جاڭا حابارلار

حوتان ايماعى كاسىپتى دامىتۋ جانە ەڭبەككۇشتەردى باسقا سالادا كاسىپتەندىرۋدى تياناق ەتىپ، كەدەيلىكتەن قۇتىلدىرۋدان قامال الۋدى كۇش سالا جەبەدى

    كەلۋ قاينارى: شينجياڭ حالىق راديو ىستانسياسى    2017-05-22 19:51:43  
ستانسيامىزدىڭ حوتاندا تۇراتىن ءتىلشىسى ديڭ شياۋداننىڭ جولداعان حابارىن تىڭداڭىزدار: كەزەكتە، حوتان ايماعى «بىرەگەي»، «ەرەكشە» كاسىپتى دامىتۋ جانە ەڭبەككۇشتەردى باسقا سالادا كاسىپتەندىرۋ ارقىلى كەدەيلىكتەن قۇتىلدىرۋدان قامال الۋدى كۇش سالا جەبەپ، 2020-جىلعا بارعاندا تۇتاس ايماقتاعى كەدەي جان سانىن تۇگەل كەدەيلىكتەن قۇتىلدىرۋعا كەپىلدىك ەتۋدە.
قازىر، كەريا گۇيمي بيو عىلىم-تەحنيكا شەكتى جارنا سەرىكتەستىگى ەرەكشە روزا گۇلىن ەگۋدەن ۇلگى كورسەتۋ بازاسىنداعى 6 مىڭ 800 مۋلىق روزا گۇلى اشىلۋ مەزگىلىنە ءوتتى، جاقىن ماڭداعى اۋىل، قالاشىقتاردان بارعان ديقاندار روزا گۇلىن تەرۋمەن قاربالاس بولدى. كەريا اۋدانى ويتوعىراق اۋىلى جار قىستاعىنىڭ تۇرعىنى مۋسا ماتتۇرسۇن بىرنەشە كۇننەن بەرى كۇندەلىكتى تاڭەرتەڭ ساعات 7 دە ايەلىن ەرتىپ ەرەكشە روزا گۇلىن ەگۋ ۇلگى بازاسىنا بارىپ روزا گۇلىن تەردى، تۇستەن بۇرىن مۋسا ماتتۇرسىن مەن ايەلى 60 نەشە كيلوگىرام روزا گۇلىن تەردى، ءار كيلوگىرامىن 3 يۋان اقىمەن تەرسە ەرلى-زايىپتى ەكەۋى 300 يۋان تابىس تابادى. مۋسا ماتتۇرسۇن بىلاي دەدى: روزا گۇلى بازاسىنا كەلىپ گۇل تەرگەنىمىزگە بيىل 3-جىل بولدى، مامىردا 20 دا 25 كۇن روزا گۇلىن تەرىپ 4 تە 5 مىڭ يۋان تابىس تابامىز، كۇندەلىكتى گۇل تەرۋ اقىسى سول كۇنى قولىمىزعا تيەدى، ونىڭ ۇستىنە ۇيگە جاقىن ماڭدا، وتباسىمىزىدىڭ كىرىسى كورنەكتى جوعارىلادى.
بىرنەشە جىلدان بەرى، كەريا اۋدانى روزا گۇلى، ەتتى سۇڭعىلا سياقتى ەرەكشە اۋىل شارۋاشىلىق ءونىمدەرى كاسىبىن كۇش سالا دامىتىپ، ەرەكشە اۋىل شارۋاشىلىق ونىمدەرىن ەگۋ، زەرتتەۋ، اشۋ، قۇنىتتاپ مانەرلەۋ جانە ساتۋ ءبىر تۇلعالانعان كاسىپ تىزبەگىن جانە «سەرىكتەستىك-بازا-عىلىم-تەحنيكا-ديقاندار وتباسى-بازار ءوزارا بىرىككەن» كاسىپ ارقىلى كەدەيلەردى سۇيەمەلدەۋ ءتيجارات ۇلگىسىن قالىپتاسىتىرىپ، جەرگىلىكتى ديقانداردىڭ كەدەيلىكتەن قۇتىلىپ اۋقاتتانۋىن جەبەدى.
اپتا سوڭىندا، حوتان اۋدانى لايقا اۋىلىنداعى ءباي-يۇي اۋىل تاعامجايىنىڭ قوجايىنى ماتتۇرسۇن ناسىر ەرەكشە قاربالاس بولدى، بالىق اۋلاپ، سەرۋەندەپ، تاماقتاناتىن ساياحاتشىلاردىڭ اياعى ۇزىلمەدى. ماتتۇرسۇن ناسىر بىلاي دەدى:5 جىلدىڭ الدىندا قىستاقتاعى اتى شىققان كەدەي وتباسى بولاتىنبىز، 6 جان ءبىر بولمەلىتام ۇيدە تۇرامىز، ءار كۇنى تاماقتانۋ ماسەلەسىنە ۋايىمدايتىنبىز. 2012-جىلى ۇكىمەتتىڭ قولداۋىندا، اۋىل تاعامجايىن اشتىم، باستاپقى جالاڭ بالىق كولشىگى، تاۋىق باعۋ سياقتى كاسىپتەن، قازىر ساياحات، اس-سۋ، كوڭىل اشۋ كاسىبىن ءبىر تۇلعالاندىرىپ دامىتتىم، وسىنىڭ ارقاسىندا وتباسىمىز كەدەيلىكتەن قۇتىلىپ اۋقاتتانىپ قالماستان تاعى ماڭىمىزداعى كوپتەگەن اۋىلداستاردىڭ كاسىپتەنۋ ماسەلەسى شەشىلدى. ماتتۇرسۇن ناسىر بىلاي دەدى:اۋىلدىق ۇكىمەت مەنى ەرەكشە قولدادى، باستابىندا 10 مۋ جەردەن پايدالاندىم، قازىر 40 مۋ جەرگە كەڭەيدى، تاعامجايىمدا 29 ادام ىستەيدى، الدا، اۋىل-قالاشىق ۇكىمەتىنىڭ قولداۋىندا، اۋىل تاعامجايىن اناعۇرلىم كەڭەيتىپ، كوپتەگەن قىستاق تۇرعىندارىنىڭ كاسىپتەنۋ ماسەلەسىن شەشىپ، كەدەيلىكتەن قۇتىلىپ اۋقاتتانۋىنا كۇش سالامىن.
ءوز جەرىنىڭ ءابىزال بايلىعىن جەرگىلىكتى جاعدايعا قاراي اشىپ پايدالانۋ ارقىلى ەرەكشە اۋىل شارۋاشىلىق كاسىبىن دامىتۋدان سىرت، حوتان ايماعى بيىل اۆتونوميالى رايوندىق پارتكومنىڭ ارتىق ەڭبەككۇشتەردى باسقا سالادا كاسىپتەندىرۋ جونىندەگى قىزمەت ورنالاستىرۋىنا بەلسەنە ءۇن قوسىپ، اۋدان، قالالاردىڭ كەدەيلەردى دالمە-ءدال سۇيەمەلدەپ، كەدەيلىكتەن دالمە-ءدال قۇتىلدىرۋىن جەبەدى. بيىل ءبىرىنشى توقساندا، حوتان ايماعى وسى ايماقتىڭ وزىندە، شينجياڭدا جانە ىشكى ولكە، قالالاردا اۋىل-قىستاقتان 162 مىڭ 100 ادام رەتكى ارتىق ەڭبەككۇشتى باسقا سالادا كاسىپتەندىرىپ، تۇتاس جىلدا 600 مىڭ ادامدى باسقا سالادا كاسىپتەندىرۋ نىسانا جوسپارىنىڭ %27.02 ىن ورىندادى. لوپ اۋدانى ناۋا اۋىلىندا تۇراتىن ديقان احىمەت توحتى قازىر شينجياڭ دۇڭچاڭ قۇرىلىس ماتەريالدارى شەكتى جارنا سەرىكتەستىگىندە قىزمەت ىستەيدى، ول تىلشىگە:بىرىنشىدەن شارت-جاعدايى جاقسى، ەكىنشىدەن ەڭبەكاقىسى جوعارى، ايلىق ەڭبەكاقىم 4 مىڭ 500 يۋان، كىرسىم ءبىر جىلدا 50 مىڭ يۋان بولادى،-دەدى.

بەرىپ كەت ورامالىڭدى

دوستار

الىستاعى اق ەركە