باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ مالايزيانىڭ زۇڭليى ناجيپپەن كەزدەستى

    كەلۋ قاينارى: شينجياڭ گازەتى    2017-05-15 19:35:01  
 شينحۋا اگەنتتىگىنىڭ 13 - مامىردا بەيجيڭنەن بەرگەن حابارى. مەملەكەت ءتوراعاسى شي جينپيڭ 13 - مامىردا حالىق سارايىندا «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناسۋ ءۇشىن جۇڭگوعا كەلگەن مالايزيانىڭ زۇڭليى ناجيپپەن كەزدەستى.
  شي جينپيڭ بىلاي دەپ اتاپ كورسەتتى: جۇڭگو مەن مالايزيا تەڭىز ارقىلى تۇتاسىپ جاتقان جاقىن كورشى، ونان دا ماڭىزدىسى، ءوزارا سەنىم ارتاتىن، ءوزارا قۇرمەت ەتەتىن، سەلبەسە وتىرىپ تەڭ يگىلىككە كەنەلەتىن جاقسى دوس، ابزال سەرىك. قازىر جۇڭگو مەن مالايزيانىڭ قارىم - قاتىناسى تاريحتاعى ەڭ جاقسى مەزگىلدە تۇر. جۇڭگو ەكى ەلدىڭ قارىم - قاتىناسىن دامىتۋ جوباسىن مالايزيامەن بىرگە ويداعىداي جاساپ، جۇڭگو مەن مالايزيانىڭ جان - جاقتى ستراتەگيالىق سەرىكتەستىك قارىم - قاتىناسىندا اناعۇرلىم مول تابىسقا قول جەتكىزۋىن العا ىلگەرىلەتۋدى قالايدى.
  شي جينپيڭ بىلاي دەپ باسا دارىپتەدى: جۋىق جىلداردان بەرى، ەكى ەل باسشىلارى تىعىز اۋىس - كۇيىس جاساسىپ، ەكى ەل قارىم - قاتىناسىنىڭ دامۋىنداعى ستراتەگيالىق باعىتتى بۇلجىتپاي مىقتى يگەردى. ەكى ەل 21 - عاسىر تەڭىز جىبەك جولى مەن مالايزيانىڭ ەكونوميكالىق دامۋ فورماسىندا بۇرىلىس جاساۋ جوسپارىن بەلسەنە ۇلاستىردى. تاراپتار «ەكى ەلدەگى قوس باقشانى» بىرگە قۇرۋ مەن ىقپالداسا دامۋدى ۇزدىكسىز كۇشەيتىپ، ونەركاسىپ باقشاسى، تەمىر جول سياقتى ءىرى نىساندارعا قاتىستى سەلبەستىكتى ورنىقتى قاداممەن العا ىلگەرىلەتۋى كەرەك. جۇڭگو مالايزيامەن اراداعى وقۋ - اعارتۋ، مادەنيەت، قىزمەتكەرلەر بارىس - كەلىسى جانە ساياحات سياقتى سالالارداعى سەلبەستىكتى كۇشەيتىپ، زاڭ اتقارۋ، حاۋىپسىزدىك، لاڭكەستىككە قارسى تۇرۋ سياقتى سەلبەستىكتەردى ۇزدىكسىز تەرەڭدەتۋدى قالايدى. مالايزيا بايىرعى، تەڭىز جىبەك جولىنداعى ماڭىزدى مەملەكەت، سونداي - اق «ءبىر بەلدەۋ، ءبىر جول» دارىپتەمەسىنە ەڭ ەرتە ءۇن قوسقان ەل، ونان دا ماڭىزدىسى، «ءبىر بەلدەۋ، ءبىر جولدى» بىرگە قۇرۋدان العاشقى ادىمدا ەڭ مول يگىلىككە كەنەلگەن ەلدەردىڭ ءبىرى. جۇڭگو جۇڭگو مەن مالايزيانىڭ «ءبىر بەلدەۋ، ءبىر جول» قۇرىلىسىن العا ىلگەرىلەتىپ، اناعۇرلىم كوپ ناقتى ونىمدىلىكتەرگە قول جەتكىزۋىن قالايدى.
  ناجيپ بىلاي دەدى: مەن ءتوراعا شي جينپيڭ اتاپ كورسەتكەن تۇيىندەردى تولىق قۇپتايمىن، مالايزيا مەن جۇڭگو تاتۋ كورشى، ابزال دوس. مالايزيا ەكى ەلدىڭ ماڭىزدى سەلبەستىك ورتاق تانىمدارىنىڭ تياناقتاندىرىلىپ جاتقانىنا قۋانادى، مالايزيا مەن جۇڭگونىڭ قارىم - قاتىناسىنىڭ اناعۇرلىم جوعارى دەڭگەيدە، اناعۇرلىم ىشكەرىلەي، اناعۇرلىم كەڭ كولەمدى دامۋىن ۇزدىكسىز كۇش سالا العا ىلگەرىلەتۋدى، ساۋداعا قارجى قوسۋ، نەگىزدىك قۇرىلعى قۇرىلىسى، گۋمانيتارلىق، لاڭكەستىككە قارسى تۇرۋ، حاۋىپسىزدىك سياقتى سالالارداعى سەلبەستىكتى كۇشەيتۋدى قالايدى. «ءبىر بەلدەۋ، ءبىر جول» سىندى تاريحي سيپاتتى ماڭىزدى دارىپتەمە وسى وڭىرگە، اۋەلى، دۇنيە جۇزىنە وراسان زور وزگەرىستەر الا كەلەدى. مالايزيا قاتىستى سەلبەستىككە قاتىناسۋدى قالايدى.
  ۋاڭ حۋنيڭ، لي جانشۋ، ياڭ جيەچى قاتارلىلار كەزدەسۋدە بىرگە بولدى.
ءان الەمى

جول توسىلىپ قالدى

تۇلپارىم