جاڭا حابارلار

بەيقۇت ءۇي سالىپ، حالىقتى اۋقاتتاندىرۋ ينجەنەرياسى بۇكىل شينجياڭداعى ءار ۇلت بۇقاراسىنا تيىمدىلىك جەتكىزىپ، تۇرعىن ءۇي ورتاسىن جاقسارتتى

    كەلۋ قاينارى: شينجياڭ حالىق راديو ىستانسياسى    2017-06-12 13:48:18  
ءتاڭىرتاۋ تورابىنىڭ حابارى: بەيقۇت ءۇي سالىپ، حالىقتى اۋقاتتاندىرۋ ينجەنەرياسى بۇكىل شينجياڭداعى ءار ۇلت بۇقاراسىنا تيىمدىلىك جەتكىزىپ، تۇرعىن ءۇي ورتاسىن جاقسارتتى.
ج ك پ اۆتونوميالى رايوندىق 9-قۇرىلتايىندا «بەيقۇت ءۇي سالىپ، حالىققا تيىمدىلىك جەتكىزۋدەن جازباۋ كەرەكتىگى» العا قويىلدى. بىلتىر، اۆتونوميالى رايونىمىز بەيقۇت ءۇي سالىپ، حالىقتى اۋقاتتاندىرۋ ينجەنەرياسىنا 22 ميلليارد 348 ميلليون يۋان قارجى قوستى، بۇل رايونىمىزدىڭ 2016-جىلعى قوعامدىق تۇراقتى مۇلىككە قوسقان جالپى قارجىسىنىڭ %24. 2 ىن يەلەپ، قارجى قوسۋ تەبىنى كورنەكتى ارتتى.
ءتىلشىنىڭ ۇعىسۋىنشا، بىلتىر قاراشانىڭ سوڭىنا دەيىن رايونىمىزدا بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 300 مىڭ وتباسىنا ءۇي سالىنىپ، جۇمىستىڭ ورىندالۋ مولشەرى %100كە جەتىپ، مىندەت مولشەرى مەملەكەت بويىنشا ءبىرىنشى ورىندى يەلەگەن. وسىلايشا، مەملەكەت پەن اۆتونوميالى رايون بەلگىلەگەن 300 مىڭ وتباسىنا ءۇي سالىپ بەرۋ، حالىقتى اۋقاتتاندىرۋ ينجەنەرياسىنىڭ جىلدىق نىسانالى مىندەتى جاپپاي ورىندالعان.
وتباسىنىڭ ەكونوميكالىق كىرىسى تومەن توپتىڭ تۇرعىن ءۇي ماسەلەسى دە رايونىمىز نازار اۋدارىپ وتىرعان نەگىزگى ءتۇيىننىڭ ءبىرى بولدى. بىلتىر رايونىمىز بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا اۋىل-قىستاقتاردا ارحيۆ تۇرعىزىلىپ، كارتشكا بەرىلگەن 155 مىڭ كەدەي وتباسىنا، ەڭ تومەنگى تۇرمىسى قامتاماسىزداندىرىلاتىن 10 مىڭ 200 وتباسىنا، اۋىل-قىستاقتارداعى بىتىراندى كۇتىمدەگى 9 مىڭ500 وتباسى مۇشەلەرىنە، كەدەي، مۇگەدەك ادامى بار 2 مىڭ 700 وتباسىنا ءۇي سالىپ بەرۋ مىندەتىن ورنالاستىردى. قاراشانىڭ سوڭىنا دەيىن بۇل مىندەت تولىق اياقتادى.
ەگىنشى-مالشى جۇرتشىلىعىنىڭ جاقسى ۇيلەرگە كىرىپ، ءتىپتى دە تاماشا تۇرمىس وتكىزۋىنە مۇمكىندىك جاساۋ اۆتونوميالى رايوننىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسىن اتقارۋداعى باستى ماقساتى. جەر-جەر بەيقۇت ءۇي سالىپ، حالىقتى اۋقاتتاندىرۋ ينجەنەرياسىن ىلگەرىلەتۋمەن بىرگە، «بەيقۇت ءۇي سالۋ» مەن «حالىقتى اۋقاتتاندىرۋعا» تەڭ ءمان بەرۋدەن جازباي، اۋلا شارۋاشىلىعىن دامىتىپ، شارۋا شەبەرلەرىن ءۇي سالۋعا تاربيەلەپ، كەدەي بۇقارانى قامتىعان ءار ۇلت شارۋالارىنىڭ ءوندىرىس، تۇرمىس شارت-جاعدايىن تۇبىرىنەن جاقسارتتى.
 بىلتىر رايونىمىز 354 مىڭ 500 ادام-رەت تاربيەلەپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسى قۇرىلىسىنىڭ باسقارۋ دەڭگەيىن جوعارىلاتىپ، اۋىل-قىستاقتاعى ءار ۇلت شەبەرلەرىنىڭ جۇمىس شەبەرلىگى مەن تەحنيكالىق قابىلەتىن كۇشەيتتى.

بەرىپ كەت ورامالىڭدى

دوستار

الىستاعى اق ەركە