باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاڭاگۇل اسەن قىزى وسكەلەڭ ەمدەۋ ءمورالى ارقىلى شيپاگەرلىك قاسيەتىن ايگىلەدى

    كەلۋ قاينارى: شينجياڭ حالىق راديو ىستانسياسى    2017-05-02 20:05:10  

ىلە راديو ستانسياسىنىڭ ءتىلشىسى جاڭ جيڭيۇيدىڭ جولداعان حابارىن تىڭداڭىزدار: جاڭاگۇل اسەن قىزى ىلە وبلىستىق جۇڭگوشا شيپاحانا سۇيەك ءبولىمىنىڭ شيپاگەرى، 30 نەشە جىلدان بەرى، ول قازاق ەمشىلىگىنىڭ ءداستۇرلى وتاشىلىق ادىسىنە مۇراگەرلىك ەتۋ نەگىزىندە، سۇيەك ءبولىمىنىڭ كوپتەگەن ەمدەۋ تەحنيكاسىن دەربەس تاپقىرلاپ، ەرەكشە جوعارى ەمدەۋ تەحنيكاسى، وسكەلەڭ ەمدەۋ ءمورالى ارقىلى شيپاگەرلىك قاسيەتىن ايگىلەدى.
26-ءساۋىر تاڭەرتەڭ ەرتە، ىلە وبلىستىق جۇڭگوشا شيپاحانانىڭ سۇيەك ءبولىمى ناۋقاستارعا لىق تولىپ، موڭعۇلكۇرە اۋدانىنان كەلگەن ايشا اسقار قىزى قايتالاي تەكسەرىلىپ جاتتى. ول بيىل جىل باسىندا ابايسىزدا جىعىلىپ، وڭ جاق اياعى اۋىر دارەجەدە مەرتىگىپ قالادى، قۇلجا قالاسىنداعى بىرنەشە ءىرى شيپاحاناعا بارعاندا، بارلىعى دا وپەراتسيا جاساپ ەمدەيتىندىگىن ايتادى، ءبىراق ونىڭ دەنەسى وتە سەزىمتال بولعاندىقتان، وپەراتسيا جاساۋعا كەلمەيتىن ەدى،ول لاجىسىز جاڭاگۇل شيپاگەردىڭ اتىن ەستىپ ىزدەپ بارادى، ويلاماعان جەردەن وپەراتسيا جاساتپاي، اۋرۋحانادا 10 كۇن جاتىپ سىنعان سۇيەگى ورنىنا ءساتتى ءتۇسىپ، قازىر نەگىزىنەن ءجۇرىپ تۇرا الاتىن بولدى. ايشا اسقار قىزى بىلاي دەدى: ول سول كۇنى سىنعان سۇيەگىمدى ورنىنا سالۋ ءۇشىن 4 ساعات جۇمسادى، سۇيەگىمدى ورنىنا سالىپ بولعاندا ونە بويىنىڭ تەرگە مالشىنعانىن كوردىم، وعان العىسىم شەكسىز، وتباسىم بولىپ ەرەكشە العىس ايتامىز. ول بارلىق ادامعا بىردەي، وتە جاقسى مامىلە جاسايدى.بيىل 53 جاستاعى جاڭاگۇل اسەن قىزى شيپاگەر وتباسىندا دۇنيەگە كەلگەن، 13 جاسىنان باستاپ اتاسىنان قازاقتىڭ ءداستۇرلى سىنىقتى ورنىنا سالۋ، وتاشىلىق ءادىسىن ۇيرەنەدى، 30 نەشە جىلدىق مەديتسينا امالياتى بارىسىندا، ول «جالعاس ۇنتاعى»، «جۇمىرتقانىڭ اعىن ارالاستىرىپ تاڭاتىن ءدارى»، «ماناۋ سىقپا ءدارىسى» سياقتى سىقپا دارىلەردى سۇيەكتىڭ سىنعان جەرىن ەمدەۋگە پايدالاندى، ءارى سۇيەك ءبولىمىنىڭ ءتۇرلى ەمدەۋ تەحنيكاسىن دەربەس تاپقرىلادى، بۇگىنگى كۇندە ونىڭ تيانشاننىڭ تۇستىگى مەن تەرىستىگىنىڭ بارلىق جەرىندە ناۋقاستارى بار، ءارى قازاقستان سياقتى كورشىلەس ەلدەردەن كەلگەندەرى دە كوپ. ىلە وبلىستىق جۇڭگوشا شيپاحانانىڭ سۇيەك 1-ءبولىمى دە وسىنىڭ ناتيجەسىندە جىلدىق وپەراتسيا جاساۋ مولشەرى 300 رەتتەن اسقان اۆتونوميالى رايونداعى ءتۇيىندى بولىمگە اينالدى. ۇزاق جىل رەنتىگىندە جۇمىس ىستەگەندەگى سەبەپتى، جاڭاگۇل اسەن قىزىنا قالقانشا بەز وسپەسى دەگەن دياگنوز قويىلادى، وپەراتسيا جاساتىپ كوپ وتپەي ول تاعى قىزمەت ورنىنا قايتىپ كەلەدى. ول: شيپاگەر ناۋقاستار ءۇشىن قىزمەت ەتەدى، مەنىڭ مىندەتىم اجالعا اراشاشى، جارالىعا مەدەت بولۋ، ناۋقاستاردى اۋرۋ ازابىنان ايىقتىرۋ. ول ماعان سەنىم ارتىپ سوناۋ الىستان ىزدەپ كەلگەن ەكەن، ونى ءسوزجوق ساۋىقتىرۋىم كەرەك، بۇل مەنىڭ ارمانىم،-دەدى.

ءان الەمى

جول توسىلىپ قالدى

تۇلپارىم