جاڭا حابارلار

قامداۋ جاعىنداعى قۇرىلىمدىق رەفورما ديحانداردىڭ كىرىستى ارتتىرۋ ارناسىن بارعان سايىن كەڭەيتتى

    كەلۋ قاينارى: شينجياڭ حالىق راديو ىستانسياسى    2017-06-08 20:14:46  
ستانسيامىزدىڭ ءتىلشىسى لەي ميڭ، سانجى راديو ستانسياسىنىڭ ءتىلشىسى جۋ ليجۇن، اقسۋ راديو ستانسياسىنىڭ ءتىلشىسى راميلانىڭ حابارىن تىڭداڭىزدار: ج ك پ اۆتونوميالى رايوندىق 9-قۇرىلتايىنان بەرى، تۇتاس رايونىمىزدىڭ اۋىل شارۋاشىلىعى قامداۋ جاعىنداعى قۇرىلىمدىق رەفورمادان ونىمدىلىككە يە بولىپ، ءار ۇلت ەگىنشى-مالشى بۇقاراسىنىڭ كىرىستى ارتتىرۋ ارناسى بارعان سايىن كەڭەيدى.
بىرنەشە كۇننەن بەرى، شونجى اۋدانىنىڭ بانجيەگۋ قالاشىعى ياۋزەنزە قىستاعىنداعى ون مىڭ مۋلىق ورگانيكالىق اۋىل شارۋاشىلىق ەگىمشىلىك بازاسىندا شونجى اۋداندىق اۋىل شارۋاشىلىق مەكەمەسىنىڭ تەحنيكا قىزمەتكەرلەرى سورتتى ورگانيكالىق ءبيدايدىڭ ءوسۋ جاعدايىن تەكسەردى. 2016-جىلدان باستاپ، شونجى اۋدانى ياۋزەنزە قىستاعىندا اۋىل شارۋاشىلىعىنىڭ قامداۋ جاعىنداعى قۇرىلىمدىق رەتتەۋىن سىناق رەتىندە جۇرگىزىپ، ديحان وتباسىلارىنىڭ تىلەگى بويىنشا جەردى قىستاقتاعى سەلبەستىك كوپەراتيۆىنە وتكەرمەلەپ بەردى. ياۋزەنزە قىستاعىنداعى سەلبەستىك كوپەراتيۆىنىڭ نىسانعا جاۋاپتىسى ۋ شىڭجۇڭ: «جەردى وتكەرمەلەپ بەرۋ بىرىنىشدەن ماشينالى ەگىمشىلىككە قولايلى بولۋ، ەكىنىشىدەن، جاڭا تەحنيكا، جاڭا تۇقىم ءتۇرىن جالپىلاستىرۋ، ۇشىنشىدەن، بازاردىڭ قاجەتى بويىنشا ءوتىمدى داقىل ەگۋ ءۇشىن بولىپ تابىلادى. قازىر 6 مىڭ مۋلىق ورگانيكالىق بازا بار، بولاشاقتا ورگانيكالىق ءبيدايدى سەلبەستىك كوپەراتيۆى ارقىلى ورگانيكالىق ۇن مانەرلەۋ زاۆوتىنا وتكىزىپ، ورگانيكالىق ۇن جانە ورگانيكالىق ۇن كەسپەسىن ءوندىرىپ بازارعا شىعارۋعا، بۇقارانىڭ داستارقانىنا شىعارۋعا، ەكونوميكالىق ونىمدىلىكتى ارتتىرۋعا بولادى»،-دەدى.
كەزەكتە رايونىمىزدىڭ كوپتەگەن جەرلەرى ديحان وتباسىلارىن ەرەكشە ەكونوميكالىق داقىل ەگۋگە شابىتتاندىرىپ باستاۋدان سىرت، ديحانداردى اۋىل شارۋاشىلىق ءوندىرىس قيمىلىنىڭ ساپاسىن جوعارىلاتۋ بارىسىندا قايتكەندە يگىلىككە كەنەلتۋ ـــــ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىنىڭ باعىتى سانالادى. قۇتىبي اۋدانىندا سەرۋەندەۋ اۋىل شاۋاشىلىعىن، اۋىل-قىستاق ساياحاتىن دامىتۋ ديحانداردىڭ كىرىستى ارتتىرۋىنىڭ تىڭ قوزعاۋشى كۇشىنە اينالدى. دافىڭ قالاشىعىنىڭ حۇڭليۋتاڭ قىستاعىنداعى بيىل 52 جاستاعى تۇرعىن گاۋ يۇڭگۇي جەرگىلىكتى ۇكىمەتتىڭ دەمەۋىندە وتكەن جىلى ءوز اۋلاسىن قايتا جوندەپ، ديحاندار تاعامجايىن اشىپ، كىرىسىن ەسەلەپ ارتتىردى. گاۋ يۇڭگۇي: «ءار كۇنى ەكى دە ءۇش ۇستەل شىعارامىز، اي سايىنعى كىرىسىمىز 3 مىڭ يۋاننان اسىپ، جىلدىق كىرىسىمىز 30 مىڭ دا 40 مىڭ يۋانداي بولىپ، تۇرمىسىمىز نەداۋىر جاقساردى»،-دەدى.
ماقتا ەگەتىن ءىرى رايون سانالاتىن شينجياڭدا ۇزاق ۋاقىتتان بەرى ماقتا بازارىنىڭ جاعدايى جەر-جەردەگى ماقتا ەگەتىن ديحانداردىڭ كىرىسىنە باستان اياق ىقپال جاساپ كەلدى. 2014-جىلى اۆتونوميالى رايون ماقتانىڭ نىسانالى باعاسى رەفورماسىن اتقارعاننان بەرى، جەر-جەر ماقتا ەگىلەتىن جالپى اۋماقتى رەتتەپ ازايتۋ نەگىزىندە، ارت-ارتىنان ءتۇرلى جولدار مەن تاسىلدەردى قولدانىپ، ەگىمشىلىك وزىندىك قۇنىن تومەندەتىپ، ماقتا ساپاسىن جوعارىلاتتى. توقسۋ اۋدانى تامتوعىراق اۋىلىنداعى ماقتا ەگەتىن ديحان لي شياۋلين، ماقتا ەككەن ون نەشە جىلدان بەرى كونە سارىننان جازباعاندىقتان ءونىم مولشەرى ورنىقتى بولعانىمەن، الايدا ويداعىداي بولمادى. بيىل ول تۇڭعىش رەت اۋداندىق اۋىل شارۋاشىلىق مەكەمەسىنىڭ ءبىر تۇتاس ساتىپ العان ساپالى ماقتا تۇقىمى، تىڭايتقىشى سياقتىلاردى پايدالانىپ، بۇرىنعى جىلدارداعىمەن سالستىرعاندا مۋ باسىنان 170 يۋانداي وزىندىك قۇندى ۇنەمدەدى، قازىر ماقتا اتىزىنداعى ماقتا مايساسى جايقالا وسۋدە. لي شياۋلين: «وسى رەتكى رەفورما ارقىلى ونىمدىلىك ارتىپ، وزىندىك قۇن ۇنەمدەلدى، ماقتانىڭ سورتتى تۇقىمىنىڭ ءوسۋى قازىرگە دەيىن جاقسى»،-دەدى. بيىل اقپاندا، اۆتونوميالى رايوندىق پارتكوم اۋىل-قىستاق قىزمەتى ءماجىلىسىن ارناۋلى اشىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن مىزعىماي ىلگەرلەتىپ، اۋىل شارۋاشىلىعىن دامىتۋ تاسىلىنە جەدەل بۇرىلىس جاساپ، تۇتاس رايونىمىزدىڭ اۋىل شارۋاشىلىق، اۋىل-قىستاق قىزمەتىنىڭ تىڭ جاعدايىن كۇش سالا جاراتۋدى ورتاعا قويدى. بۇل جونىندە اۆتونوميالى رايوندىق اۋىل شاۋاشىلىعىن كاسىپ سالالاندىرىپ دامىتۋ مەكەمەسىنىڭ باستىعى نۇرمامەت تۇنياز، كەلەسى كەزەكتە اۋىل شارۋاشىلىعىنىڭ قامداۋ جۇيەسىنىڭ ساپاسى مەن ونىمدىلىگىن جوعارىلاتۋدى ارقاۋ ەتىپ، اۋىل شارۋاشىلىعىىڭ قامداۋ جاعىنداعى قۇرىلىمدىق رەفورماسىندا ورىن تەپكەن تەرەڭ ءتۇزىلىس، مەحانيزمدىك قايشىلىقتاردى كۇش سالا شەشىپ، اۋىل شارۋاشىلىعى بايلىعىنىڭ ورنالاسۋىن ۇزدىكسىز ساپالاندىرىپ، اۋىل شارۋاشىلىعىنىڭ قامداۋىن بازاردىڭ قاجەتىنە ونان ارى ۇيلەستىرىپ، اۋىل شارۋاشىلىعىنداعى باسەكەلىك قۋات پەن باياندى دامتۋ قابىلەتىن شىنايى جوعارىلاتاتىندىعىن ايتتى. نۇرمامەت تۇنياز: «بەس ءىرى دامۋ تانىمى بويىنشا، ساپانى جوعارىلاتىپ ونىمدىلىكتى ارتتىرۋ جاعىندا تەتىكتى تاۋىپ، ساپالىلىعى كورنەكتى، وڭىرلىك ەرەكشەلىك العان كاسىپتەردى قولداپ، اناعۇرلىىم كوپ بۇقارانىڭ كىرىستى ارتتىرۋ ماسەلەسىن، كاسىپ قۇرىلىمىن ساپالاندىرىپ رەتتەۋ ماسەلەسىن شەشەمىز، بۇل ءارى ديحانداردىڭ كاسىتپەنىپ كىرىستى ارتتىرۋىنداعى، كەدەيلىكتەن قۇتىلۋىنداعى ماڭىزدى نەگىز رەتىندە مىقتى يگەرىلەدى»،-دەدى.

بەرىپ كەت ورامالىڭدى

دوستار

الىستاعى اق ەركە