باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جالپىلىق مەنشىككە جاتپايتىن سالاداعى ۇيعۇر ۇلتىنىڭ ەكونوميكا قايراتكەرلەرى شينجياڭنىڭ قوعام ورنىقتىلىعىن قورعاۋ تاريحي جاۋاپكەرشىلىگىن باتىل ارقالاۋى كەرەك

    كەلۋ قاينارى: شينجياڭ گازەتى    2017-05-15 20:06:15  

اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەسى، ساياسي كەڭەستىڭ ورىنباسار ءتوراعاسى،
اۆتونوميالى رايوندىق ونەركاسىپ-ساۋدا بىرلەستىگىنىڭ (باس ساۋدا قوعامى) ءتوراعاسى ءجۇرات يمىن

تاياۋ جىلداردان بەرى، «ءۇش ءتۇرلى كۇش» ءدىندى بۇركەنىش ەتىپ، زورلىقتى كۇش، لاڭكەستىك دەلولارىن تولاسسىز تۋدىردى، بەيكۇنا بۇقارانىڭ باس اماندىعى مەن مال - مۇلكى زيانعا ۇشىرادى، تىنىش، ىنتىماقتى قوعامدىق جاعداي اۋىر دارەجەدە ءبۇلىندى، شينجياڭنىڭ وبرازى، ۇيعۇر ۇلتىنىڭ وبرازى اۋىر زيانعا ۇشىراپ، جاراسىمدى، تىنىش، باقىتتى كۇندەرىمىزگە قارا تۇنەكتەي كولەڭكە ءتۇستى، ۇيعۇر ۇلتىنا وسى سەبەپتى «زورلىقتى كۇش، مەشەۋ، نادان، توپاس» سياقتى بەلگىلەر جاپسىرىلدى. «ءۇش ءتۇرلى كۇش» ءدىني ۇشقارى يدەيانى تاراتىپ، «جيھاتتا شەيىت بولعاندار ۇجىماققا كىرەدى» دەگەندى دارىپتەپ، زورلىقتى كۇش، لاڭكەستىك دەلولارىن تۋدىرىپ، ۇلتتاردىڭ ىنتىماعىن جانە ورنىقتى، جاراسىمدى قوعامدىق جاعدايدى ءبۇلدىردى، ولاردىڭ جەتپەكشى ماقساتى شينجياڭدى وتان قۇشاعىنان ءبولىپ اكەتۋ، بارلىق ۇيعۇر ۇلتىن جاۋىزدىقتىڭ شۇڭەتىنە يتەرمەلەۋ. بۇعان قاراتا، ءبىز ەندىگارى ءۇنسىز وتىرا المايمىز: ءدىني ۇشقارى يدەيا ءىشىنارا ۇيعۇرلاردىڭ كوزىن كولەگەيلەدى، زورلىقتى كۇش لاڭكەستەرى ءبىزدىڭ بەتىمىزگە كۇيە جاعىپ، «ءۇش ءتۇرلى كۇش» ءبىزدىڭ ۇلتتى بارىمتالاماق بولدى، ولار ءار ۇلت حالقىنىڭ ورتاق جاۋى بولىپ قالماستان، ۇيعۇر ۇلتىنىڭ وتاسا المايتىن جاۋى، ۇيعۇر ۇلتىنىڭ دەنەسىنە پارازيت بولىپ جابىسقان قاتەرلى «ۋلى وسپە».
  قاندى ساباقتار «ءۇش ءتۇرلى كۇش» ءبىر كۇن ءومىر سۇرسە، اپات بىزدەن ءبىر كۇن دە ايرىلمايتىندىعىن تالاي رەت دالەلدەدى. ءبىز ەندىگارى ءۇنسىز وتىرماۋىمىز، بارىنشا سۇرەن سالىپ، باتىل ءۇن قاتىپ، ايقىن پوزيتسيا ءبىلدىرۋىمىز كەرەك؛ ءبىز زورلىقتى كۇش لاڭكەستەرىنە استە جان اشىرلىق ىستەمەۋىمىز، ولاردى استە قورعاشتاماۋىمىز، استە كەڭشىلدىك ىستەمەۋىمىز كەرەك؛ استە قانىپەزەرلەرگە جاقتاس بولاتىن، اق ءسۇتىن بەرگەن انانى ياناتتايتىن، ءمورالدان جۇرداي قوقسىق بولماۋىمىز كەرەك. جالپىلىق مەنشىككە جاتپايتىن سالاداعى ۇيعۇر ۇلتىنان شىققان ءاربىر ەكونوميكا قايراتكەرىمىز ءوزىنىڭ ار - ۇجدانىن، تۋما پاراساتىن جانە جاۋاپكەرشىلىگىن ساۋلەلەندىرىپ، قۋاتتى ءۇنى جانە ارەكەتى ارقىلى «ءۇش ءتۇرلى كۇشكە» تويتارىس جاساپ، قوعام ورنىقتىلىعىن ءبۇلدىرىپ، زورلىقتى كۇش، لاڭكەستىك ارەكەتتەرمەن اينالىسىپ، حالىقتىڭ باس اماندىعى مەن مال - مۇلىك حاۋىپسىزدىگىنە زيان جەتكىزۋگە، ۇلتتىق قاتىناسقا ىرتكى سالۋعا، ۇلتتار ىنتىماعىن بۇلدىرۋگە، پارتيا مەن مەملەكەتتىڭ وزەكتى مۇددەسىن زيانداۋعا ۇرىنعان ءارقانداي ۇلت ازعىندارىمەن باتىل تۇردە تىنباي كۇرەس جاساپ، ارامىزعا جاسىرىنعان قوعام ورنىقتىلىعى مەن باياندى تىنىشتىقتى بۇلدىرەتىن اپات قاينارىن ءىس جۇزىندىك ارەكەتىمىزبەن باتىل الاستاپ، ولاردىڭ بۇركەمەلەنگەن بەت پەردەسىن ايپاراداي اشىپ، ولاردىڭ زورلىقتى كۇش لاڭكەستەرىنە قولداۋ كورسەتۋ قيالىن بەرىك بەكىمىمىزبەن تاس - تالقان ەتىپ، وسى «ۋلى وسپەنى» تۇبەگەيلى الاستاپ، تىپ - تيپىل جويىپ، ازعىندارعا جاسىرىنار جەر قالدىرماۋىمىز كەرەك.
  اۆتونوميالى رايوندىق ونەركاسىپ - ساۋدا بىرلەستىگىنىڭ ءتوراعاسى بولعان مەن ۇيعۇر ۇلتىنىڭ جالپىلىق مەنشىككە جاتپايتىن ەكونوميكا قايراتكەرلەرىنە مىنانى ۇندەيمىن: وي - ساناسى سەرگەك اڭعارىمدى ادام بولۋىمىز كەرەك، ءارقاشان قىراعى بولىپ، ءدىن جانە ۇلت تونىن جامىلعان نيەتى جامان ادامداردىڭ جيىركەنىشتى كەيىپ - كەسپىرىن ايقىن تانىپ، ولاردىڭ سوزىنە استە سەنبەۋىمىز، ولاردىڭ شىرعاسىنا تۇسپەۋىمىز، ولارعا الدانىپ قالماۋىمىز كەرەك؛ ولاردىڭ ءبىزدىڭ اسىمىزعا توپىراق سالىپ، قالىپتى ساۋدا مەن باقىتتى تۇرمىستى بۇلدىرگەن باس قىلمىستى، ءبىزدىڭ جاۋىمىز ەكەندىگىنە كوز جەتكىزىپ، ولارمەن باتىل كۇرەس جاساۋىمىز كەرەك؛ جۇڭگو كوممۋنيستىك پارتياسىنىڭ باسشىلىعىنا باتىل، مىزعىماي تاباندى بولىپ، ءارقانداي ۋاقىتتا، ءارقانداي جاعدايدا پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، وتاننىڭ تۇتاستىعىن، قوعام ورنىقتىلىعىن جانە ۇلتتار ىنتىماعىن قورعاۋداي ۇلكەن دۇرىس، ۇلكەن بۇرىس ماسەلەسىندە مايداننان جازباي، تۋدى ايقىنداپ، ءارقانداي ادامنىڭ مەملەكەت پەن حالىقتىڭ ەڭ جوعارى مۇددەسىنىڭ ساقتىق شەگىنە سوقتىعۋىنا استە جول بەرمەي، پارتيا مەن حالىق سەنەتىن، سۇيەنەتىن كۇشكە شىنايى اينالۋىمىز كەرەك؛ ۇلتتار ىنتىماعىنىڭ جول باستاۋشىسى بولىپ، ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت، «ۇلتتار ىنتىماعى − شينجياڭداعى ءار ۇلت حالقىنىڭ جان تامىرى» دەگەندى جەتە تانىپ، ءوزىنىڭ ءاربىر ءسوز - ارەكەتىنەن، ساۋداداعى ءاربىر قادامىنان، ءار ۇلت بۇقاراسىمەن ارالاسۋداعى تيتتەي ىستەردەن باستاپ ىسكە كىرىسىپ، ءبىر - بىرىنە سەنىپ، ءبىرىن - ءبىرى قۇرمەتتەپ، ءبىر - بىرىنەن ۇيرەنىپ، ءبىر - بىرىنە كومەكتەسىپ، ۇلتتار ىنتىماعىنا ءتيىمسىز سوزدەردى سويلەمەي، ۇلتتار ىنتىماعىنا ءتيىمسىز ىستەردى ىستەمەي، وبۇلقاسىم ءماتتۇرسىن سياقتى ۇلتتار ىنتىماعى، العاباسارلىعىنىڭ ۇلگىسى بولۋعا ۇمتىلىس جاساۋىمىز كەرەك؛ نازاردى باس نىساناعا اۋدارىپ، باس نىساناعا بويسۇنىپ، باس نىسانانى تياناقتاندىرىپ، اۆتونوميالى رايوننىڭ «ۇلتتار ىنتىماعىنىڭ بەرەكەلى شاڭىراعى»، «مىڭ كاسىپورىن مىڭ قىستاققا كومەكتەسۋ» بويىنشا كەدەيلەردى دالمە - ءدال سۇيەمەلدەۋ، داڭقتى كاسىپ سياقتى قيمىلدارعا بەلسەنە قاتىناسىپ، شىن تىلەك، شىن كوڭىل، ار - ۇجدان، جاۋاپكەرشىلىك ارقىلى قوعامعا جاۋاپ قايتارىپ، «2 اقاۋسىز» دامۋدى قۇلشىنا جۇزەگە اسىرىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ جاۋاپكەرشىلىگىن ءىس جۇزىندىك ارەكەتتەرىمەن ۇستىنە الىپ، پارتيا مەن حالىققا قارىمجى قايتارىپ، جۇڭگوشا سوتسياليزم ىستەرىنىڭ تولىمدى قۇرۋشىسى بولۋىمىز كەرەك؛ قوعامنىڭ جاراسىمدىلىعىن، ورنىقتىلىعىن قورعاۋعا جاۋاپتى بولىپ، شينجياڭنىڭ ورنىقتىلىق قىزمەتىنىڭ ايرىقشا ماڭىزدىلىعىن جەتە تانىپ، پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، شاپاعاتتى بىلەتىن، قارىمجى قايتاراتىن مەيىرىمدى، بورىشتى ادام بولىپ، شارۋاشىلىعىن شالقىتىپ، اۋقاتتانۋمەن بىرگە، پارتيانىڭ ابزال ساياساتىنىڭ، بۇكىل ەلدەگى ءار ۇلتتىڭ قولداۋىنىڭ، كومەكتەسۋىنىڭ ارقاسىندا ءوزىنىڭ بۇگىنگى جاقسى كۇنگە قول جەتكىزگەندىگىن استە ۇمىتپاۋىمىز كەرەك؛ اۆتونوميالى رايوندىق پارتكومنىڭ ورنىقتىلىقتى قورعاۋ شارالارىن باتىل قولداپ، ويداعىداي دايەكتىلەندىرىپ، تياناقتاندىرىپ، وزىمىزدەن باستاپ، ءوز كاسىپورنىمىزدان، دۇكەنىمىزدەن باستاپ ىسكە كىرىسىپ، «ءۇش ءتۇرلى كۇشكە» ءىس جۇزىندىك ارەكەتىمىزبەن سايىس جاريالاپ، ۇلعاۋسار نارسەلەردىڭ دە «ءۇش ءتۇرلى كۇشتىڭ» قولىنا تۇسۋىنە استە جول بەرمەي، استە اس ىشەتىن ىدىسىن شاعاتىن، وزەننەن ءوتىپ، كوپىردى بۇزاتىن، جاقسىلىقتى بىلمەيتىن قوجايىن جانە ساۋداگەر بولماي، استە «ءۇش ءتۇرلى كۇشكە» جاسىرىن قارجىلاي كومەك بەرەتىن «ەكىبەتكەي ادام» بولماي، وسىنداي جاقسى كۇندەرىمىزدى بۇلدىرۋگە باتىلدىق ەتكەن ءارقانداي اداممەن اياۋسىز تۇردە باتىل كۇرەس جاساپ، شينجياڭنىڭ ۇلتتار ىنتىماعىن، جاراسىمدىلىعىن، ورنىقتىلىعىن قورعاۋعا ءوز كۇش - قۋاتىمىزدى ارناۋىمىز كەرەك. مىنە وسىلاي بولعاندا عانا، ار - ۇجداندى، جاۋاپكەرشىلىكتى بىلەتىن كاسىپورىنشىعا جانە ساۋداگەرگە، جالپىلىق مەنشىككە جاتپايتىن تولىمدى ەكونوميكا قايراتكەرىنە اينالۋعا بولادى.
جالپىلىق مەنشىككە جاتپايتىن سالاداعى ۇيعۇر ۇلتىنىڭ ەكونوميكا قايراتكەرلەرى بولعان ءبىز شينجياڭنىڭ ەكونوميكالىق، قوعامدىق دامۋىنا ات سالىسۋشى، شينجياڭنىڭ قارىشتاپ دامۋىنان يگىلىكتەنۋشى ءارى شينجياڭنىڭ جەر مەن كوكتەي وزگەرىسىنە كۋا بولۋشى، ونان دا ماڭىزدىسى، شينجياڭنىڭ قوعام ورنىقتىلىعى مەن باياندى تىنىشتىعىن باتىل قورعاۋشى جانە جاۋاپكەرشىلىكتى باتىل ارقالاۋشى بولۋىمىز كەرەك. ءبىز وڭاي - وسپاق قولعا كەلمەگەن جاراسىمدى، ورنىقتى دامۋ ورتاسىن، قازىرگى باقىتتى تۇرمىسىمىزدى قاستەرلەۋىمىز كەرەك. ءبىز قازىر باس نىسانانى جۇزەگە اسىرۋدىڭ شەشۋشى مەزگىلىندە تۇرمىز، پارتيا مەن حالىق ءبىزدى سىننان وتكىزۋدە، وتان مەن اتا مەكەنىمىز ءبىزدى شاقىرۋدا، اۋىلداستار بىزدەن ءۇمىت كۇتۋدە، ءبىز ادىلەت جولىندا ەشتەڭەدەن تايىنباي، باتىلدىقپەن كەۋدە كەرىپ العا شىعىپ، «ءۇش ءتۇرلى كۇشكە» قارسى تۇرىپ، قوعامنىڭ جاراسىمدىلىعىن، ورنىقتىلىعىن جانە جۇرتشىلىقتىڭ باقىتتى، تىنىش تۇرمىسىن قورعاۋ جاۋاپكەرشىلىگىن موينىمىزعا مىقتاپ ارقالاۋعا مۇقتاجبىز. ءبىز ءاربىرىمىز «شينجياڭنىڭ ورنىقتىلىعىندا مەنىڭ دە جاۋاپكەرشىلىگىم بار» دەگەن يدەيالىق تانىم ورناتۋىمىز كەرەك، ءارقانداي ادام قاعىس قالمايدى، سىرتتان تاماشالاماي، دەرەۋ ارەكەتكە كەلىپ، ءار ۇلتتىڭ ورتاق جاۋى بولعان «ءۇش ءتۇرلى كۇشتى» تۇبەگەيلى الاستاپ، ەل ءۇشىن باسىن ءباي تىگىپ، پارتيا مەن وتاننىڭ جانە ءار ۇلت حالقىنىڭ بىزدەن كۇتكەن تىلەگىن استە جەردە قالدىرماي، ءوزىمىزدىڭ ادالدىعىمىز، مىندەتتى ارقالاۋىمىز، باتىلدىعىمىز، تۋراشىلدىعىمىز، بورىشىمىز، جاۋاپكەرشىلىگىمىز ارقىلى پارتيا مەن مەملەكەتتىڭ مەيىرىنە جاۋاپ قايتارىپ، تىنباي قۇلشىنۋىمىز جانە ءىس جۇزىندىك ارەكەتىمىز ارقىلى ۇيعۇر ۇلتىنىڭ وبرازىن قايتا تىكتەپ، پارتيا مەن وتانعا، ەلىمىزدەگى ءار ۇلت حالقىنا ريزا بولاتىنداي ەمتيحان قاعازىن تاپسىرۋىمىز كەرەك.
  ۇيعۇر ۇلتىنىڭ پارتيالى باسشى كادرى بولعان مەن پارتيا مەن حالىقتىڭ ماعان دەگەن شاپاعاتىن ماڭگى ۇمىتپاي، ءوزىمنىڭ وسى ۇلت بۇقاراسى اراسىنداعى ءتيىستى ەرەكشە رولىمدى ويداعىداي ساۋلەلەندىرىپ، ءوز بويىمنان ۇلگى كورسەتىپ، باستاماشىلدىقپەن ونەگە بولىپ، ماڭىمداعى ادامداردى، ساياسي كەڭەس مۇشەلەرىن، جالپىلىق مەنشىككە جاتپايتىن قايراتكەرلەردى ساياسيدا اڭعارىمدى ادام بولۋعا جەتەكتەپ جانە دەم بەرىپ، ساياسي ءتارتىپ پەن ساياسي قاعيداعا قاتاڭ بويسۇنىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بۇيرىقتى بۇلجىتپاي اتقارىپ، ءىشى - سىرتى بىردەي بولىپ، «ەكىبەتكەي ادام» بولمايمىن، اۋەلى، ولارمەن باتىل كۇرەس جاسايمىن؛ ءارقانداي ۋاقىتتا، ءارقانداي جاعدايدا ءوزىمنىڭ پارتيا مۇشەسى سالاۋاتىمدى، ازاماتتىق سالاۋاتىمدى، جاۋاپكەرشىلىگىم مەن بورىشىمدى قاي - قاشان دا ۇمىتپاي، ءسوزسىز، وتاننىڭ تۇتاستىعىن، ۇلتتاردىڭ ىنتىماعىن قورعايتىن قورعاۋشى جانە «ءۇش ءتۇرلى كۇشكە» باتىلدىقپەن ايقىن پوزيتسيا بىلدىرەتىن جاۋىنگەر بولامىن؛ وي - سانانى قاي - قاشان دا سەرگەك ۇستاپ، كەزەكتەگى ورنىقتىلىق پەن دامۋدىڭ «3 مەزگىل قاباتتاسۋداي» اۋىر جاعدايىن جىعا تانىپ، بەيعامدىققا، الاڭعاسارلىققا سالىنبايمىن، ات ءۇستى قارامايمىن، ساقتىقتى بوساڭسىتپايمىن، شەشۋشى ساتتەردە مايداننان اۋىقتىماي، پوزيتسيانى ايگىلەپ، باستاماشىلدىقپەن باتىل ءۇن قاتىپ، ايقىن پوزيتسيا ءبىلدىرىپ، دۇرىس سالتتى ساۋلەلەندىرىپ، وڭ ەنەرگيا تاراتىپ، شينجياڭداعى جالپىلىق مەنشىككە جاتپايتىن سالاداعى سانسىزداعان ءار ۇلت ەكونوميكا قايراتكەرلەرىنىڭ قۋاتتى كۇشىن جۇمىلدىرىپ قالماستان، ونان دا ماڭىزدىسى، ءىس جۇزىندىك ارەكەتىم ارقىلى «ءۇش ءتۇرلى كۇشپەن» ولىسپەي - بەرىسپەيتىن كۇرەس جۇرگىزەمىن؛ لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى لەگىندە ءجۇرىپ، قۇرباندىق بەرۋدەن قورىقپاي، جاۋاپكەرشىلىكتى باتىل ارقالاپ، «ءۇش ءتۇرلى كۇشپەن»، «ەكىبەتكەي ادامدارمەن»، ءسوز جوق، باتىل كۇرەس جاسايمىن، استە شەگىنشەكتەمەي، جول بەرمەي، جۇمساق قولدىق ىستەمەي، بۇكىلدەي جەڭىسكە جەتپەيىنشە بەل شەشپەيمىن، جاۋاپكەرشىلىگىمدى بىلۋگە، جاۋاپكەرشىلىگىمدى ۇستىمە الۋعا، جاۋاپكەرشىلىگىمدى ادا ەتۋگە كەپىلدىك ەتەمىن.
  مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ بار كۇشپەن كومەك كورسەتۋىندە، اۆتونوميالى رايوندىق پارتكومنىڭ ىنتىماقتاستىرا باستاۋىندا شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ، ءسوز جوق، جاپپاي جەڭىسكە جەتەتىندىگىنە، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ، ءسوز جوق، جۇزەگە اساتىندىعىنا، شينجياڭنىڭ بولاشاعىنىڭ، ءسوز جوق، اناعۇرلىم جارقىن بولاتىندىعىنا كامىل سەنەمىن.

ءان الەمى

جول توسىلىپ قالدى

تۇلپارىم