باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جىبەك جولى سەلبەستىگىنىڭ جاڭا تىرەگىن تۇرعىزايىق

    كەلۋ قاينارى: شينجياڭ گازەتى    2017-05-12 19:05:28  

ۋاڭ شينفي

كەشەگى تۇيەلى كەرۋەن وتكەن جەرلەردە بۇگىن پويەزدەر زۋلايدى. مەملەكەتتىڭ «ءبىر بەلدەۋ، ءبىر جول» دارىپتەمەسىنىڭ العا قويىلۋىمەن، ەجەلگى جىبەك جولى جاڭا جالىندى تىنىسىن بايقاتتى.

مەملەكەتتىڭ «ءبىر بەلدەۋ، ءبىر جول» دارىپتەمەسىن تياناقتاندىرۋ ءۇشىن، ءۇرىمجى تەمىر جول مەكەمەسى بىلتىر مامىردا جۇڭگو - ەۆروپا (ورتا ازيا) كەزەكشى پويەزدەرىنىڭ ءۇرىمجى شوعىرلاندىرۋ ورتالىعى قۇرىلدى ءارى ىسكە قوسىلدى، شوعىرلاندىرۋ ورتالىعىنداعى كەزەكشى پويەزدەردىڭ سانى 297گە جەتتى.
شوعىرلاندىرۋ ورتالىعى ءدال شينجياڭنىڭ بەلسەنە ىسكە كىرىسىپ، «ءبىر بەلدەۋ، ءبىر جول» قۇرىلىسىنا ات سالىسقاندىعىنىڭ پارمەندى ايعاعى. «ءبىر بەلدەۋ، ءبىر جول» شىعىس جەلىنە جەلكەن كوتەرگەن شينجياڭ جۇڭگونىڭ ورتا ازيا، ەۆروپا ەلدەرىمەن «ساياساتتىق قارىم - قاتىناسىنىڭ، قۇرىلعى بايلانىسىنىڭ، ساۋدانى ىركىلىسسىزدەندىرۋىنىڭ، قارجى اينالىمىنىڭ، حالىق تىلەگى توعىسىنىڭ» ماڭىزدى تىرەگىنە اينالدى.

نەگىزدىك قۇرىلعى: ءتورت ءبىر تۇلعالاندىرىلعان توراپتى قۇردى

نەگىزدىك قۇرىلعىلاردىڭ ءوزارا بايلانىسى − شينجياڭنىڭ تىرەكتىك رولدى ساۋلەلەندىرۋىنىڭ كىلتى. 3 جىلدان بەرى شينجياڭ «جەر استىندا قۇبىر، قۇرلىقتا جول - قاتىناس، كەڭىستىكتە اۋە جولى، ينتەرنەت بايلانىسى» ءبىر تۇلعالاندىرىلعان قۇرىلعى بايلانىسىن وزەكتى رايون قۇرىلىسىن ىلگەرىلەتۋدىڭ ماڭىزدى تۇتقاسى ەتتى، نىشاندىق ينجەنەريالار جارىققا شىعىپ، شينجياڭنىڭ حالىقارالىق قاتىناس - تاسىمال جۇيەسىندەگى مارتەبەسى كۇن سايىن ارتا ءتۇستى.
شينجياڭ امبەباپ قاتىناس - تاسىمالىنىڭ «13 - بەسجىلدىق» دامۋ جوباسىندا جىبەك جولى ەكونوميكالىق بەلدەۋىنىڭ سولتۇستىك ارناسى، جىبەك جولى ەكونوميكالىق بەلدەۋىنىڭ ورتالىق ارناسى، جىبەك جولى ەكونوميكالىق بەلدەۋىنىڭ وڭتۇستىك ارناسى، جۇڭگو - پاكيستان ەكونوميكالىق ءدالىزى ارناسى، شەكارا بويىنداعى ەسىك اشۋ ستراتەگياسى ارناسى سياقتى 5 ۇلكەن ارنانى اشىپ، ءۇرىمجى، قاشقار، قۇلجا - قورعاس سىندى 3 ۇلكەن قاتىناس تورابىن قۇرۋ العا قويىلدى.
ۇرىمجىدەن لانجوۋعا جوعارى جىلدامدىقتى پويەز قاتىنادى، كورلادان گولمىتقا دەيىنگى تەمىر جول قۇرىلىسى جاپپاي باستالدى، التاي، كوكتوعايدان شىعىس جوڭعارعا دەيىنگى تەمىر جول قۇرىلىسى جوسپار بويىنشا ىلگەرىلەتىلۋدە، ۇرىمجىدەن قورعاسقا دەيىنگى جوعارى جىلدامدىقتى تەمىر جول نىسانىنىڭ الدىڭعى مەرزىمدىك جۇمىستارى ىستەلۋدە.
شينجياڭنىڭ ازاماتتىق تاسىمال اۋەجايلارىنىڭ سانى 18گە جەتىپ، 17 مەملەكەتتىڭ 89 قالاسىمەن ارادا اۋە جولى اشىلدى. ءۇرىمجى حالىقارالىق اۋەجايى ەلىمىزدىڭ ورتا، باتىس ازياعا بەت العان حالىقارالىق اۋە تورابى ورتالىعىنا اينالدى.
رايونىمىزدا تاعى قارامايلى بۇلت ەسەپ كاسىپ باقشاسى رايونى، ءۇرىمجى بۇلت ەسەپ كاسىپ باقشاسى رايونى جانە سانجى شينجياڭ ينفورماتسيا باقشاسى ىلگەرىندى - كەيىندى قۇرىلىپ، قازاقستان، قىرعىزستان، تاجىكستان ەلدەرىمەن وپتيكالىق كابەل جۇيەسى تۇتاسىپ، شينجياڭ مەملەكەتتىڭ باتىسقا بەت العان ماڭىزدى حالىقارالىق تەلەگراف جەلىسى تورابىنا اينالدى.
بۇدان سىرت، رايونىمىز ەنەرگيا ارناسى قۇرىلىسىن كۇش سالا ىلگەرىلەتتى. 2016 - جىلى جۇڭگو - قازاقستان مۇناي قۇبىرى ارقىلى 10 ميلليون 194 مىڭ توننا مۇناي يمپورت ەتىلدى، ورتا ازيا گاز قۇبىرى ارقىلى 34 ميلليارد 80 ميلليون تەكشە مەتر تابيعي گاز يمپورت ەتىلدى، ءسويتىپ، شىعىس پەن باتىستى تۇتاستىرىپ، وڭتۇستىك پەن سولتۇستىكتى جالعاعان، يكەمدى رەتتەلەتىن مۇناي - گاز قۇبىرى نەگىزگى جەلىسى تورى نەگىزىنەن قالىپتاستى.

ەكونوميكا - ساۋدا سەلبەستىگى: ماڭىزدى قۇرامدار شوعىرلانعان تۇعىردى قۇردى

8 - مامىردا اشىلعان (جۇڭگو) ازيا - ەۆروپا تاۋار ساۋدا كورمەسىنىڭ دايىندىق قىزمەتىنە اتتانىسقا كەلتىرۋ جونىندەگى تەلەۆيزور - تەلەفون ماجىلىسىندە 2017 - جىلعى (جۇڭگو) ازيا - ەۆروپا تاۋار ساۋدا كورمەسىنىڭ 24 - تامىزدان 28 - تامىزعا دەيىن شينجياڭ حالىقارالىق ءماجىلىس - كورمە ورتالىعىندا وتكىزىلەتىندىگى ايقىندالدى.
ەگىزدەي بولعان (جۇڭگو) ازيا - ەۆروپا تاۋار ساۋدا كورمەسى مەن جۇڭگو − ازيا - ەۆروپا كورمەسى − مەملەكەت پەن اۆتونوميالى رايوندىق دەڭگەيدە ءتۇيىندى تۇردە قۇرىلعان ەكى ساۋدالىق قارىم - قاتىناس تۇعىرى. بۇدان سىرت، رايونىمىز تاعى توڭىرەكتەگى قازاقستان، رەسەي سياقتى ەلدەردە كورمەلەر ۇيىمداستىرىپ، سىرتقى ەكونوميكا - ساۋداعا قارجى سالۋ، دامىتۋ ارناسىن كەڭەيتتى.
ساۋدانىڭ قولايلىلاسۋىن جەدەل ىلگەرىلەتۋ ءۇشىن، شينجياڭ ەلەكتروندىق شەكارا وتكەلى جەلىدە رەسمي ىسكە قوسىلىپ، شەكارا اتتاعان ەلەكتروندىق ساۋدا ەكسپورت زاتتارىن كەدەننەن وتكىزۋ ءساتتى بولدى. ءۇرىمجى كەدەنىنىڭ شەكارا اتتاعان ەلەكتروندىق ساۋدا سىناق ءتۇيىنى قىزمەتى، قورعاس شەكارا اتتاعان ەلەكتروندىق ساۋدا ارقىلى تىكەلەي ساتىپ الۋ يمپورت ەتۋ ۇلگىسى ىسكە قوسىلىپ، كەدەننەن وتكىزۋدى قاعازسىزداندىرۋ رەفورماسى ونان ارى تەرەڭدەتىلدى.
رايونىمىز تاعى ەرەكشە ترانسفورماتور ەلەكتر ونەركاسىبى، شينجياڭ گۋاڭحۇي، شينجياڭ جۇڭشيڭ ەنەرگياسى سياقتى 11 كاسىپورىننىڭ ەلىمىزبەن شەكارالاس ەلدەردە ءوندىرىس قۋاتى سەلبەستىگى جاعىنداعى 14 ءتۇيىندى نىساندى سالۋىنا قولداۋ كورسەتتى؛ مەملەكەتتىڭ شەكارا سىرتىندا ءبىر ميلليارد 190 ميلليون دوللارلىق قارجى سالۋ، قارجى توپتاۋدى ەستەلىككە الۋىنا قول جەتكىزىپ، دۇنيە بانكەسى، ازيا بانكەسى سياقتىلاردان جەڭىلدىك جاسالعان 200 ميلليون دوللار قارىز اقشا الىپ، شەتەل كاسىپورىندارىنان 400 ميلليون دوللار قارجى تارتتى. گۋاڭدا بانكەسىنىڭ، يمپورت - ەكسپورت بانكەسىنىڭ، گۋاڭفا بانكەسىنىڭ، شينجياڭ بانكەسىنىڭ، شينجياڭ چيانحاي بىرلەسكەن مال - مۇلىك قامسىزداندىرۋ سەرىكتەستىگىنىڭ، پاكيستان حابي بانكەسى ءۇرىمجى بولىمشەسىنىڭ قۇرىلۋى شينجياڭنىڭ جىبەك جولى ەكونوميكالىق بەلدەۋى وزەكتى رايونى فينانس ورتالىعى قۇرىلىسىندا نىشاندىق جەتىستىكتەرگە قول جەتكىزگەندىگىن كورسەتتى.

گۋمانيتارلىق اۋىس - كۇيىس حالىق تىلەگىن توعىستىردى

ەكى ەلدىڭ قارىم - قاتىناسى ەكى ەل حالقىنىڭ بارىس - كەلىسى نەگىزىندە ورنايدى، ەكى ەلدەگى حالىقتاردىڭ تىلەكتەرى توعىسقاندا عانا، ءوزارا بارىس - كەلىس ورنايدى. ءتىل جاعىنداعى جاقىندىق، سالت - ساناداعى ۇقساستىق سياقتى فاكتورلار جۇڭگونىڭ شينجياڭىنىڭ توڭىرەكتەگى ەلدەرمەن گۋمانيتارلىق اۋىس - كۇيىس جاساۋىنا نەگىز قالادى.
توڭىرەكتەگى ەلدەرمەن مادەنيەت، عىلىم - تەحنيكا، وقۋ - اعارتۋ، ساياحات، ەمدەۋ سياقتى سالالارعا قاتىستى سەلبەستىكتى، اۋىس - كۇيىستى نىعايتۋ ءۇشىن، رايونىمىز «جۇڭگو شينجياڭ حالىقارالىق ۇلتتىق ءبي فەستيۆالى»، جۇڭگو ازيا - ەۆروپا كورمەسىنىڭ «جۇڭگو جانە شەتەل مادەنيەتىن تانىستىرۋ اپتالىعى»، «جۇڭگو شينجياڭ حالىقارالىق كوركەمونەر قوس جىلدىق كورمەسى»، «جۇڭگو شينجياڭ مادەنيەت تانىستىرۋ اپتالىعى» سياقتى مادەنيەتتىك اۋىس - كۇيىس سەلبەستىك تۇعىرىن ورناتىپ، دۇنيە جۇزىنە شينجياڭنىڭ ءار ۇلت حالقى بەرەكەلى، كوركەمونەرى دامىعان، مادەنيەت جاقتا باۋىرمال، اشىق رايون بولۋداي تىڭ وبرازىن ايگىلەدى.
رايونىمىز مادەنيەتتىك اۋىس - كۇيىس سەلبەستىگىن بەلسەندى جەبەۋ ءۇشىن، 4 كەزەك جىبەك جولى مادەنيەت جاسامپازدىعى كورمەسىن وتكىزدى، ول جۇڭگو مەن شەتەلدەگى مادەنيەت كاسىبىمەن شۇعىلداناتىن كاسىپورىنداردىڭ ايىرباس جاساۋىن، سەلبەستىك ورناتۋىن جەبەيتىن ماڭىزدى تۇعىرعا اينالدى؛ سونىمەن بىرگە، دۇنيە جۇزىندەگى ەلدەرمەن، وتە - موتە، ەلىمىزدىڭ توڭىرەگىندەگى مەملەكەتتەرمەن مادەني مۇرالاردى قورعاۋ جاعىنداعى اۋىس - كۇيىستى جانە سەلبەستىكتى كۇشەيتۋ ءۇشىن جۇڭگو، قازاقستان، قىرعىزستان 3 ەل بىرلەسىپ «جىبەك جولى: چاڭ - اننان تيانشان دالىزىنە دەيىنگى جول تورابىن» دۇنيە جۇزىلىك مادەني مۇرا قاتارىنا تىركەۋگە ءوتىنىش ەتىپ تابىسقا جەتتى.
رايونىمىز 3 - كەزەكتى ازيا - ەۆروپا كينو فەستيۆالى، مەملەكەتتىك 13 - كەزەكتى قىسقى سپورت جارىسى سياقتى ءىرى كولەمدى قيمىلداردى تابىستى وتكىزدى، عىلىم - تەحنيكا مينيسترلىگىمەن، جۇڭگو عىلىمدار اكادەمياسىمەن جانە شىنجىن قالاسىمەن سەلبەسىپ، جىبەك جولى ەكونوميكالىق بەلدەۋى بويىنشا جاڭالىق اشۋ ارقىلى دامۋدى جەبەۋ سىناق رايونى قۇرىلىسىن باستادى؛ مەملەكەتتىڭ شينجياڭ كوركەمونەر ينستيتۋتى جىبەك جولى كوركەمونەر اۋىس - كۇيىس جاساۋ ورتالىعى، جۇڭگو شينجياڭ حالىقارالىق جاستار اۋىس - كۇيىس جاساۋ ينستيتۋتى سياقتى نىسان قۇرىلىستارىنا قولداۋ كورسەتۋىنە يە بولدى؛ جۇڭگو - ورتا ازيا ەلدەرى ۋنيۆەرسيتەتتەرى باستىقتارىنىڭ تالقى مىنبەرى سياقتى اۋىس - كۇيىس قيمىلىن وتكىزدى؛ شينجياڭ حالىق راديو ستانسياسىنىڭ نومىرلەرىن موڭعۇليادا تاراتۋ جۇمىسىن باستادى، «2017 - جىلعى جۇڭگو - رەسەي حۇجاتتى فيلم كورمەسىنىڭ» العاشقى مەرزىمدىك قىزمەتتەرىن بەلسەندى ىلگەرىلەتتى، شەتەلدىك وقۋشىلاردىڭ «جۇڭگونىڭ شينجياڭىنان ءبىلىم الۋ» جوسپارىنىڭ اتقارىلۋىن جەبەدى.

ءان الەمى

جول توسىلىپ قالدى

تۇلپارىم