارمەكتەرمەن ارەكەتتەسۋى ورگانيزمگە كەرى اسەر ەتەتىنى دالەلدەنگەن.
ءان الەمى

جول توسىلىپ قالدى

تۇلپارىم