باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ يسپانيانىڭ باس ءۋازىرى راجويمەن كەزدەستى

    كەلۋ قاينارى: شينجياڭ گازەتى    2017-05-15 19:36:34  

 شينحۋا اگەنتتىگىنىڭ 13 - مامىردا بەيجيڭنەن بەرگەن حابارى. مەملەكەت ءتوراعاسى شي جينپيڭ 13 - مامىردا حالىق سارايىندا «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناسۋ ءۇشىن جۇڭگوعا كەلگەن يسپانيانىڭ باس ءۋازىرى راجويمەن كەزدەستى.
  شي جينپيڭ بىلاي دەپ اتاپ كورسەتتى: جۇڭگو مەن يسپانيانىڭ دوستىق قارىم - قاتىناس تاريحىنىڭ تامىرى تەرەڭدە جاتىر. بۇدان شامامەن 400 جىل بۇرىن، ەكى ەل تەڭىز جىبەك جولى ارقىلى جۇڭگو، ەۆروپا، لاتىن امەريكاسى اراسىندا تىعىز ساۋدا بارىس - كەلىسىن ورناتقان. جۋىق جىلداردان بەرى، جۇڭگو مەن يسپانيانىڭ ناقتى سەلبەستىگى تىنباي تەرەڭدەدى جانە كەڭەيدى، ەكى ەلدىڭ ءوزارا پايدا جەتكىزۋ سيپاتتى دوستىق سەلبەستىگى اناعۇرلىم كەڭ دامۋ بولاشاعىنا يە. ءبىز ەكى ەلدىڭ ۇكىمەتتەرى اراسىنداعى، زاڭ شىعارۋ قۇرىلىمدارى اراسىنداعى، ساياسي پارتيالارى اراسىنداعى بارىس - كەلىستى يسپانيامەن بىرگە كۇشەيتىپ، ءوزارا تۇسىنىستىكتى ارتتىرىپ، ورتاق تانىمدى كەڭەيتىپ، ءبىر - ءبىرىنىڭ وزەكتى مۇددەسىنە ساياتىن جانە باسا نازار اۋدارىپ وتىرعان ماسەلەلەردە ءبىرىن - ءبىرى ءتۇسىنىپ جانە ءبىرىن - ءبىرى قولداپ، حالىقارالىق جانە وڭىرلىك تولعاقتى ماسەلەلەر جونىنەن كەڭەس وتكىزىپ، سەلبەستىك جاساسۋدى قالايمىز. ەكى ەل دامۋ ستراتەگياسىن ۇلاستىرۋدى كۇشەيتۋى، اۋىل شارۋاشىلىعى، بيولوگيالىق شيپاگەرلىك، دارىگەرلىك، اۆياتسيا، عارىش سياقتى سالالارداعى سەلبەستىك كومەسكى كۇشىن تولىق ساۋلەلەندىرۋى كەرەك. مادەنيەت اۋىس - كۇيىسىن، ءبىر - بىرىنەن ۇلگى الۋدى كۇشەيتىپ، اناعۇرلىم كوپ دوستىقتىڭ جاس ەلشىلەرىن تاربيەلەپ، جەرگىلىكتى ورىندار ارا جانە حالىقتىق بارىس - كەلىستى جەبەۋ كەرەك. جۇڭگو ەۆروپانىڭ ءبىر تۇلعالانۋ اياق الىسىن باتىل قولدايدى، يسپانيانىڭ ەۆروپا وداعىندا بەلسەندى رول اتقارىپ، جۇڭگو مەن ەۆروپا وداعىنىڭ قارىم - قاتىناسىنىڭ ۇزاق ۋاقىت، اقاۋسىز، ورنىقتى دامۋى ءۇشىن بەلسەندى ۇلەستەر قوسۋىن ءۇمىت ەتەدى.

  شي جينپيڭ بىلاي دەپ باسا دارىپتەدى: يسپانيا جاعراپيالىق ورىن جاعىندا توتەنشە باسىمدىققا يە، «ءبىر بەلدەۋ، ءبىر جول» قۇرىلىسىن ورىستەتۋدە ماڭىزدى رول اتقارا الادى. ي - ۋ - مادريد جۇڭگو - ەۆروپا كەزەكشى پويەزى قاتىناپ، ازيا - ەۆروپا ۇلى قۇرلىعىنىڭ ءوزارا بارىس - كەلىسىنىڭ، ءوزارا بايلانىسىنىڭ ماڭىزدى كوپىرىنە جانە «ءبىر بەلدەۋ، ءبىر جول» قۇرىلىسىنىڭ العاشقى ادىمداعى تابىسىنا اينالدى. ەكى ەل ءوز باسىمدىقتارىن ساۋلەلەندىرىپ، ءتۇرلى سالالاردا ناقتى سەلبەستىك ورىستەتىپ، ءوزارا پايدا جەتكىزىپ، تەڭ يگىلىككە كەنەلۋى كەرەك.
  راجوي بىلاي دەدى: يسپانيا مەن جۇڭگونىڭ قارىم - قاتىناسىنىڭ دامۋ بەتالىسى وتە جاقسى. ەكى ەلدىڭ جوعارى جىكتەگىلەرى ءجيى قارىم - قاتىناس جاساپ، ەكونوميكا - ساۋدا سەلبەستىگىندە مول تابىسقا قول جەتكىزدى. يسپانيا «ءبىر بەلدەۋ، ءبىر جول» دارىپتەمەسىن ايرىقشا باعالايدى، ونىڭ جىبەك جولى بويىنداعى وڭىرلىك ەكونوميكالىق، مادەنيەت بارىس - كەلىسىنە ماڭىزدى ىقپال جاسايتىنىنا، سونداي - اق يسپانيا مەن جۇڭگونىڭ سەلبەستىگىنە اناعۇرلىم كەڭ ءورىس ازىرلەپ بەرەتىنىنە سەنەدى. يسپانيا جۇڭگومەن اراداعى ساۋداعا قارجى قوسۋ، نەگىزدىك قۇرىلعى، گۋمانيتارلىق سياقتى سالالارداعى اۋىس - كۇيىستى، سەلبەستىكتى كۇشەيتىپ، ەۆروپا وداعى مەن جۇڭگونىڭ قارىم - قاتىناسىن بەلسەنە العا ىلگەرىلەتۋدى، ىشكەرىلەتۋدى قالايدى.

  ۋاڭ حۋنيڭ، لي جانشۋ، ياڭ جيەچى قاتارلىلار كەزدەسۋدە بىرگە بولدى.

ءان الەمى

جول توسىلىپ قالدى

تۇلپارىم