باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مويىن ومىرتقاسىن قورعاۋدىڭ ۇتىمدى ادىستەرى

    كەلۋ قاينارى: شينجياڭ حالىق راديو ىستانسياسى    2017-04-21 20:20:21  
مويىن ومىرتقاسىنا ىستىق وتكىزۋ
مويىن ومىرتقاسىنا سۋىق وتسە، قان تامىر تارايىپ، تكاندار قاتايىپ، مويىن ومىرتقا اۋرۋىنىڭ سالماعىن اۋىرلاتادى.سوندىقتان، كوكتەمنىڭ العاشقى مەزگىلىندە مويىن ومىرتقاسىن جىلى ۇستاۋعا كوڭىل بولگەن ءجون.
كيىم كيگەندە بۇل جاعىنا ءمان بەرۋدەن تىس، ءار كۇنى گرەلكاعا ياعني ىستىق تورسىققا 50 دە 60 سەلتسي گرادۋس اينالاسىنداعى ىستىق سۋ قۇيىپ، مويىننان ىستىق وتكىزىپ، ءار كۇنى ەكى رەتتەن، ءار رەتىندە 20 مينۋتتان جالعاستىرسا، قان اينالىسىن جاقسارتىپ، اۋىرعاندى باسادى.
مويىن ومىرتقاسىنىڭ تابيعي فيزيولوگيالىق ءپىشىنىن ساقتاۋ
ۇزاق ۋاقىت ەڭكەيۋ جانە جاستىقتى بيىك جاستاۋ مويىن ومىرتقاسىنىڭ تابيعي ءپىشىنىن وزگەرتىپ، مويىن ومىرتقا اۋرۋىن تۋدىراتىن ماڭىزدى فاكتورلاردىڭ ءبىرى.سوندىقتان، جاستىق جۇقالاۋ، ەنى تارلاۋ جانە ىشكى ماتەريالى قاتتىلاۋ بولعانى جاقسى.شالقالاپ ۇيىقتاعاندا جاستىقتىڭ بيىكتىگى جۇدىرىقتىڭ بيىكتىگىمەن قارايلاس بولۋى، ەنى مويىن ومىرتقاسىنىڭ ۇزىندىعىمەن بارابار بولۋى، جاستىقتى قاراقۇسقا ەمەس، مويىن ومىرتقاسىنىڭ ارتقى بولەگىنە جاستاۋ كەرەك.ەگەر قىرىنداپ ۇيىقتاۋعا تۋرا كەلسە، جاستىقتىڭ بيىكتىگى 12 سانتيمەتر اينالاسىندا بولىپ، مويىن ومىرتقاسىنىڭ اۋىرعان جاعىن سىرتىنا قاراتىپ، اۋىرماعان جاعىمەن جاتقان ءجون.
ءار كۇنى مويىن ومىرتقا ارەكەتىن جاساۋ
مويىن ومىرتقا اۋرۋىنا شالدىققاندار ءار كۇنى تاڭەرتەڭ جانە كەشتە ءبىر رەتتەن مويىن ومىرتقا ارەكەتىن جاساپ تۇرسا اۋرۋ سالماعىن جەڭىلدەتەدى.
1.يەكپەن شەڭبەر سىزۋ.ناۋقاس تىك وتىرىپ، قوس قولىن اياعىنا قويىپ، يەگىن الدىعا سوزىپ، يەگىمەن ءبىر باعىتتا 18 شەڭبەر سىزۋ، ودان كەيىن كەرى باعىتتا جالعاستى 18 شەڭبەر سىزۋ كەرەك.
2.باسپەن حانزۋشا 米 ءارىبىن جازۋ.ناۋقاس باس ارەكەتى ارقىلى 米 ءارىبىن 10 رەت جازۋ كەرەك، مۇندا مويىن ارەكەتى ءسال كۇشتى بولۋى، ءبىراق جىلدامدىعى تىم تەز بولماعانى ءجون.
جوعارىداعى ارەكەتتەردى ىستەسە مويىن ومىرتقا اۋرۋىن جەڭىلدەتۋ رولىن اتقارادى.الايدا، مويىن ومىرتقا اۋرۋىنىڭ سالماعى اۋىرلاسا، دەرەۋ شيپاحاناعا بارىپ كورىنگەن ءجون.
مويىن ومىرتقاسىن ۋقالاۋ
قولمەن مويىن ومىرتقاسىن ۋقالاۋ، ۇرعىلاۋ نەمەسە ەكى قولمەن الما كەزەك جوعارى-تومەن قىسىپ مىتۋ جانە ەكى قولمەن قايتا-قايتا ىسقىلاپ ۋقالاۋ كەرەك.ءار رەتى 20 مينۋتتان ءار كۇنى ەكى رەت ىستەسە نەرۆتى تىنىشتاندىرىپ، قان اينالىسىن جاقسارتىپ، بۇلشىق ەتتىڭ اۋىرعانىن باسادى.
ءان الەمى

جول توسىلىپ قالدى

تۇلپارىم