باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنام مەملەكەتىنىڭ ءتوراعاسى چىن داگۋاڭمەن كەڭەس وتكىزدى

    كەلۋ قاينارى: شينجياڭ گازەتى    2017-05-12 19:25:22  

ەكى ەل باسشىلارى جۇڭگو مەن ۆيەتنامنىڭ جاپپاي، ستراتەگيالىق سەلبەستىك، سەرىكتەستىك قاتىناسىنىڭ تىڭ دەڭگەيگە كوتەرىلۋىن ىلگەرىلەتۋگە ءبىر اۋىزدان قوسىلدى

شينحۋا اگەنتتىگىنىڭ 11 - مامىردا بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - مامىر كۇنى حالىق سارايىندا ۆيەتنام مەملەكەتىنىڭ ءتوراعاسى چىن داگۋاڭمەن كەڭەس وتكىزدى. ەكى ەل باسشىلارى ەكى جاقتى قاتىناستىڭ بەلسەندى دامۋ جاعدايىن ساقتاپ، ءار سالاداعى سەلبەستىكتى ىلگەرىلەتىپ، جۇڭگو مەن ۆيەتنامنىڭ جاپپاي، ستراتەگيالىق سەلبەستىك، سەرىكتەستىك قاتىناسىن تىڭ دەڭگەيگە كوتەرىپ، ەكى ەلگە جانە ەكى ەل حالقىنا ءتىپتى كوپ ناقتى يگىلىك جەتكىزۋگە ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: جۇڭگو مەن ۆيەتنام ىرگەلەس كورشى ەلدەر، سونداي - اق تىلەكتەس سەرىكتەر. جۇڭگو ۆيەتنامنىڭ ءوز ەلىنىڭ جاعدايىنا ۇيلەسەتىن سوتسياليزم جولىمەن ءجۇرۋىن باتىل قولدايدى، كورشىمەن تاتۋ وتىرۋ، كورشىمەن سەرىك بولۋ باعىتىنا، جان اشىر بولۋ، ادال بولۋ، تيىمدىلىك جەتكىزۋ، كەڭ بولۋ ۇستانىمىنا تاباندى بولىپ، جۇڭگو - ۆيەتنام قاتىناسىنىڭ باياندى، اقاۋسىز، ورنىقتى تۇردە العا قاراي دامۋىن ىلگەرىلەتەدى.
شي جينپيڭ مىنالاردى باسا دارىپتەدى: جۇڭگو مەن ۆيەتنام جوعارى جىكتەگىلەردىڭ بارىس - كەلىسىن ساقتاپ، ەكى جاقتى قاتىناس جانە ورتاق كوڭىل ءبولىپ وتىرعان ماسەلەلەر جونىندە دەر كەزىندە پىكىر اۋىستىرىپ، ەكى جاقتى قاتىناستىڭ دامۋى ءۇشىن باعداردى مىقتاپ يگەرۋ كەرەك. جۇڭگو مەن ۆيەتنامنىڭ ەكى جاقتى قاتىناسىنا جەتەكشىلىك ەتۋ كوميتەتى سياقتى مەحانيزمدەردەن ويداعىداي پايدالانىپ، تاراپتاردىڭ دامۋ ستراتەگيالىق توعىسۋىن مىقتاپ يگەرىپ، شەكارا اتتاعان ەكونوميكالىق سەلبەستىك رايونى قۇرىلىسىن ىلگەرىلەتىپ، ءوندىرىس قۋاتى، نەگىزدىك قۇرىلعى قۇرىلىسى، قارجى قوسۋ، ساۋدا سياقتى سالالارداعى سەلبەستىكتى تەرەڭدەتىپ، ءار جاقتىڭ ەكونوميكالىق، قوعامدىق دامۋىنا ويداعىداي قىزمەت ەتۋى كەرەك. گۋمانيتارلىق اۋىس - كۇيىس اياسىن كەڭەيتىپ، وقۋ - اعارتۋ، مەديتسينا، جاستار جانە مادەنيەت كاسىبى سەلبەستىگىن بەلسەنە ورىستەتىپ، ەكى ەل حالقىنىڭ ءبىر - ءبىرىن ءتۇسىنۋىن جانە دوستىق سۇيىسپەنشىلىگىن نىعايتىپ، جۇڭگو - ۆيەتنام دوستىعى ءۇشىن حالىق رايى نەگىزىن بەكەمدەۋ كەرەك. تەڭىز سەلبەستىگىن ىلگەرىلەتىپ، ورتاق تانىمداردى بىرتىندەپ جيناقتاپ، ورتاق مۇددەنى كەڭەيتۋ، سونىمەن بىرگە، ەكى جاقتى كەڭەسۋ ارقىلى الاۋىزدىقتاردى ويداعىداي تەجەۋ كەرەك. ب م ۇ، ازيا - تىنىق مۇحيت ەكونوميكالىق سەلبەستىك ۇيىمى، جۇڭگو - شىعىس وڭتۇستىك ازيا ەلدەرى وداعى، لانساڭ دارياسى - مەيگۇڭ وزەنى سەلبەستىگى سياقتى كوپ جاقتى جۇلگەدەگى سايكەستىكتى جانە سەلبەستىكتى كۇشەيتۋ كەرەك.
شي جينپيڭ مىنالاردى اتاپ كورسەتتى: كەزەكتەگى جاعدايدا، الداعى جەردە وتكىزىلەتىن «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرى تاراپتاردىڭ ورتاق تانىمىن ۇيىستىرۋعا، حالىقارالىق سەلبەستىكتى تەرەڭدەتۋگە، ەكونوميكانىڭ جاھاندانۋ اياق الىسىنىڭ ءتىپتى دە اشىق، باۋىرمال، جاپپاي تيىمدىلىك جەتكىزەتىن، تەڭ، ورتاق يگىلىككە كەنەلەتىن باعىتقا قاراي دامۋىن ىلگەرىلەتۋگە پايدالى. ۆيەتنام «ءبىر بەلدەۋ، ءبىر جول» بويىنداعى ماڭىزدى ەل. جۇڭگو مەن ۆيەتنامنىڭ وسى رەتكى جوعارى دارەجەلى باسشىلار تالقى مىنبەرى ورايىندا دامۋداعى ستراتەگيالىق توعىسۋدى كۇشەيتىپ، ءارقايسى سالاداعى ناقتى ىستەر سەلبەستىگىن ىلگەرىلەتىپ، ورتاق دامۋدى، بىرگە گۇلدەنىپ - كوركەيۋدى جۇزەگە اسىرۋىن ءۇمىت ەتەمىن.
چىن داگۋاڭ بىلاي دەدى: ۆيەتنام مەن جۇڭگونىڭ ءداستۇرلى دوستىعىن بەكەمدەۋ ءارى ۆيەتنام - جۇڭگو قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋ − ەكى ەل حالقىنىڭ ءتۇبىرلى مۇددەسىنە ۇيلەسەدى، سونداي - اق وسى ءوڭىردىڭ بەيبىتشىلىگىنە، ورنىقتىلىعىنا پايدالى، ول ۆيەتنام مەن جۇڭگو ديپلوماتياسىنىڭ باتىل تالعامى جانە الدىمەن ەسكەرەتىن باعىتى. ۆيەتنام پارتياسى، ۇكىمەتى، حالقى جۇڭگو پارتياسىنىڭ، ۇكىمەتىنىڭ، حالقىنىڭ ۆيەتنامنىڭ ۇلت ازاتتىعى مەن سوتسياليستىك قۇرىلىس ىستەرىنە كورسەتكەن زور قولداۋىن قاي - قاشان دا ەستەرىنەن شىعارمايدى، جۇڭگومەن بىرگە «ۇزاق ۋاقىت ورنىقتىلىقتى ساقتاۋ، بولاشاققا بەت الۋ، تاتۋ - ءتاتتى دوس بولۋ، جاپپاي سەلبەستىك ورناتۋ باعىتى» جانە «ماڭگى تاتۋ كورشى، ابزال دوس، جاقسى جولداس، تاماشا سەرىك بولۋ رۋحى» بويىنشا، ۆيەتنام مەن جۇڭگونىڭ جاپپاي ستراتەگيالىق سەلبەستىك سەرىكتەستىك قاتىناسىن كۇشەيتۋدى ءارى تەرەڭدەتۋدى قالايدى. ەكى جاق جوعارى جىكتەگىلەردىڭ ءوزارا ساپاردا بولۋىن ساقتاپ، ەكى پارتيانىڭ، ەكى ەلدىڭ اۋىس - كۇيىس سەلبەستىك مەحانيزمىنىڭ يقۋاتىن ساۋلەلەندىرۋى؛ ەكونوميكا - ساۋدا، اۋىل شارۋاشىلىعى، قورشاعان ورتا، نەگىزدىك قۇرىلعى، ساياحات، گۋمانيتارلىق، حاۋىپسىزدىك سياقتى سالالارداعى جانە «ءبىر بەلدەۋ، ءبىر جول» قۇرىلىسىنداعى ناقتى ىستەر سەلبەستىگىن كەڭەيتىپ، جاڭالاۋ، دامۋ، كەدەيلىكتەن قۇتىلدىرۋ ىستەرىندە ءبىر - بىرىنەن ۇلگى الۋى؛ الاۋىزدىقتى ۇتىمدى ءبىر جاقتى ەتىپ، تەڭىز سەلبەستىگىن ۇزدىكسىز ىلگەرىلەتۋى كەرەك. ۆيەتنام جۇڭگونىڭ ەكونوميكالىق، قوعامدىق دامۋداعى زور ناتيجەسىن جوعارى باعالايدى، جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ تابىسپەن اشىلۋىنا تىلەكتەستىك بىلدىرەدى، جۇڭگونىڭ حالىقارالىق جانە وڭىرلىك ىستەردە اناعۇرلىم ماڭىزدى رول ساۋلەلەندىرۋىن قولدايدى.
كەڭەستەن كەيىن، ەكى ەل باسشىلارى ەكى ەلدىڭ ديپلوماتيا، ەكونوميكا - تەحنيكا، ەلەكتروندىق ساۋدا، نەگىزدىك قۇرىلعى قۇرىلىسى، وقۋ - اعارتۋ سياقتى سالالارداعى ەكى جاقتى سەلبەستىك حۇجاتىنا قول قويۋعا كۋا بولدى.
قول قويۋ سالتىنان كەيىن، ەكى ەل باسشىلارىنىڭ حانىمدارى «جۇڭگو فوتوشىلارىنىڭ نازارىنداعى ۆيەتنام» اتىنداعى سۋرەت كورمەسىن بىرگە تاماشالادى.
كەڭەستىڭ الدىندا، شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا چىن داگۋاڭدى قارسى الۋ سالتىن وتكىزدى. ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ساياسات زەرتتەۋ كەڭسەسىنىڭ مەڭگەرۋشىسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق شۋجيچۋدىڭ شۋجيى، ورتالىق كوميتەت كەڭسەسىنىڭ مەڭگەرۋشىسى لي جانشۋ، ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى گو جينلۇڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شىن يۋەيۋە، مەملەكەتتىك كەڭەستىڭ مۇشەسى ياڭ جيەچى، مەملەكەتتىك ساياسي كەڭەستىڭ ورىنباسار ءتوراعاسى ۋاڭ جيارۇي قارسى الۋ سالتىنا قاتىناستى.

ءان الەمى

جول توسىلىپ قالدى

تۇلپارىم