جاڭا حابارلار

شينجياڭنىڭ اۋەجاي قۇرىلىسى قاۋىرت جۇمىس باستاۋ كەزەڭىنە ءوتتى

    كەلۋ قاينارى: شينجياڭ حالىق راديو ىستانسياسى    2017-06-13 12:03:58  
ءتاڭىرتاۋ تورابىنىڭ حابارى: ءتىلشىنىڭ شينجياڭ اۋەجاي توبىنان ۇعىسۋىنشا، بىلتىر ءبىر جىلداعى سالىنعان 8 اۋەجاي نىسانى شينجياڭنىڭ حالىقتىق اۆياتسيا نىسانى قۇرىلىسىنىڭ شىمىلدىعىن اشقان، بيىل شينجياڭنىڭ اۋەجاي قۇرىلىسى قاۋىرت جۇمىس باستاۋ كەزەڭىنە وتكەن، 14 تاسىمال اۋەجايى مەن 3 امبەباپ اۋەجاي قۇرىلىسى تىڭنان جۇمىس باستاعان، بۇلارعا شامامەن 14 ميلليارد 400 ميلليون يۋان قارجى قوسىلعان.
بۇل 14 تاسىمال اۋەجايى قۇرىلىس نىسانى جاڭادان جۇمىس باستاۋ جوسپارلانعان ءۇرىمجى، قاشقار، اقسۋ، قۇلجا اۋەجايلارىنىڭ وزگەرتىپ، كەڭەيتىپ سالۋ ينجەنەرياسىن، موڭعۇلكۇرە، كەريا، تاشقورعان اۋەجايلارىن جاڭادان سالۋ ينجەنەرياسىن، سونداي-اق قۇرىلىسىن جالعاستىراتىن حوتان، كورلا، شاۋەشەك، التاي اۋەجاي ينجەنەرياسىن سونداي-اق ياركەن، چارقىلىق، تۇمشۇق اۋەجايىن جاڭادان سالۋ ينجەنەرياسىن قامتيدى.
جۇرت نازارىن اۋدارعان ءۇرىمجى حالقارالىق اۋەجايىن كەڭەيتىپ سالۋ ينجەنەرياسى بيىلعى اۋەجاي قۇرىلىسىنىڭ «جەتەكشى ءتۇيىنى» بولماق. بۇل نىسان 2025-جىلى جولاۋشى جونەلتۋ مولشەرىن 48 ميلليون ادام-رەتكە، جۇك تاسىمال قۋاتىن 550 مىڭ تونناعا، ۇشىپ-قوناتىن ايروپلان سانىن 367 مىڭ رەتكە جەتكىزۋ تالابى بويىنشا ىستەلەدى ەكەن.
شينجياڭ اۋەجاي توبى جوسپار ءبولىمىنىڭ ورىنباسار باستىعى، اعا ينجەنەر يە تاۋ:-شينجياڭ ەلىمىز بويىنشا تاسىمال اۋەجايى ەڭ كوپ، اۋە لەنياسى ەڭ ۇزاق رايون بولعانىمەن، الايدا اۋەجايدىڭ تىعىزدىعى تومەن، ەلىمىزدەگى ورتاشا اۋەجاي تىعىزدىعىنىڭ %50ىنە جەتپەيدى. بيىل 14 ميلليارد 400 ميلليون يۋان قارجى قوسىلعاننان كەيىن، شينجياڭ اۋەجايلارىنىڭ جالپىلىق قامتاماسىز ەتۋ قۋاتى ايتارلىقتاي جاقسارادى، شينجياڭنىڭ جەرى كەڭ. اۆياتسيا ارقىلى جەر اۋماعى كەڭ، ارالىعى شالعاي سىندى وسى تۇساۋدى ءونىمدى شەشۋگە بولادى،-دەدى.
بيىل جاڭادان سالىناتىن ياركەن، چارقىلىق اۋەجايلارى، كەڭەيتىپ سالىناتىن كورلا، حوتان اۋەجايلارى جاپپاي سالىنىپ بىتەدى. سونىمەن، رايونىمىزداعى تاسىمال اۋەجايلارىنىڭ سانى 20 عا جەتەدى.
بيىل، شينجياڭ تاعى جاڭادان سالىناتىن 6 اۋەجاي نىسانىنىڭ الدىڭعى كەزەڭدىك قىزمەتىن جەدەل ىلگەرىلەتۋدە، ولار جەكە-جەكە شيحۋ ارميا مەن حالىق قاتار پايدالاناتىن اۋەجايى، قوبىقسارى اۋەجايى، شىعىس جوڭعار-شونجى اۋەجايى، بايىنبۇلاق اۋەجايى، باركول اۋەجايى، ارال اۋەجايى سياقتىلار. 2020-جىلدىڭ سوڭىندا، تۇتاس شينجياڭدا تاسىمال اۋەجايىنىڭ سانىن 30 عا جەتكىزۋ، سونىڭ ىشىندە ىلە قازاق اۆتونوميالى وبلىسىندا، بايىنعولين موڭعۇل اۆتونوميالى وبلىسىندا، التاي ايماعىندا 3 تەن ارتىق تاسىمال اۋەجايى بولۋ جوسپارلاندى.

بەرىپ كەت ورامالىڭدى

دوستار

الىستاعى اق ەركە