باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مەنىڭ اتىم ـــ مۇمكىندىك

    كەلۋ قاينارى: شينجياڭ حالىق راديو ىستانسياسى    2017-05-27 14:46:32  
ۇستاز ءۇش شاكىرتىن ەرتىپ جەمىس باعىنا كەلەدى دە: «مىنا باققا كىرىڭدەر دە كوزدەرىڭە تۇسكەن ەڭ ۇلكەن، ەڭ ادەمى جەمىستى ۇرلاپ الىڭدار. سوسىن ارتتارىڭا قايىرىلىپ قاراماستان، قارسى ەسىكتەن شىعىپ كەلىڭدەر. مەن سەندەردى سوندا كۇتەمىن» دەپتى.
ءبىراق قارسى ەسىكتەن شىعىپ كەلگەن شاكىرتتەرىنىڭ قولى تۇگەلدەي بوس ەدى. ولارعا جەمىستەردىڭ اناسى دا ۇلكەن، مىناسى دا ۇلكەن كورىنىپ، تاعى العا قاراي جۇرسەم بۇدان دا ادەمىسى، جاقسىسى، ارتىعى كەزدەسىپ قالار دەگەن دامەمەن جۇگىرە-جۇگىرە اقىرى بىردە-ءبىر جەمىس ۇرلاي الماي باقشانىڭ كەلەسى ەسىگىنەن ءبىراق شىققاندارى وسى ەكەن.
وكىنىپ قالعان شاكىرتتەرى قايتا كىرىپ جەمىس باعىن تاراقتاپ شىقپاق بولعاندا ۇستازى ولاردىڭ الدىن بوگەپ بىلاي دەپتى:
«ەرتەدە ءبىر شەبەر ادام ءوز اۋلاسىنا اياعىندا قاناتى بار، ماڭدايىندا قويۋ شاشى بار، ءبىراق جەلكە قاسقا ادامنىڭ ءمۇسىنىن قولادان جاساپ ورناتىپتى. بۇل كۇلكىلى ءمۇسىندى كورىپ كۇلە باستاعان ادامدار ءمۇسىننىڭ تاعانىنا جازىلعان جازۋدى وقىعاندا كۇلۋىن قويادى ەكەن. ول جازۋدا:
-اتىڭ كىم؟
-مەنىڭ اتىم «مۇمكىندىك».
-قاناتىڭ نەگە اياعىڭدا؟
-تەز جوعالىپ كەتۋىم ءۇشىن...
-قويۋ شاشىڭ نە ءۇشىن ماڭدايىڭدا عانا؟
-مەنىڭ كەلە جاتقانىمدى كورىپ كىم بولسا دا تەز ۇستاي الۋى ءۇشىن...
-ولاي بولسا نە ءۇشىن جەلكە جاعىڭ قاسقا؟
-مەن وتە شىققان سوڭ ادامدار ۇستاي الماۋى ءۇشىن-دەپ جازىلعان ەكەن دەيدى.
ەندەشە قادىرلى شاكىرتتەرىم! «مۇمكىندىك» دەگەن نارسە ءدال وسى ءمۇسىن تارىزدەس بولادى. اناۋ-مىناۋ دەپ ويلانىپ ءجۇرىپ قالساڭ، ءومىر جالت ەتىپ وتە شىقپاق. دەمەك ءبىز ءومىرىمىزدىڭ ءار ءساتىن قالت جىبەرمەي نازاردا ۇستاپ، «مۇمكىندىك وسى شىعار؟» دەگەن وي كەلە بەرگەندە ارتىق ويلانباستان شاپ بەرىپ ۇستاي الۋىمىز كەرەك»،-دەپتى...
ءان الەمى

جول توسىلىپ قالدى

تۇلپارىم