باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«وقىمىستىلارعا باي تيانشان» اتىنداعى جالپى حالىقتىق كىتاپ وقۋ جەلىلەس قيمىلىنىڭ شىمىلدىعى اشىلدى

    كەلۋ قاينارى: شينجياڭ حالىق راديو ىستانسياسى    2017-04-21 19:35:25  
ستانسيامىزدىڭ ءتىلشىسى چيۋ جيننىڭ جولداعان حابارىن تىڭداڭىزدار: 22-رەتكى «دۇنيە جۇزىلىك كىتاپ وقۋ» كۇنى كەلۋ قارساڭىندا، 20-ءساۋىر اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اقپارات باسپا-ءسوز، راديو-كينو-تەلەۆيزيا مەكەمەسى ۇيىمداستىرعان «وقىمىستىلارعا باي تيانشان» اتىنداعى 2017-جىلعى جالپى حالىقتىق كىتاپ وقۋ جونىندەگى ارناۋلى تەلە ساۋىق كەشى شينجياڭ تەلەۆيزياسىنىڭ ستۋدياسىندا كەسكىنگە الىنىپ بولدى، بۇل ءارى 2017-جىلى «وقىمىستىلارعا باي تيانشان» اتىنداعى جالپى حالىقتىق كىتاپ وقۋ جەلىلەس قيمىلىنىڭ شىمىلدىعىن اشتى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن تەلە ساۋىق كەشىنە قاتىناستى، ءارى ءسوز سويلەدى.
ساۋىق كەشى الۋان-ءتۇرلى ادەبيەت كوركەمونەر نومىرلەرى جانە ءار ۇلت حالىق بۇقاراسىنىڭ كىتاپتى كوپ وقۋدان، جاقسى كىتاپ وقۋدان يە بولعان عىلىم، مادەنيەت بىلىمدەرى، ۇلتتار ىتنىماعىن قورعاۋدىڭ جاندى مىسالدارى ارقىلى، 2016-جىلدان بەرگى رايونىمىزدىڭ باسىلىم ءىسىنىڭ دامۋى مەن جالپىلاسۋىنداعى جەتىستىگىن جاپپاي كورسەتتى.كورەرمەن تيان حاۋران: 4 ايگىلى شىعارما مەن جاستار كورسەتكەن كىتاپتاردان وقۋلىقتان ۇيرەنبەگەن بىلىمدەرگە يە بولىپ، ءبىلىم ءورىسىم كەڭەيىپ، سويلەۋ قابىلەتىم، تاعى ادامدار ارا قاتىناس جاساۋ قابىلەتىم ارتتى،-دەدى.
سوڭعى جىلدارى، رايونىمىز ىلگەرىندى-كەيىندى «شينجياڭ مادەنيەت قويماسى»، «كوركەم شينجياڭدى قۇرىپ، وتان ارمانىن بىرگە جۇزەگە اسىرۋ» باستى تاقىرىبىنداعى تاربيەلىك جەلىلەس تىزبەكتى سۋرەتتەر، «شينجياڭنىڭ از ۇلت ادەبيەتى جاسامپازدىعى جانە از ۇلت پەن حانزۋ تىلىندە ءوزارا اۋدارىلعان تۋىندىلار ينجەنەرياسى» سياقتى ماڭىزدى باسىلىم نسىاندارىن باستاپ، شىعىس جەلى ينجەنەرياسىن ءساتتى اتقاردى.قازىرگە دەيىن، اۆتونوميالى رايون شينجياڭداعى 853 اۋىل-قالاشىققا، 8 مىڭ 640 اكىمشىلىك قىستاققا جانە 160 ءمالى باسقارماسىنا، ءبىر مىڭ 720 الۋمەتتىك اۋماققا ۇيعۇر، حانزۋ، قازاق، موڭعۇل سياقتى 6 ءتىل-جازۋداعى كىتاپتاردىڭ 3 مىڭ 115 تۇرىنەن 26 ميلليون 280 مىڭ داناسىن تەگىن ۇسىندى.اۆتونوميالى رايوندىق اقپارات باسپا-ءسوز، راديو-كينو-تەلەۆيزيا مەكەمەسى كىتاپ باسىلىم باسقارماسىننڭ باستىعى جاڭ شينگى بىلاي دەدى: شينحۋا كىتاپحاناسىنىڭ ءار قايسى ءىرى ساتۋ ورىندارى جالپى حالىقتىق كىتاپ وقۋ قيمىلى وتكىزىلگەن كەزدە، ءىشىنارا تاڭداۋلى كىتاپ كورمەسىن وتكىزەدى، وتە-موتە بيىل مەملەكەتتىك اقپارات باسپا-ءسوز، راديو-كينو-تەلەۆيزيا باس مەكەمەسى مەملەكەت بويىنشا جاستارعا اۆتونوميالى رايوننىڭ وتكەن جىلدان بەرى ءتۇرلى سيلىقتارعا يە بولعان تاڭداۋلى كىتاپتارىن قامتىعان 100 ءتۇرلى تاڭداۋلى كىتاپتى كورسەتتى. بۇدان سىرت، شينجياڭنىڭ اۋىل-قالاشىقتارى مەن قىستاقتارىنىڭ مادەنيەت پۋنكتى، مادەنيەت ءۇيى، اۋىل كىتاپحاناسى، مادەنيەت اۋلاسى ءىشىنارا كىتاپ وقۋ جەلىلەس قيمىلدارىن وتكىزىپ، كوپشىلىكتى كىتاپتى كوبىرەك وقىپ، جاقسى كىتاپ وقىپ، وقىمىستىلارعا باي قوعامدىق جاعداي جاراتۋدى دارىپتەپ، جاقسى كىتاپ ارقىلى باستى ريتىمدى اناعۇرلىم جىرلاپ، وڭ ەنەرگيانى جەتكىزدى.
ۇعىسۋعا قاراعاندا، وسى ساۋىق كەشى 23-ءساۋىر كۇنى شينجياڭ جاساندى سەرىك تەلەۆيزياسىندا تۇڭعىش رەت قويىلىپ، 2017-جىلعى «وقىمىستىلارعا باي تيانشان» اتىنداعى جالپى حالىقتىق كىتاپ وقۋ قيمىلى دا جىل سوڭىنا دەيىن جالعاسادى ەكەن.
ءان الەمى

جول توسىلىپ قالدى

تۇلپارىم