جاڭا حابارلار

اقسۋ ايماعى ءتۇرلى شارانى قاتار قولدانىپ، كەدەيلەردى دالمە-ءدال سۇيەمەلدەۋ جولىن جان-جاقتىلى كەڭەيتتى

    كەلۋ قاينارى: شينجياڭ حالىق راديو ىستانسياسى    2017-05-23 13:28:17  
ستانسيامىزدىڭ ءتىلشىسى ايبىنحازى راحمان ۇلى مەن اقسۋ راديو ستانسياسىنىڭ ءتىلشىسى لي پۋدىڭ جولداعان حابارىن تىڭداڭىزدار: بيىل جىل باسىنان بەرى، اقسۋ ايماعى ءتۇرلى شارانى قاتار قولدانىپ، كەدەيلەردى سۇيەمەلدەۋدەن قامال الۋ قىزمەتىن جان-جاقتىلى، ءتۇرلى جولدارمەن ىلگەرىلەتىپ، قيىنشىلىعى بار ەگىنشى-مالشىلاردىڭ كەدەيلىكتەن قۇتىلۋىن شىنايى جەدەلدەتتى.
ۇشتۇرپان اۋدانى اقيار قالاشىعى جوعارعى قويقىستاۋ قىستاعى تۇرعىندار كوميتەتىنىڭ اۋلاسىنداعى تىگىنحانادا، رايحانگۇل ابدىرەيىم باسقا 20 نەشە ايەلمەن بىرگە كونسەرت كيىمىن قاربالاس تىگىپ جاتتى. تىگىن ماشيناسىنىڭ ينەسىمەن كەزدەمەگە ۇلتتىق ەرەكشەلىككە يە گۇل ورنەكتەرى ءتۇسىرىلدى. بيىل اقپاندا، ورتالاۋ مەكتەپتى تاۋىسقان رايحانگۇل ابدىرەيىم اقسۋداعى ءبىر كيىم-كەشەك فابريكاسىنا بارىپ، كيىم ءپىشۋ ونەرىن ۇيرەنەدى. ول كيىم ءپىشۋدى ۇيرەنىپ قايتىپ كەلگەننەن كەيىن، قىستاق تۇرعىندار كوميتەتىنىڭ الدىنان ءبىر تىگىنحانا اشىپ الادى، قازىر قىستاقتاعى 20 نەشە ايەل تۇگەلدەي ودان ونەر ۇيرەنىپ جاتىر. رايحانگۇل ابدىرەيىم: «قازىر ءبىز حانزۋ ءتىلىن ۇيرەنىپ جاتىرمىز، حانزۋ ءتىلىن يگەرگەننەن كەيىن كومپيۋتەردە كيىم جوبالايمىز، كولەمدى كاسىپورىن قۇرىپ، بىرلىكتە اۋقاتتانامىز»،-دەدى.
ۇشتۇرپان اۋدانىندا، رايحانگۇل ابدىرەيىم سياقتى كاسىپ كوزىن اشۋ ارقىلى ادامداردى جۇمىسقا ورنالاستىرۋعا باستاعانداردان تاعى كوپتەگەن ادام بار، جەرگىلىكتى ورىن قولدانىلمالى شەبەرلىككە تاربيەلەۋ مەن كاسىپورىننىڭ كاسىپ اينالىمىن ءوزارا ۇشتاستىرىپ، كاسىپورىن تاربيەلەيتىن ۇلگى ارقىلى ارتىق ەڭبەككۇشتەردى جۇمىسقا ورنالاستىراتىن جۇمىس ورنىن كوبەيتتى. قازىر، ۇشتۇرپان اۋدانى ءبىر مىڭ 800 ارتىق ەڭبەككۇشتى تاربيەلەدى، ولاردىڭ ىشىندەگى %80 تى ءساتتى جۇمىسقا ورنالاستى، ءتىپتى دەربەس كاسىپ كوزىن اشتى.
بيىل جىل باسىنان بەرى، اقسۋ ايماعى «تاپسىرىستى، بەتالىستى، جۇمىس ورنىن تۇراقتاندىرىپ» تاربيەلەۋ ارقىلىارناۋلى قوسىمشا قاراجات ورنالاستىرىپ، تاربيەلەۋ قۇرىلىمىن ۇيىمداستىرىپ، «بۇقارا قاجەت ەتكەن» جۇمىس ورىندارىن دالمە-ءدال تۇراقتاندىرىپ، اۋىل-قىستاقتارداعى قالىڭ ارتىق ەڭبەككۇشتەردى، وتە-موتە كەدەيلەردى قولدانىلمالىلىعى كۇشتى توكشى، دانەكەرلەۋشى، كەرپىش قۇيۋشى سياقتى 35 جۇمىس ءتۇرى بويىنشا تەگىن تاربيەلەپ، جيىنى 25 مىڭنان ارتىق ادامدى تاربيەلەدى، مۇنىڭ ىشىندە %95 تەن ارتىعى «كاسىپتىك تولىمدىلىق كۋالىگىن» نەمەسە «تاربيەلەۋ تولىمدىلىعى كۋالىگىن» الدى. اقسۋ ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى لۋ شۇيگو بىلاي دەدى: «ايماق بويىنشا تاربيەلەۋ، ساراپتاۋ، جۇمىسقا ورنالاستىرۋ، قوسىمشا قاراجات جاعىندا ءبىر تۇلعالانعان قىزمەت وتەيمىز. مامىردا، وتكەن جىلى قىس پەن بيىل كوكتەمنەن بەرگى قوسىمشا قاراجاتتى، كاسىپتىك شەبەرلىككە تاربيەلەۋ قوسىمشا قاراجاتىن تۇگەلدەي تەكسەرىپ، تاراتامىز.
سونمەن بىرگە، اقسۋ ايماعى تاعى فورماعا جاڭالىق ەنگىزىپ، «تىرەكتى كاسىپورىندار، ديقاندار كوپەراتيۆى، كەدەيلەر وتباسى ءوزارا بىرىككەن» دامۋ ۇلگىسىن كەدەيلەردى سۇيەمەلدەۋدەن قامال الۋدىڭ ۇتىمدى جولى ەتىپ، تىرەكتى كاسىپورىنداردىڭ كەدەي قىستاقتارمەن، كەدەي وتباسىلارمەن باعىتتامالى سەلبەسۋ، سالا بويىنشا كەدەيلەردى سۇيەمەلدەۋ قاتىناسىن ورناتۋىن قولدادى. شايار اۋدانى گۇلباع قالاشىعى سايباق قىستاعىنىڭ تۇرعىنى حالەل رەيىم مەن جۇبايى ارزىگۇل نامەت وسى ۇلگىنىڭ يگىلىگىن كورۋشى. حالەل رەيىم قىستاقتاعى باعىمشىلىق ارناۋلى كوپەراتيۆىندە قىزمەت ىستەيدى، بيىل كوپەراتيۆ كوپەراتيۆكە مۇشە قىستاق تۇرعىندارىن سۇيەمەلدەۋ تەبىنىن ارتتىرىپ، ەكىنشى كاسىپتى دامىتۋعا شابىتتاندىردى، ءسويتىپ، حالەل رەيىم كوپەرتيۆتەن 20 مىڭ يۋان ءوسىمسىز قارىز الىپ، ءبىر ءىرى جۇك اۆتوموبيلىن توقتاتۋ الاڭىنان شاعىن ساۋدا دۇكەنىن اشىپ، ۇيىندە جۇمىس كۇتىپ وتىرعان جۇبايى ارزىگۇل نامەتتىڭ بالاسىنا قاراپ عانا قالماستان، تاعى ايتارلىقتاي كىرىس كىرگىزۋىنە مۇمكىندىك جاسادى. ارزىگۇل نامەت: «جولداسىمنىڭ تۇراقتى ەڭبەكاقىسى بار، كوپەراتيۆ ءبىزدىڭ تۇرمىس جاعدايىمىزدى ويلاستىرىپ، وسى شاعىن ساۋدا دۇكەنىن اشۋىمىزعا كومەكتەستى، بۇل دۇكەننەن ايىنا 4 مىڭ يۋانداي كىرىس كىرەدى، تۇرمىسىمىز بۇرىنعىدان كوپ جاقساردى»، ـــ دەدى.
2016-جىلدىڭ سوڭعى جارىم جىلىنان باستاپ، اقسۋ ايماعى «بىرەۋ كەپىل بولۋدى، زاتتى كەپىلگە قويۋدى كەشىرىم ەتىپ، ءوسىمىن قازىنادان تولىق بەرەتىن» شاعىن سومالى امانات-قارىز اقشا تاراتۋ ساياساتىن اتقارۋ تەبىنىن كۇشەيتىپ، اۆتونوميالى رايوننىڭ بىرەۋدىڭ كەپىلىنسىز، زاتتى كەپىلگە قويۋىنسىز ءوسىمى قازىنادان بەرىلەتىن 50 مىڭ يۋان قارىز اقشا بەرۋ سياقتى فينانس جاعىندا كەدەيلەردى سۇيەمەلدەۋ ساياساتىن ءتۇيىندى ويداعىداي تياناقتاندىرىپ، اناعۇرلىم كوپ ەگىنشى-مالشىنىڭ كەدەيلىكتەن قۇتىلىپ، كىرىسىن ارتتىرىپ، اۋقاتتانۋىنا كومەكتەستى. اقسۋ ايماقتىق كەدەيلەردى سۇيەمەلەۋ كەڭسەسىنىڭ مەڭگەرۋشىسى لۋ بين بىلاي دەدى: «قارىز اقشا الۋ رەسمياتىن بىتىرگەننەن كەيىن، ادەتتە قارىز اقشا ءبىر اپتانىڭ ىشىندە بەرىلەدى، مۇنى ءوندىرىستى دامىتۋعا نەمەسە مانەرلەۋمەن شۇعىلدانۋعا جۇمساۋعا بولادى،تاعى وسى قارىز اقشانى العاننان كەيىن كوپەراتيۆتىڭ، كاسىپورىننىڭ جارناسىنا قاتىناسىپ، كەيبىر ۇلەسكە يە بولۋعا بولادى. قازىر، ايماعىمىز 17 مىڭنان ارتىق وتباسىنا قارىز اقشا تاراتىپ، تاراتقان قارىز اقشا سوماسى 419 ميلليون 700 مىڭ يۋانعا جەتتى».
كەزەكتە، جۇمىسقا ورنالاستىرۋ جاعىندا كەدەيلەردى سۇيەمەلدەۋ، فينانس جاعىندا كەدەيلەردى سۇيەمەلدەۋ، ەڭبەككۇشتى سىرتقا شىعارۋ، قوعامدىق قامسىزداندىرۋ ساياساتىن ناقتىلى اتقارۋ سياقتى ءبىرسىپىرا كەدەيلەردى سۇيەمەلدەۋ ينجەنەرياسى اقسۋ ايماعىندا قاربالاس ىلگەرىلەتىلدى، مەجەمەن بيىل ايماق بويىنشا 94 كەدەي قستاق تۇگەلدەي تەكسەرىپ وتكىزىپ الۋ ارقىلى كەدەيلىكتەن قۇتىلىپ، اۋىل-قىستاقتارداعى 84 مىڭ كەدەي جان سانى كەدەيلىكتەن قۇتىلۋ نىساناسىن ورىندايدى.

بەرىپ كەت ورامالىڭدى

دوستار

الىستاعى اق ەركە