جاڭا حابارلار

ول كەدەيلىكتەن بىرتىندەپ قۇتىلىپ، وتباسى شاتتىققا شومدى

    كەلۋ قاينارى: شينجياڭ حالىق راديو ىستانسياسى    2017-05-28 18:47:56  
ستانسيامىزدىڭ تىلشىلەرى جين لەي، لان تيان جانە التاي راديو ستانسياسىنىڭ ءتىلشىسى ەلىسقاننىڭ جولداعان حابارىن تىڭداڭىزدار: ايگۇل احىمەت قىزىنىڭ وتباسى التاي قالاسى لاستى اۋىلىنىڭ نوعايتى قىستاعىنداعى كەدەي وتباسى ەدى، مەملەكەتتىڭ ساياساتى مەن قارجى ارقىلى سۇيەمەلدەۋدىڭ ارقاسىندا، ول قىزى ەكەۋى دەربەس كاسىپ كوزىن اشىپ، كەدەيلىكتەن بىرتىندەپ قۇتىلىپ، وتباسى شاتتىققا شومدى.
التاي قالا رايونىنان سولتۇستىكتى بەتكە الا ءيىر-قيىر تاۋ جولدارىن بويلاي 6 دا 7 كيلومەتر جۇرسەڭىز لاستى اۋىلىنىڭ نوعايتى قىستاعىنا جەتەسىز.تۇتاس قىستاق تاۋمەن قورشالعان، قىران وزەنى قىستاقتىڭ الدىنان وتەدى.
ءتىلشى قىستاق تۇرعىنى ايگۇل احىمەت قىزىنىڭ وتباسىنا تاياعاندا اۋلادان دومبىرانىڭ داۋىسى ەستىلدى.ايگۇلدىڭ قىزى رىزۋان مۇرات قىزى جاڭا كۇيگە جاتتىعىپ، جازدىق دەمالىستا دومبىرا كۋرسىن اشۋعا ازىرلەنىپ جاتىپتى، رىزۋان بىلاي دەدى: بالالاردىڭ جازىق دەمالىسى دا تاياپ قالدى، قىستاقتاعى اتا-انالاردىڭ ءبارى دومبىرا كۋرسىنىڭ قاشان اشىلاتىنىن سۇراپ جاتىر.باستاۋىش مەكتەپ وقۋشىلارى قىستىق، جازدىق دەمالىس كەزىندە دومبىرا ۇيرەنەدى، دومبىرا ۇيرەنەتىن 60 بالا بار، بارلىعى قىستاقتىكى، وقۋ قاراجاتى دا جوعارى ەمەس، ايىنا 300 يۋان، الدىمەن 5 سىزىقتى نوتانى ۇيرەنەدى، ولارعا ءان، كۇي، حالىق اندەرىن ۇيرەتەمىن.
ايگۇل بيىل 52 دە، جولداسى ناۋقاس سەبەبىنەن قايتىس بولعالى ۇزاق جىل بولعان، مەكتەپ بىتىرگەن ۇلى مەن قىزىندا تۇراقتى قىزمەت جوق بولعاندىقتان، ءسۇت ساتىپ وتباسىن اسىرايدى.ايگۇل وتباسىنىڭ قيىنشىلىعىنا قاراتا، ۇكىمەت وعان كەدەيلەردى سۇيەمەلدەيتىن 30 تۇياق قوي بەرەدى، ءارى ونىڭ وتباسىنان كۇندەلىكتى تۇتىنۋ بۇيىمدارى دۇكەنىن اشۋىنا جەتەكشىلىك ەتەدى، سونداي-اق، ونى كەدەي وتباسىلارىنىڭ ەڭ تومەنگى تۇرمىسىن قامتاماسىزداندىرۋىنا قاتىناستىرادى.ونىڭ ەرەكشە قۋاناتىنى، سۇيەمەلدەيتىن ورىن التاي قالالىق اكىمشىلىك زاڭ اتقارۋ مەكەمەسىنىڭ ۇلىنىڭ قىزمەت ماسەلەسىن شەشكەنى ەدى، ياعني، ول وسى ورىننىڭ اۆتوموبيلىن جۇرگىزىپ، ايىنا 3 مىڭ يۋان ەڭبەكاقى الاتىن بولدى.
كورشى-قولاڭدارىنىڭ دۇكەنىنە كەرەك-جاراق العالى كەلگەنىن كورگەن ايگۇل ولارعا شىنايى مامىلە جاسادى، ەندى ءبىر ايدان كەيىن كوشەگە قاراعان جەردەن 20 شارشى مەترلىك ساۋدا دۇكەنى سالىنباقشى.ول: بىلتىر ماعان 30 تۇياق قوي بەردى، قوزىلاعاننان كەيىن بيىل 55 تۇياققا جەتتى.ۇلىمنىڭ قىزمەتى بار، قازىر وتباسىمىزدىڭ جىلدىق كىسى باسىندىق كىرىسى 15 مىڭ يۋانعا جەتەدى، تۇرمىس جاعىنان الاڭدامايتىن بولدىق.وسى ساۋدا دۇكەنى اشىلعاننان كەيىن، توڭازىتقىش ساتىپ الىپ، مۇزعالداق جانە ايران ساتامىن، بۇلاردىڭ ءبارى پارتيا مەن ۇكىمەتتىڭ ءتيىمدى ساياساتتارىنىڭ ارقاسى.
تىلشىلىك اياقتالاردا، رىزۋان مۇرات قىزى دومبىراسىن قولىنا الىپ تىلشىلەرگە تۇرمىسىتى جىرلايتىن جاڭادان ۇيرەنگەن ءانىن شىرقادى.ول بىلاي دەدى: تۇرمىس بارىسىنداعى كوڭىلدىلىك كوپشىلىكتىڭ كومەگى مەن ءوزىمنىڭ قۇلشىنۋىمنىڭ ارقاسى دەپ بىلەمىن، جاستار كومپيۋتەردى، توراپقا شىعۋدى تەز يگەرەدى، توراپتا بىزگە قاجەتتى كوپتەگەن بىلىمدەر بار، ءبىلىم ارقىلى تۇرمىسىمىزعا وزگەرىس ەنگىزىپ، يدەيامىزعا بۇرىلىس جاساپ، كەدەيلىكتەن قۇتىلۋىمىز كەرەك.

بەرىپ كەت ورامالىڭدى

دوستار

الىستاعى اق ەركە