باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كۇنەس اۋداندىق اۋىل مەكەمەسىنىڭ تەحنيكتەرى ەگىس داقىلدارىنىڭ ءوسۋ جاعدايى جانە دەرت-دەربەزدىڭ زيانى سياقتىلاردى جاپپاي تەكسەردى

    كەلۋ قاينارى: شينجياڭ حالىق راديو ىستانسياسى    2017-05-18 18:12:26  
كۇنەس اۋداندىق راديو-تەلەۆيزيا مەكەمەسىنەن اراي قاپار قىزى حابارلايدى: جۋىردا، كۇنەس اۋداندىق اۋىل مەكەمەسىنىڭ تەحنيكتەرى ەگىس داقىلدارىنىڭ ءوسۋ جاعدايى جانە دەرت-دەربەزدىڭ زيانى سياقتىلاردى جاپپاي تەكسەردى، تەحنيكتەر اتىز باسىنا بارىپ، قىزىلشانىڭ قۋراۋ، ءبيدايدىڭ ءنىل دەرتى، اق توزاڭ دەرتى سياقتىلاردىڭ ءورشۋ جاعدايىن بايقادى.
كۇنەس اۋداندىق اۋىل شارۋاشىلىق تەحنيكاسىن جالپىلاستىرۋ پۋنكىتىنىڭ تەحنيكتەرى كۇنەس اۋدانى تالدى قالاشىعىنىڭ قىزىلشا اتىزىندا قىزىلشا جاپىراقتارىنىڭ سارعايىپ سولىپ قۋراي باستاعانىن بايقادى. تەحنيك بيىل جاۋىن-شاشىن مول بولىپ، تەمپەراتۋرا تومەن بولعاندىقتان، توپىراقتىڭ سورتاڭدانۋى، توپىراق قاباتىنا اۋا ءوتۋى ناشار بولعاندىقتان دەرت-دەربەزدىڭ وربۋىنە شارت ازىرلەگەنىن، ديحانداردىڭ قىزىلشانىڭ قۋراۋ دەرتىنىڭ الدىن-الۋ قىزمەتىن جاقسى ىستەۋلەرىن ەسكەرتتى. كۇنەس اۋداندىق اۋىل شارۋاشىلىق تەحنيكاسىن جالپىلاستىرۋ پۋنكىتىنىڭ تەحنيگى ۋ ۋي:-تەكسەرۋى ارقىلى قىزىلشانىڭ قۋراۋ دەرتىنە ۇشىراعانىن بايقادىق، ديقانداردىڭ ۇنەمى اتىز باسىنا بارىپ ءوزىنىڭ ەككەن قىزىلشا مايساسىنىڭ ءوسۋ جاعدايىنا نازار اۋدارۋىن، الدىن الا ساقتانۋ قىزمەتىن جاقسى ىستەۋىن ەسكەرتەمىز،-دەدى.
كۇنەس اۋدانى قارابۋرا قالاشىعى اقتوعان قىستاعىنىڭ تۇرعىنى ما تيڭگۇيدىڭ ءبيداي اتىزىنان تەحنيكتەر ءبيدايدىڭ ءنىل دەرتى، اق توزاڭ دەرتىنە ۇشىراعانىن بايقادى. ۇعىسۋعا قاراعاندا، بيىلعى ءبيدايدىڭ ءنىل دەرتى 8-مامىر بايقالىپ، وتكەن جىلداعىمەن سالىستىرعاندا 15 كۇن كەيىن بولعان، كەزەكتە، اتىزداردا نىل دەرتىنىڭ پايدا بولۋ مولشەرى %5 بولىپ، جالپى 200 مۋ جەردە بيداي ءنىل دەرتى پايدا بولعان. ال اق توزاڭ دەرتى 2-مامىر كۇنى بايقالىپ، وتكەن جىلداعىدان 11 كۇن كەيىن بولعان، بۇل دەرتكە اۋىر دارەجەدەشالدىققان ەگىس اۋماعى %10 بولىپ، 400 مۋ جەردەگى ءبيداي اق توزاڭ دەرىنە ۇشىراعان. كەزەكتە بۇل ەكى تۇردەگى دەرت-دەربەزدىڭ تۋىلۋى تەك كۇنەس اۋدانى قارابۋرا قالاشىعى بيداي اتىزىنان عانا بايقالعان. باسقا اۋىل-قالاشىقتاردا بايقالعان جوق.
كۇنەس اۋداندىق اۋىل شارۋاشىلىق تەحنيكاسىن جالپىلاستىرۋ پۋنكىتىنىڭ زەرتتەرمەنى ۋ ۋي: «ديقانداردىڭ اتىز باسىنا بارىپ دەرت-دەربەزگە ۇشىراۋ جاعدايىن ۋاعىندا تەكسەرىپ، دەرت-دەربەزدەن ساقتانۋ قىزمەتىن جاقسى ىستەۋلەرىن ءۇمىت ەتەمىز. اۋىل-قالاشىقتارداعى تەحنيك قىزمەتكەرلەر ديقانداردى بيدايدىڭ ءنىل، اق توزاڭ دەرتىنەن ساقتانۋعا ۇيىمداستىرۋىن، وسىنداي دەرت-دەربەز بايقالماعان ورىندار الدىن الا دايىندىق قىزمەتىن جاقسى ىستەۋلەرى قاجەت»،-دەدى.
ءان الەمى

جول توسىلىپ قالدى

تۇلپارىم