باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بەسىنشى كەزەكتى جۇڭگو شينجياڭ حالىقارالىق ۇلتتىق ءبي فەستيۋالىنىڭ اقپارات جاريالاۋ ءماجىلىسى بەيجيڭدە اشىلدى

    كەلۋ قاينارى: شينجياڭ حالىق راديو ىستانسياسى    2017-05-25 13:32:19  
ستانسيامىزدىڭ ءتىلشىسى دۇڭ جىيۇڭنىڭ وسى جونىندەگى حابارىن تىڭداڭىزدار: 24-مامىر تۇستەن بۇرىن، بەسىنشى كەزەكتى جۇڭگو شينجياڭ حالىقارالىق ۇلتتىق ءبي فەستيۋالىنىڭ اقپارات جاريالاۋ ءماجىلىسى بەيجيڭدە اشىلدى. اۆتونوميالى رايوندىق پارتكومىنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
بەسىنشى كەزەكتى جۇڭگو شينجياڭ حالىقارالىق ۇلتتىق ءبي فەستيۋالى 20-شىلدەدەن 5-تامىزعا دەيىن ءۇرىمجى قالاسىندا وتكىزىلەدى، وسى كەزەكتى ءبي فەستۋالىنىڭ باستى تاقىرىبى «جۇڭگو ارمانى، باي مازمۇندى جىبەك جولى» بولدى. سول كەزدە پاكيستان، ەگيپەت، رەسەي سياقتى ازيا-افريكا-ەۆروپا ەلدەرى جانە ەلىمىزدىڭ ءىشىنارا ولكە-قالالارى شينجياڭنىڭ جەرگىلىكتى كوركەمونەر ۇيىرمەلەرىمەن 60 نەشە كەزەك ويىن قويادى. اۆتونوميالى رايوندىق مادەنيەت مەڭگەرمەسى پارتگرۋپپاسىنىڭ شۋجيى رىن حۋا: «ويىن نومىرلەرىن سارالاۋدا، اسا قويۋ جەرگىلىكتى ەرەكشەلىك بەينەلەنىپ، جۇڭحۋا ۇلتىنىڭ ۇيتقىلىق وزەكتى قۇن كوزقاراسى ساۋلەلەنىپ، ءبىر تۇلعالى كوپ نەگىزدى جۇڭحۋا مادەنيەتىنىڭ باي مازمۇندىلىعى ايگىلەندى»،-دەدى.
ءبي فەستيۋالىنىڭ «كوركەمونەردىڭ سالتاناتتى جينالىسى، حالىقتىڭ مەرەكەسى» سىندى تۇپكى ويىن بەينەلەۋ ءۇشىن، وسى كەزەكتى ءبي فەستيۋالىنىڭ بارلىق ويىن نومىرلەرىنىڭ بەلەتى ارزان باعادا ساتىلادى، سونىمەن بىرگە، الەۋمەتتىك يگىلىك ارناۋلى قويىلىمدار ورنالاستىرىلىپ، ءار ۇلت بۇقاراسىنىڭ جاقىن جەردەن ەلىمىزدىڭ ءىشى-سىرتىنداعى ەڭ وزىق دەڭگەيدەگى ويىنداردى تاماشالاۋىنا مۇمكىندىك جاراتىلادى. رىن حۋا:« وسى كەزەكتى ءبي فەستيۋالىنداعى باسىم كوپ بەلەتتىڭ وزىندىك قۇنىنا ۇكىمەت قوسىمشا قاراجات بەرەدى. بۇل باستىستى ەكى دارەجەگە ءبولىنىپ، ءبىر دارەجەدەگى بەلەتتىڭ باعاسى 80، 100، 120 يۋان بولسا، تاعى ءبىر دارەجەدەگى بەلەتتىڭ باعاسى 200 يۋان، 260 يۋان. اناعۇرلىم كوپ قاراپايىم بۇقاراعا تيىمدىلىك جاساۋ ءۇشىن، ءبىز الەۋمەتتىك يگىلىك قويىلىمدارىن ورنالاستىرىپ، بەلەتتى تەگىن تاراتامىز»،-دەدى.
ۇعىسۋعا قاراعاندا، وسى كەزەكتى ءبي فەستيۋالى كەزىندە، توراپتاعى ءبي جونىندە پىكىر اۋىستىرۋ مەزگىلى، جۇڭحۋا تەاترى كوركەمونەر اپتالىعى، شينجياڭ جاستارىنىڭ ماي بوياۋلى سۋرەت كورمەسى، شينجياڭ مادەني مۇرالاردى جوندەۋ تابىستارى كورمەسى، جۇڭگو جاستارىنىڭ ويما سۋرەت كورمەسى سياقتى بەس كەزەك قيمىل وتكىزىلەدى ەكەن.
ءان الەمى

جول توسىلىپ قالدى

تۇلپارىم