باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كۇنەس اۋداندىق جۇڭگوشا ەمدەۋ شيپاحاناسى قوجابەككە ءساتتى وپەراتسيا جاسادى

    كەلۋ قاينارى: شينجياڭ حالىق راديو ىستانسياسى    2017-05-19 18:26:55  
كۇنەس اۋداندىق راديو-تەلەۆيزيا مەكەمەسىنەن ابيلا ماقان قىزى حابارلايدى: ەكى ورتان جىلىك ۇرشىعى ولەتتەنۋ ناۋقاسىنا كىرىپتار بولعان كۇنەس اۋدانى كۇنەس قالاشىعى قاراسۋ قىستاعىنىڭ تۇرعىنى قوجابەك وتباسى قيىنشىلعى سەبەپتى ناۋقاسىن ەمدەتە الماي كەلگەن بولاتىن. جۋىردا، كۇنەس اۋداندىق جۇڭگوشا ەمدەۋ شيپاحاناسى وعان ءساتتى وپەراتسيا جاسادى.
قوجابەك بيىل 52 جاستا، جۇبايى اۋىرىپ قايتىس بولعانىنا ۇزاق جىل بولعان، ورتان جىلىك ۇرشىق باسى اۋىرىپ جۇرگەنىنە بەس جىل بولعان، ەڭبەك ىستەۋ قۋاتى جوق بولعاندىقتان، وتباسى قيىنشىلىعى جىلدان جىلعا اۋىرلاسادى، تەك ءبىر ادامنىڭ ايىنا الاتىن 350 يۋاندىق ەڭ تونەنگى تۇرمىستى قامتاماسىزداندىرۋ قاراجاتى مەن 3 جارىم مۋ ەگىستىك جەرىنىڭ ماي اقىسى ونىڭ شاي-شالاڭىنا ارەڭ جەتەتىن. جۋىردا، قوجابەكتىڭ ەكى ورتان جىلىك بۋىنى جۇرىپ تۇرعاندا قاتتى اۋىرىپ، اۋداندىق جۇڭگوشا ەمدەۋ شيپاحاناسىنا جاتادى، شيپاگەرلەر اۋرۋ جاعدايىن ۇعىسقان سوڭ، تەكسەرىپ كورۋ ارقىلى وعان «قوس ورتان جىلىك ۇرشىعى ولەتتەنۋ» دەگىنوزىن قويىپ، وپەراتسيا جاساۋ قاجەت ەكەنىن ايتادى. ءارى 53 مىڭ يۋاندىق وپەراتسيا جاساۋ قاراجاتىنىڭ 23 مىڭ يۋانىن كەشىرىم ەتەدى، جاڭاشا اۋىل-قىستاق سەلبەسىپ ەمدەلۋدەن 26 مىڭ 500 يۋان كوتەرىلىپ، قوجابەك وتباسىنىڭ اۋىرتپالعى كوپ جەڭىلدەيدى.
كۇنەس اۋداندىق جۇڭگوشا ەمدەۋ شيپاحاناسى سۇيەك ءبولىمنىڭ شيپاگەرى لۋ زۇڭبين:-قوجابەك ۇزاق جىل اۋىرۋ ازابىن تارتىپتى. ءبىز ەمدەۋ جاعىندا حالىققا تيىمدىلىك جاساۋ ساياساتىنا بەلسەنە سايكەسىپ، كوپ جاقتى قارجى توپتاپ، ونىڭ ءبىر بولىم ەمدەۋ قاراجاتىن كەشىرىم ەتىپ، وپەراتسيانى ءساتتى جاسادىق، قازىر، ءوزى توسەكتەن ءتۇسىپ جۇرە الاتىن بولدى،-دەدى.كۇنەس قالاشىعى قاراسۋ قىستاعىنىڭ تۇرعىنى قوجابەك:-مەن مالشىمىن، وسى ناۋقاسپەن الىسقانىما بەس جىلدان استى، شيپاحانا ماعان كوپ كومەك جاسادى، تۇرمىسىمدى بۇدان كەيىن ءوزىم باسقارا الاتىن بولدىم،-دەدى.
ءان الەمى

جول توسىلىپ قالدى

تۇلپارىم