جاڭا حابارلار

بايىنعولىن وبىلىسى دالمە-ءدال سۇيەمەلدەۋ ارقىلى كەدەيلەردى دالمە-ءدال كەدەيلىكتەن قۇتىلدىردى

    كەلۋ قاينارى: شينجياڭ حالىق راديو ىستانسياسى    2017-05-30 19:03:01  
بايىنعولىن وبىلىستىق راديو ستانسياسىنىڭ ءتىلشىسى يۋان يۋاننىڭ جولداعان حابارىن تىڭداڭىزدار: بيىل بايىنعولىن وبىلىسىنىڭ كەدەيلىكتەن جاپپاي قۇتىلدىرۋ جوسپارىن اتقاراتىن سوڭعى جىلى، جەرگىلىكتى ورىن كەدەيلەردى كاسىپ ارقىلى سۇيەمەلدەۋ، ەلەكتروندى ساۋدا ارقىلى سۇيەمەلدەۋ، قوعامدىق قامتاماسىزداندىرۋدىڭ تومەنگى شەگى سىندى ءتۇرلى شارالاردى بەلگىلەپ، دالمە-ءدال سۇيەمەلدەۋ ارقىلى كەدەيلەردى دالمە-ءدال كەدەيلىكتەن قۇتىلدىردى.
ءتىلشى جاڭادان قۇرىلعان شينجياڭ چىڭجياحۇي ىلمە توقىما كيىمدەر شەكتى جارنا سەرىكتەستىگىنىڭ لوپنۇر اۋدانى دوڭقوتان اۋىلدىق ۋيشيڭ فابريكاسىنا بارعاندا 20 جاستاعى ايشام قاسىم نەشە ونداعان اپەكە-سىڭىلىلەرىمەن بىرگە ۇستازىنان كيىم تىگۋدى ۇيرەنىپ جاتىر ەكەن.پراكتيكا كەزىندە، فابريكا ولاردىڭ ءارقايسىنا اي سايىن مىڭ يۋاننان قوسىمشا قاراجات بەرەدى.كاسىپكە ىسىلعاننان كەيىن اي سايىن 3 مىڭ يۋانعا تاياۋ ەڭبەكاقى بەرەدى ەكەن.
بۇل لوپنۇر اۋدانىنىڭ كەدەيلەردى دالمە-ءدال سۇيەمەلدەۋدە قولدانعان شاراسى.بيىل، لوپنۇر اۋدانى كەدەي ەڭبەككۇشتەردىڭ كاسىپتەنۋ قابلەتىن جوعارىلاتۋدى ءتۇيىن ەتىپ، كاسىپتەندىرۋ كۋرسىن مىقتى يگەرىپ، كەدەي وتباسىلارىنىڭ وتباسىنان ۇزاپ شىقپاي-اق سول ماڭدا كاسىپتەنۋىنە مۇمكىندىك جاساپ، «وتباسىنىڭ ءبىر مۇشەسىن كاسىپتەندىرىپ، وتباسىن كادەيلىكتەن قۇتىلدىرۋ» نىساناسىن جۇزەگە اسىرادى.ايشام قاسىم بىلاي دەدى: بۇرىن لوپنۇر اۋدانىندا جۇمىس ىستەيتىنمىن، اكە-شەشەم وسى ارادا تۇرادى، اپتاسىنا ءبىر رەت ۇيگە قايتاتىنمىن، قازىر، ءۇيدىڭ ماڭىندا كاسىپتەندىم، بۇل تۇرمىسىما قولايلى بولدى.تابىسىم دا جاقسى، وتباسىمنىڭ شارت-جاعدايى دا جاقساردى.
بيىل بايىنعولين وبىلىسىنىڭ كەدەيلىكتەن جاپپاي قۇتىلدىرۋ جوسپارىن اتقاراتىن سوڭعى جىلى، كەدەي جان سانىنىڭ بىتىراڭعى جاعدايىن كوزدەگەن بايىنعولىن وبىلىسى كەدەيلىك قالپاعى جوق قىستاقتاعى كەدەي جان سانىن كەدەيلىكتەن قۇتىلدىرۋدان قامال الۋدىڭ ءتۇيىنى ەتىپ، ءدال پارىقتاپ، دالمە-ءدال شارا قولداندى.
ءبىرىنشى توقساندا شىلاننىڭ ساتىلىمى قانداي بولدى؟ 600 كيلوگرامداي شىلان ساتىلدى.چاقىلىق اۋدانىنداعى ارزان باعادا جالعا بەرىلەتىن ۇيدە ءتىلشى ۇيدىڭ يەسى جاڭ حانمەن توراپتان دۇكەن اشۋ جاعدايىن اڭگىمەلەستى، ول قازىر حاريدارلارمەن توراپتان شىلان ساتىپ الۋ ءىسىن اقىلداسىپ جاتقانىن، بيىل توراپ دۇكەنى ساۋداسىنىڭ بىلتىرعىدان كوپ جاقسى ەكەنىن ايتتى، جاڭ حان بىلاي دەدى: بىلتىر ءبىر توننادان ارتىق شىلان ساتقامىن، ەلەكتروندى ساۋدا كۋرسىندە ۇيرەنگەننەن كەيىن تابىسىمدى مولايتىپ تۇرمىسىمدى جاقسارتاتىن بولدىم، بۇل مەن ءۇشىن ۇلكەن ماقتانىش.
5 جىلدىڭ الدىنداعى ءبىر رەتكى قاتىناس شىرعالاڭىندا جاڭ حاننىڭ شەشەسى قايتىس بولىپ، قارىنداسى سال بولىپ جاتىپ قالادى، ءوزىنىڭ بەلى اۋىر دارەجەدە جارالانىپ، ءبىر ۇيلى جان قيىنشىلىق قىسپاعىندا قالادى.بىلتىر، جاڭ حان اۋداندا ۇيىمداستىرىلعان جالپى حالىقتىق ەلەكتروندى ساۋدا كۋرىسىنە قاتىناسىپ، توراپ دۇكەنىندە شىلان ساتۋ جۇمىسىن باستايدى.جاڭ حانمەن بىرگە ەلەكتروندى ساۋدا كۋرسىنە قاتىناسقان قيىنشىلىعى بار 20 نەشە كۋرسانتتا ءوز الدارىنا توراپ دۇكەنىن اشادى، چاقىلىق اۋدانىنىڭ كەدەيلەردى ەلەكتروندى ساۋدا ارقىلى سۇيەمەلدەۋ جانە ەلەكتروندى ساۋدا قىزمەتىن وتەۋ جۇيەسىنەن پايدالانىپ كوپشىلىك بىرتىندەپ كىرىس كوزىن اشادى.بيىل، بايىنعولىن وبىلىسىنىڭ اۋدان، قالالارى كاسىپ ارقىلى كاسىپتەندىرۋ، سۇيەمەلدەۋ، كەدەيلەردى وقۋ-اعارتۋ، ەمدەۋ جاعىندا سۇيەمەلدەۋ، قوعامدىق قامتاماسىزداندىرۋدىڭ تومەنگى شەگىن ءتۇيىن ەتۋ، پارىقتى سۇيەمەلدەۋ، دالمە-ءدال سۇيەمەلدەۋ ءتاسىلىن قولدانىپ، كەدەيلىكتەن قۇتىلدىرۋدان قامال الۋ جولىندا بىردە-ءبىر كەدەي وتباسىن جانە بىردە-ءبىر وتباسى مۇشەسىن قاعىس قالدىرماۋعا، وسى جىل ىشىندە 32 مىڭ كەدەي جان سانىن تۇگەل كەدەيلىكتەن قۇتىلدىرۋعا كۇش سالۋدا.

بەرىپ كەت ورامالىڭدى

دوستار

الىستاعى اق ەركە