باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

دامۋدى بوساڭسىتپاي مىقتى يگەرەيىك

    كەلۋ قاينارى: شينجياڭ گازەتى    2017-04-21 18:33:52  

−ج ك پ اۆتونوميالى رايوندىق 9-كەزەكتى كوميتەتى ەكىنشى جالپى (كەڭەيتىلگەن) ءماجىلىسىنىڭ رۋحىن ۇيرەنۋ، دايەكتىلەندىرۋ تۋرالى

 دامۋ مەن ورنىقتىلىق − شينجياڭنىڭ قوعام ورنىقتىلىعى مەن باياندى تىنىشتىق سىندى باس نىسانانى جۇزەگە اسىرۋداعى ەكى شەشۋشى ءتۇيىن. ج ك پ اۆتونوميالى رايوندىق 9 - كەزەكتى كوميتەتىنىڭ ەكىنشى جالپى (كەڭەيتىلگەن) ءماجىلىسى، ورنىقتىلىقتى ويداعىداي يگەرۋمەن قاتار، دامۋدى دا بوساڭسىتپاي مىقتى يگەرىپ، اۆتونوميالى رايوننىڭ ەكونوميكاسىنىڭ ورنىقتى، اقاۋسىز دامۋىنا شىنايى كەپىلدىك ەتۋدى اتاپ كورسەتتى.
  دامۋدى بوساڭسىتپاي مىقتى يگەرۋدە تىڭ دامۋ ۇستانىمىن ىشكەرىلەي دايەكتىلەندىرۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋداي جاڭا دامۋ ۇستانىمى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەلىمىزدىڭ دامۋ زاڭدىلىعى جونىندەگى تىڭ تانىمىنىڭ شوعىرلى بەينەلەنۋى، ول ماركسيزمنىڭ دامۋ كوزقاراسىن بارىنشا بايىتتى، دامۋ بارىسىنداعى قيىن ماسەلەلەردى شەشۋ، دامۋ تەبىنىن كۇشەيتۋ، دامۋ باسىمدىعىن ساۋلەلەندىرۋ جونىنەن ماڭىزدى جەتەكشىلىك ءمان الادى. ءبىز باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن تىڭ دامۋ ۇستانىمىن شىن مانىندە دايەكتىلەندىرۋ جونىندەگى ماڭىزدى نۇسقاۋىن ىشكەرىلەي ۇعىنىپ، دامۋ ساپاسى مەن ونىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، تىڭ دامۋ ۇستانىمىن دايەكتى تياناقتاندىرۋىمىز كەرەك. ورنىقتىلىق بارىسىندا ىلگەرىلەۋ نەگىزگى اۋەنىنەن جازباي، ەكونوميكانىڭ دامۋ تىڭ قالىبىنا ۇيلەسىپ، ونى يگەرىپ جانە وعان جەتەكشىلىك ەتىپ، «ءۇشتى ازايتۋدى، ءبىردى تومەندەتۋدى، ءبىردى تولىقتاۋدى» ىلگەرىلەتۋ بارىسىندا، ەكونوميكانىڭ دامۋ ۇلگىسىنە بۇرىلىس جاساۋ، دارەجەسىن جوعارىلاتۋ اياق الىسىن جەدەلدەتۋ؛ وزىندىك ەرەكشەلىكتەگى كاسىپ سالالارىن كۇش سالا جەتىلدىرىپ، دامىتىپ، شينجياڭ ەرەكشەلىگىندەگى وسى زامانعى كاسىپ سالاسى جۇيەسىن ورناتۋ؛ نەگىزدىك قۇرىلعى قۇرىلىسىن كۇشەيتىپ، دامۋعا كەدەرگى بولعان ماسەلەلەردى شەشۋ سياقتى قىزمەت مىندەتتەرى بارىسىندا، شينجياڭنىڭ اناعۇرلىم جوعارى ساپالى، جوعارى ونىمدىلىكتى، ءادىل، باياندى دامۋىن قۇلشىنا جۇزەگە اسىرۋ كەرەك.
  دامۋدى بوساڭسىتپاي مىقتى يگەرۋدە رەفورما جاساۋ مەن ەسىك اشۋدى تەرەڭدەتۋ كەرەك. رەفورما جاساپ، ەسىك اشۋ − زامانىمىزداعى جۇڭگونىڭ دامۋ، العا باسۋ ومىرشەڭدىك كۇشىنىڭ قاينارى، پارتيا مەن حالىقتىڭ ءداۋىردىڭ العا باسۋ قادامىنان قالىسپاۋىنىڭ ماڭىزدى اسىلى ءارى جۇڭگوشا سوتسياليزم جولىنان جازباۋدا جانە ونى دامىتۋدا، ءسوز جوق، باساتىن جولى. رەفورما جاساۋدى، ەسىك اشۋدى تەرەڭدەتۋ شينجياڭ جونىنەن ەرەكشە ماڭىزدى ءمان الادى. شينجياڭنىڭ ەكونوميكالىق، قوعامدىق دامۋى سالىستىرمالى ارتتا قالعان، رەفورما جاساۋدى، ەسىك اشۋدى جاپپاي تەرەڭدەتىپ، دامۋدىڭ ىشكى قوزعاۋشى كۇشى مەن ومىرشەڭدىك قۋاتىن اناعۇرلىم ارتتىرعاندا عانا، جۇڭگوشا ەرەكشەلىكتەگى، شينجياڭ وزگەشەلىگىندەگى دامۋ جولىن قالىپتاستىرۋعا بولادى. پارتيانىڭ 18 - قۇرىلتايىنان بەرى پارتيا ورتالىق كوميتەتى ورنالاستىرعان رەفورما مىندەتتەرىن جاپپاي تياناقتاندىرىپ، مەملەكەت مەنشىگىندەگى، مەملەكەت قارجىلاندىرعان كاسىپورىندار رەفورماسى، قارجى قوسۋ، قارجى قۇراۋ ءتۇزىلىسى رەفورماسى، اۋىل - قىستاق مال - مۇلىك ۇقىعى ءتۇزىمى رەفورماسى، ءتۇيىندى سالالارداعى باعا رەفورماسى، «ۇكىمەت ورىندارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت ەتۋدى جاقسارتۋ» رەفورماسى سياقتى ءتۇيىندى سالالارداعى، شەشۋشى بۋىندارداعى رەفورمانى ىلگەرىلەتىپ، رەفورمانىڭ ەكونوميكالىق، قوعامدىق دامۋداعى جەتەكشىلىك رولىن تولىق ساۋلەلەندىرۋ؛ سونىمەن بىرگە، قوس باعىتتا ەسىك اشۋ جاعدايىن قالىپتاستىرىپ، جىبەك جولى ەكونوميكالىق بەلدەۋىندەگى وزەكتى رايون قۇرۋدى ارقاۋ ەتىپ، جاڭالىق اشۋعا دەم بەرىپ، مەملەكەتتىڭ «ءبىر بەلدەۋ، ءبىر جول» ستراتەگياسىمەن بەلسەنە توعىسىپ، ءىش پەن سىرتقا ەسىكتى ايقارا اشىپ، ەسىك اشۋ ورەسىن ونان ارى جوعارىلاتۋ كەرەك. بيڭتۋان − شينجياڭنىڭ ەكونوميكالىق، قوعامدىق دامۋىنداعى ماڭىزدى كۇش، بيڭتۋاننىڭ رەفورمانى تەرەڭدەتۋ اياق الىسىن جەدەلدەتىپ، بيڭتۋاننىڭ وزگەشە باسىمدىعى مەن دامۋ ومىرشەڭدىك كۇشىن تولىق ساۋلەلەندىرىپ، بيڭتۋان مەن جەرگىلىكتى ورىننىڭ توعىسىپ دامۋىن جەبەپ، بيڭتۋاندى دامىتۋ، كەمەلدەندىرۋ كەرەك. رەفورما جاساۋدى، ەسىك اشۋدى جان - جاقتى تەرەڭدەتۋ ارقىلى، جۇڭگوشا سوتسياليستىك شينجياڭ قۇرۋ جولىن بارعان سايىن ىركىلىسسىزدەندىرۋ، بارعان سايىن كەڭەيتۋ كەرەك.
  دامۋدى بوساڭسىتپاي مىقتى يگەرۋدە، حالىق تۇرمىسى ينجەنەرياسى قۇرىلىسىن كۇشەيتۋ كەرەك. مەملەكەتتى جونگە سالۋ ءۇشىن، ءسوز جوق، الدىمەن حالىقتى اۋقاتتاندىرۋ كەرەك. دامۋدىڭ ەڭ سوڭعى ماقساتى − حالىقتى باقىتقا كەنەلتۋ، دامۋ جەتىستىكتەرىنەن جالپى حالىقتى يگىلىكتەندىرۋ. دامۋدى يگەرۋ، حالىق تۇرمىسىنا تيىمدىلىك جاساۋ ارقىلى، بۇقارانىڭ جۇمىس ىستەپ، اقشا تاۋىپ، تۇرمىستارىن بارعان سايىن جاقسارتۋىنا مۇمكىندىك جاساۋ كەرەك. سوندىقتان حالىق تۇرمىسى ينجەنەرياسى ءارى دامۋ ينجەنەرياسى، ءارى حالىق تىلەگى ينجەنەرياسى سانالادى. باس شۋجي شي جينپيڭنىڭ «حالىق تۇرمىسىن بارىنشا قامتاماسىزداندىرۋ جانە جاقسارتۋ» جونىندەگى ماڭىزدى نۇسقاۋىنا ساي، شينجياڭدى ورنىقتىرۋ، شينجياڭنىڭ تىنىشتىعىن قورعاۋ ستراتەگيالىق تۇرعىسىنان، ءار ۇلت بۇقاراسىنىڭ الاڭسىز تىرشىلىك ەتۋىن مىقتاپ ارقاۋ ەتىپ، حالىققا تيىمدىلىك جاساۋعا قاتىستى 9 ەلەۋلى ينجەنەريا قۇرىلىسىن مىقتى يگەرىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارۋ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەۋ، ءار ۇلت بۇقاراسىنىڭ كوكەيىندەگى ماسەلەلەردى كوبىرەك شەشۋ كەرەك. تاماشا ەكولوگيالىق ورتا − حالىق تۇرمىسىنا قاتىستى ەڭ ۇلكەن تيىمدىلىك. ەكولوگيالىق قورشاعان ورتانى قورعاۋدى كۇشەيتۋدە ءمولدىر سۋ، جاسىل تاۋدىڭ ءوزى بايلىق، مۇزدى القاپ، قارلى دالانىڭ ءوزى بايلىق دەيتىن ۇستانىمدى مىقتاپ ورناتۋ، ەكولوگيانى قورعاۋدىڭ تومەنگى شەگىنە قاتاڭ بويسۇنۋ، «3 جوعارى» نىسانىنىڭ شينجياڭعا كىرۋىنە قاتاڭ تيىم سالۋ، ەكولوگيانى قورعاۋ قۇرىلىسىن نىعايتۋ، لاستانۋدان ساقتانۋ جانە ونى جونگە سالۋ تەبىنىن ارتتىرۋ، سۋ قاينارىن باسقارۋدى قاتايتۋ، ەكولوگيانى قورعاۋ جاۋاپكەرشىلىگىن تياناقتاندىرۋ، اسپانى كوك، جەرى جاسىل، سۋى تۇنىق كوركەم شينجياڭ قۇرۋ جولىندا قۇلشىنۋ كەرەك. حالىق تۇرمىسى ينجەنەرياسى قۇرىلىسى ارقىلى، دامۋدى حالىق تۇرمىسىن جاقسارتۋ، جەرگىلىكتى ورىندارعا تيىمدىلىك جاساۋ، ىنتىماقتىلىقتى نىعايتۋ جاعىندا تياناقتاندىرىپ، ءار ۇلت حالىق بۇقاراسىنىڭ باقىت سەزىمىن كۇشەيتۋ كەرەك.
  ورنىقتىلىق − ماڭداي الدى جاۋاپكەرشىلىك، دامۋ − ماڭداي الدى مىندەت. ءبىز دامۋدى مىقتاپ يگەرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا بەرىك ماتەريالدىق نەگىز قالاۋىمىز كەرەك.

ءان الەمى

جول توسىلىپ قالدى

تۇلپارىم