جاڭا حابارلار

كەدەيلىكتەن قۇتىلىپ اۋقاتتانۋعا باستاعان كوشباسشى

    كەلۋ قاينارى: شينجياڭ حالىق راديو ىستانسياسى    2017-05-26 18:40:52  
ستانسيامىزدىڭ تىلشىلەرى جين لەي مەن لان تياننىڭ جانە التاي راديو ستانسياسىنىڭ ءتىلشىسى ەلىسقاننىڭ جولداعان حابارىن تىڭداڭىزدار: ءماۋىت جانىمقان ۇلى كەزىندە كوكتوعاي اۋدانى كۇرتى اۋىلى دالا اۋىز قىستاعىنداعى كەدەي مالشى بولاتىن، ول كۇتىپ تۇرماي، يەك سۇيەمەي اۋىلداستارىنا باستاماشى بولىپ ارناۋلى كوپەراتيۆ قۇرىپ، بىرلىكتە كەدەيلىكتەن قۇتىلۋ جولىمەن ءجۇردى.
دالا اۋىز قىستاعىنداعى التاي مال شارۋاشىلىق ونىمدەرىن ساتۋ كوپەراتيۆىنە بارعانىمىزدا ۇلكەن قورادا قوي-سيىرلار ءشوپ جەپ، قوزىلار ويناقتاپ جۇر ەكەن. سالدەن سوڭ قوي-سيىرلاردى مالشىلار جايلاۋعا اپارۋعا دايىندالدى. كوپەراتيۆتىڭ جاۋاپتىسى ماۋىت جانىمقان ۇلى قورجىن-قولاڭدارىن دايىنداۋمەن ابىگەر بولدى. ول تىلشىگە: ءار جولعى كوشى-قوندا 300 كيلومەردەن ارتىق جول باسامىز، ازىق-تۇلىك، قالىڭ كيىم الىپ الامىز. قىستاقتاعى 10 ادامدى مال باعۋعا قابىلدادىم، ءار تۇياق قويعا اي سايىن 15 يۋان، قوزىلى قويعا 30 يۋان، سيىرعا ايىنا 70 يۋان بەرىلەدى؟،-دەدى.
5 جىلدىڭ الدىندا، ءماۋىت جانىمقان ۇلى قىستاقتاعى كەدەي وتباسى بولاتىن، كىسى باسىندىق جىلدىق كىرىسى 2 مىڭ يۋانعا دا جەتپەيتىن. سول كەزدە ونىڭ وتباسى جىل سايىن قىستا ەت كەپتىرىپ، قازى اۋدارادى، مۇنى وزدەرى تۇتىنۋدان سىرت اۋدانعا اپارىپ ساتاتىن، ول: ءبىر بالام ۋنيۆەرسيتەتتە وقيدى، تۇرمىسىمىزدا اۋىرتپالىق بار، قىستاق ەت كەپتىرىپ، قازى اۋدارۋ جۇمىستارىمەن اينالىسۋعا شابىتتاندىردى، حاريدارلارىمىز كوپ ءارى تۇراقتى، ەتتەرىمىز ساپالى ءارى سەنىمدى،-دەدى.
ۇكىمەتتىڭ كومەگى،قىستاق تۇرعىندارىنىڭ سەنىمىنىڭ ارقاسىندا ماۋىت جانىمقان ۇلىنىڭ وزىنە دەگەن سەنىمى ارتا ءتۇستى. ول قىستاق تۇرعىندارىمەن بىرلىكتە كوپەراتيۆ قۇرىپ، ساتىپ الۋ كولەمىن كەڭەيتتى، قازاق ۇلتىنىڭ ەرەكشە ازىق-تۇلىكتەرىن مانەرلەپ ساتىپ، جىلدىق ساتىلىم سوماسى 3ميلليون يۋاننان استى، 100 دەن استام تۇرعىن كوپەراتيۆ ءۇشىن مال ساتىپ الىپ سويىس جۇمىسىمەن اينالىستى ءارى مال باقتى. ماۋىت جانىمقان ۇلى : قازىر پارتيا مەن مەملەكەتتىڭ ساياساتى ەرەكشە جاقسى، بىلتىر نىسان قارجىسىن ءوتىنىش ەتتىم، جۇمىستى تاباندىلىقپەن تىڭعىلىقتى ىستەگەندە عانا ارقانداي ىستەن ناتيجە جاراتۋعا بولادى،-دەدى.
مالشىلارى مەن قويلارىن جايلاۋعا قويا بەرگەننەن كەيىن ماۋىت جانىمقان ۇلى موتوسيكىلىنە ءمىنىپ 10 نەشە كيلومەتر شالعايداعى ەگىس اتىزىنا تارتتى. بيىل كۇزدە مال بورداقىلاۋ ءۇشىن 100 مۋلىق ەگىس اتىزىن كوتەرمەگە الىپ جەم-ءشوپ ەكتى. اتىز جاعاسىنا بارعاندا، ماۋىت جانىمقان ۇلى جەر جىرتۋعا كومەكتەسىپ جۇرگەن ۇلارعا امانداستى. ۇلار: 100 مۋ جەردى بۇگىن تۇگەل جىرتىپ بولامىز، قىستا جۇمىس جوق ماۋىتتىڭ كوپەراتيۆىنە بارىپ ىستەيمىن، قوي سويىپ، ەت سۇرىلەۋ جۇمىستارىن سىتەيمىن، ەرلى-زايىپتى ەكەمىز ايىنا 4 مىڭ يۋاننان ارتىق تابىس تابامىز.
دالا اۋىز قىستاعى تۇرعىندار كوميتەتىنىڭ ورىنباسار مەڭگەرۋشىسى ىنتىماق وكەي ۇلى تىلشىگە بىلاي دەدى: قىستاقتاعى باعىمشىلىق، كەستەشىلىك كوپەراتيۆتەرىنىڭ باستاۋىندا قىستاق تۇرعىندارى وتباسىنان ۇزاپ شىقپاي اق تابىس تاباتىن بولدى، بىلتىر كىسى باسىندىق ورتاشا كىرىسىمىز 8 مىڭ يۋاننان استى، قىستاقتىڭ اۋىل شارۋاشىلىق قوسىمشا ونىمدەرىن ساتۋ جولى جاقساردى، كوپشىلىك تەحنيكا يگەردى، قىستاق تۇرعىندارىنىڭ اۋقاتتانۋ جولى بارعان سايىن كەڭەيدى.

بەرىپ كەت ورامالىڭدى

دوستار

الىستاعى اق ەركە