جاڭا حابارلار

حىجيڭ اۋدانى «ەكولوگيانى، ساياحاتتى دامىتۋ، ءىرى بازا قۇرۋ» سىندى دامۋ جاعدايىن قالىپتاستىرىپ، ءشول دالانى جاسىل القاپقا اينالدىرۋعا كۇش سالدى

    كەلۋ قاينارى: شينجياڭ حالىق راديو ىستانسياسى    2017-06-06 17:57:13  
ءتاڭىرتاۋ تورابىنىڭ حابارى: حىجيڭ اۋدانى حارمودۇن قالاشىعى شارمودۇن قىستاعىنداعى كەدەي وتباسىنىڭ وتاعاسى ابلەز امەت تىلشىگە: وتكەن جىلى ايەلىمىز ەكەۋىمىز بەيشانداعى ەكولوگيالىق وركەنيەت قۇرىلىسى جۇرىلىپ جاتقان امبەباپ تاجىريبە رايونىنا كەلىپ جۇمىس ىستەدىك، ءبىز وسى ارادا اعاش-ءشوپ-گۇلدەردى سۋارىپ، ارام ءشوپ وتاپ، ايىنا 2 مىڭ 400 يۋاننان ەڭبەكاقى الىپ كەلەمىز، جىلدىق كىرىسىمىز 50 مىڭ يۋاننان اسادى؛ ۇكىمەت بىزگە جاتاق دايىنداپ بەردى، پارتيا مەن ۇكىمەتتىڭ قامقورلىعىنا العىس ايتامىز،-دەدى قۋانىشتى بەينەدە.
تاياۋ جىلداردان بەرى، حىجيڭ اۋدانى «ەكولوگيانى، ساياحاتتى دامىتۋ، ءىرى بازا قۇرۋ» سىندى دامۋ جاعدايىن قالىپتاستىرىپ، ءشول دالانى جاسىل القاپقا اينالدىرۋعا كۇش سالدى. 3 جىلدان ارتىق ۋاقىت قۇلشىنس جاساۋ ارقىلى بۇرىنعى قۇم-شاعىل ەكشەۋ ورنى قازىر بەيشان ورمان باقشاسىنا اينالدى. وتكەن جىلى، حىجيڭ اۋدانى بەيشان ورمان باقشاسىنىڭ ەكولوگيالىق قۇرىلىسىن ساياحات كاسىبىن اشۋ، كەدەيلەردى سۇيەمەلدەۋدەن قامال الۋ ينجەنەرياسىمەن تىعىز ۇشتاستىرىپ، امبەباپ تاجىريبە رايونىندا كەدەيلەردى سۇيەمەلدەۋ ارناسىن اشىپ، كەدەيلەردى سۇيەمەلدەۋگە ارنالعان 150 جۇمىس ورنىن دايىنداپ، وسى باقشانى كەدەيلەردى جۇمىسقا ورنالاستىراتىن بازا ەتىپ قۇردى.
قۇربان راحمان شالمىربۇحى قالاشىعىنىڭ ديقانى، كەدەي وتباسىنىڭ وتاعاسى قۇربان وسى ارادا ەكى جىل ىستەۋ ارقىلى بەيشان ورمان باقشاسىنداعى ورمان قورعاۋ اتىرەتىنىڭ باستىعى بولدى. كەزەكتە، بەيشان ورمان باقشاسى تىكە جانە جانامالاي جولدارمەن ءبىر مىڭ 520 ادامنىڭ كەدەيلىكتەن قۇتىلۋىنا جول اشتى؛ ولاردىڭ ەڭبەكاقىسى كۇندىك جۇمىس مولشەرى جانە ءتارتىبى بويىنشا ەسەپتەلىپ، ورتا ەسەپپەن 110يۋاننان اينالدى، كەدەي وتباسىنداعى وسى باقشادا جۇمىسقا ورنالاسقاندارعا ۇكىمەت تاعى اي سايىن 500 يۋاننان ەرەكشە جۇمىس ورنى قوسىمشا قاراجاتىن بەرەدى. كەدەي وتباسىنداعىلاردىڭ جاتىن ورىن جانە كولىك ماسەلەسىن شەشۋ ءۇشىن، اۋدان الەۋمەتتىك جالعا بەرىلەتىن 96 ءۇي دايىندادى، 18 جاتاق عيماراتىن وزگەرتىپ كەڭەيتىپ سالدى؛ ولاردى اپارىپ-اكەلۋگە 2 اۆتوبوز شىعاردى. حىجيڭ اۋدانى وسى باقشادا جۇمىسقا ورنالاستىرۋ تاسىلىمەن تاعى مىڭنان استام ادامدى كەدەيلىكتەن ارىلتۋدى جوسپارلاپ وتىر.

بەرىپ كەت ورامالىڭدى

دوستار

الىستاعى اق ەركە