جاڭا حابارلار

ءۇرىمجى ەكونوميكالىق-تەحنيكالىق اشۋ رايونى جاساۋ كاسىبى جاعىنداعى ابزالدىلىعىن ساۋلەلەندىرىپ، جالىنداعان ومىرشەڭدىك كۇشىن بايقاتتى

    كەلۋ قاينارى: شينجياڭ حالىق راديو ىستانسياسى    2017-06-08 18:09:41  
ءتاڭىرتاۋ تورابىنىڭ حابارى: شينجياڭنىڭ ماڭىزدى جاساۋ كاسىپ بازاسى بولعان ءۇرىمجى ەكونوميكالىق-تەحنيكالىق اشۋ رايونى تاياۋ جىلداردان بەرى، جاساۋ كاسىبى جاعىنداعى ابزالدىلىعىن ساۋلەلەندىرىپ، جالىنداعان ومىرشەڭدىك كۇشىن بايقاتتى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى حۋ كايجياڭ بىلاي دەدى: بيىل، شينجياڭ تۇراقتى مۇلىككە ءبىر تريلليون 500 ميلليارد يۋان قارجى قوسۋ نىسانالىق مىندەتىن ورىنداپ، شينجياڭنىڭ جاساۋ كاسىبىنە بۇرىن-سوڭدى بولماعان وراي تۋدىرادى.
تانىستىرۋعا قاراعاندا، بيىل شينجياڭ بويىنشا ونەركاسىپ سالاسىنا مەجەمەن 461 ميلليارد يۋان قارجى قوسىلادى ەكەن، مۇندا جاساۋ كاسىبىنە 280 ميلليارد يۋان قارجى قوسىلىپ، 2016-جىلعى 185 ميلليارد 600 ميلليون يۋاننان 94 ميلليارد 400 ميلليون يۋان ارتىپ، %51 جوعارىلايدى. مۇناي-حيميا ونەركاسىبى، توقىماشىلىق، جەڭىل ونەركاسىپ، جابدىق جاساۋ كاسىبى، ءتۇستى مەتال ونەركاسىبى، ينفورماتسيا كاسىبى، ستراتەگيالىق جاڭا كاسىپتەر، ەمدەۋ، ءدارى-دارمەك كاسىبى سىندى 8 ۇلكەن سالا قارجى قوسۋدىڭ نەگىزگى ءتۇيىنى بولماق.
جىبەك جولى ەكونوميكالىق بەلدەۋى وزەكتى رايون قۇرىلىسىنىڭ اناعۇرلىم ىلگەرىلەتىلۋىنە ساي، اۆتونوميالى رايون ارەكەت جوباسىن جەدەل تياناقتاندىرىپ، وزىق جابدىق جاساۋ كاسىبى سياقتى 100 ميلليارد يۋان قارجى قوسىلاتىن جوعارى دەڭگەيدەگى كاسىپ شوعىرىن قۇرۋ ستراتەگياسىن العا قويۋمەن بىرگە، شينجياڭنىڭ جاساۋ كاسىبىنىڭ دامۋىن ماڭىزدى تاريحي ورايمەن قامدادى. ونەركاسىپكە قارجى قوسۋ تەبىنىنىڭ ارتۋىنا بايلانىستى، ەكونوميكانىڭ ارتۋىن جەبەۋ رولى دا كورنەكتىلەنە ءتۇستى. ءتىلشىنىڭ قاتىستى جاقتاردان ۇعىسۋىنا قاراعاندا، مەجەمەن بيىل رايونىمىزدىڭ بولات ماتەريال بازارىنىڭ سۇرانىس مولشەرى 15 ميلليون توننادان اسىپ، وتكەن جىلداعىدان %50 تىڭ ۇستىندە ارتاتىن كورىنەدى؛ سەمەنتتىڭ سۇرانىس مولشەرى 54 ميلليون تونناعا جەتىپ، وتكەن جىلداعىدان %30 تەن استام ارتاتىن سياقتى.
حۋ كايجياڭ بىلاي دەدى: جاساۋ كاسىبى حالىق شارۋاشىلىعىن دامىتۋدىڭ نەگىزگى جانە ماڭىزدى تىرەگى، رايونىمىز تۇراقتى مۇلىككە قارجى قوسۋ تەبىنىن ارتتىرعان تاماشا جاعدايدا، قاتىستى تاراۋلار قارجى قوسۋ ورتاسىن اناعۇرلىم جاقسارتىپ جانە ساپالىلاندىرىپ، قارجى قوسۋ، قارجى دايىنداۋ ءتۇزىلىس رەفورماسىن تەرەڭدەتىپ، سەلبەسۋ فورمالارى ارقىلى حالىقتىق قارجى قوسۋدىڭ كومەسكى كۇشى مەن جاڭالىق اشۋ سىندى ومىرشەڭدىك كۇشىن ونان ارى اشا ءتۇسۋى ءتيىس.

بەرىپ كەت ورامالىڭدى

دوستار

الىستاعى اق ەركە