جاڭا حابارلار

حىجيڭ اۋدانى كەدەيلەردى ساياحات ارقىلى سۇيەمەلدەۋدى بەلسەنە ورىستەتىپ، 10 مىڭنان استام بۇقارا كەدەيلىكتەن قۇتىلدى

    كەلۋ قاينارى: شينجياڭ حالىق راديو ىستانسياسى    2017-05-27 14:05:13  
بايىنعولين راديو ستانسياسىنىڭ تىلشىلەرى جاڭ شينحۋا مەن جوۋ چۇنمەيدىڭ جولداعان حابارىن تىڭداڭىزدار: بايىنبۇلاق كورىنىس ساياحات رايونىنان پايدالانىپ، حىجيڭ اۋدانى كەدەيلەردى ساياحات ارقىلى سۇيەمەلدەۋدى بەلسەنە ورىستەتىپ، 10 مىڭنان استام بۇقارا كەدەيلىكتەن قۇتىلدى.
حىجيڭ اۋدانى بايىنبۇلاق قالاشىعىنىڭ مالشىسى باينكەشىك اشقان مالشىلار تاعامجايىندا ءبىر توپ شاڭحايلىق ساياحاتشى اتقا ءمىنۋ، ساداق اتۋ قيمىلدارىن كوردى. بايىنبۇلاق ساحاراسىنا ءبىرىنشى رەت ساياحاتتاي بارعان ما بەيبەي قاتتى قۋانىپ بىلاي دەدى: شينجياڭنىڭ ۇلتتىق سالت-ساناعا تولى مادەنيەتى مەن وسىنداي ەرەكشەلىكتەرىنە كۋا بولدىق، اسىرەسە وسى ساحارا ماعان قاتتى ۇنادى، ەرەكشە تاماشا ەكەن، قالادا بولساق مۇنداي ءدامدى تاعامداردان ءدام تاتا المايمىز.
ساياحاتشىلار ساياحاتتىڭ قىزىعىنا، تاعامجايدىڭ يەسى شاتتىققا شومدى. باينكەشىك بىلاي دەدى: كۇندەلىكتى ورتا ەسەپپەن 6 مىڭ يۋاننان ارتىق تابىس تابامىن، جاتاتىن 7 موڭعۇل ءۇي، تاماقتاناتىن 3 موڭعۇل ءۇي، جيىنى 10 مۇڭعۇل ءۇي بار، قازىر ساياحاتشى قابىلداۋ مولشەرىمىز 100 ادامعا جەتتى.
3 جىلدىڭ الدىندا، باينكەشىكتىڭ وتباسى مال باعۋدى نەگىز ەتىپ، ىشەر اس، كيەر كيىمىن عانا شەشىم ەتەتىن. جەرگىلىكتى ورىننىڭ ساياحات ارقىلى كەدەيلەردى سۇيەمەلدەۋ ساياساتىنىڭ ارقاسىندا ول كورىنىس رايونىنان مالشىلار تاعامجايىن اشقاننان كەيىن تۇرمىسى جىل سايىن جاقساردى، بيىل تاعى 3 ءۇيدى جاڭادان تىكتى، قازىر ساياحاتى جاندانىپ، ءبىر ۇيلى جان ەرەكشە قاربالاستىققا ءتۇستى.
بايىنبۇلاق كورىنىس رايونىنىڭ ارقاسىندا، جاقىنعى ەكى جىلدا حىجيڭ اۋدانى كەدەيلەردى ساياحات ارقىلى سۇيەمەلدەۋ شاراسىن اتقارىپ، كەدەي ەگىنشى-مالشىلاردى ساياحات قىزمەتى كاسىبىمەن شۇعىلدانۋعا شابىتتاندىردى.
بىلتىر بايىنبۇلاق كورىنىس رايونى «شىعىسقا ورالۋ. اسەر» اتتى كولەمدى كورىنىس تەاترىن شىعارىپ، سەنەرياداعى 260 جەرگىلىكتى بۇقارا ارتيسى وسىدان يگىلىكتەنىپ، ءارقايسىسى جىلىنا 4 مىڭ يۋاندىق ويىن قويۋ قاراجاتىن الادى، ساياحاتشىلار مۇنى اۋىز جاپپاي القايدى. ىلەلىك ساياحاتشى گو شۋاڭشۋاڭ: ىلەدەن ۇيىرمە ۇيىمداستىرىپ وسى ويىندى كورۋگە ارنايى كەلدىك، ويىن ەرەكشە تارتىمدى ەكەن، تۇرعىنداردىڭ اۋقاتتانۋ بارىسىنا ءتانتى بولدىق، ءارى ەرەكشە رازى بولدىق،-دەدى.قازىر، حىجيڭ اۋدانى كەدەيلەردى ساياحات ارقىلى سۇيەمەلدەۋ ءتاسىلىن اتقارعاننان كەيىن 10 مىڭنان استام ەگىنشى-مالشى كەدەيلىكتەن قۇتىلدى. حىجيڭ اۋداندىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى باينحۇر بىلاي دەدى: كەدەيلەردى ساياحات ارقىلى سۇيەمەلدەۋ كاسىبىنە 5 ميلليون يۋاننان ارتىق قارجى قوسىلىپ، اۋدان بويىنشا 11 كورىنىس رايونى اشىلدى، جەرگىلىكتى ەگىنشى-مالشىلار مالشىلار تاعامجايى، قوناق ءۇي، مەيمانساراي، ارالىققا قاتىنايتىن اۆتوموبيل، ات مايلاۋ، ساياحات ەستەلىك بۇيىمدارىن ساتۋ سياقتى قىزمەت ەتۋ تيجارات نىساندارىمەن شۇعىلدانىپ، وسى كاسىپپەن توتە اينالىسقاندار 2 مىڭ ادامنان استى، مۇنىڭ مىڭنان استامى كەدەيلەر، جولاۋشى تاسىمال، زات اينالىمى، اس-سۋ، جاتىن ورىن، كوڭىل اشۋ، ەرەكشە ونىمدەر جانە تاۋارلاردى ساتۋ سياقتى جىلجىمالى كاسىپپەن شۇعىلداناتىندار 16 مىڭ ادامنان اسادى.

بەرىپ كەت ورامالىڭدى

دوستار

الىستاعى اق ەركە