جاڭا حابارلار

وڭتۇستىك شينجياڭداعى ەگىنشى-مالشىلار باسقا جەردە كاسىپتەنىپ، تاماشا تۇرمىس جاراتۋدا

    كەلۋ قاينارى: شينجياڭ حالىق راديو ىستانسياسى    2017-06-13 12:38:23  
ستانسيامىزدىڭ تىلشىلەرى جيڭ لەي، جاي شياۋشۇە، سانجى راديو ستانسياسىنىڭ ءتىلشىسى جۋ ليجۇنداردىڭ حابارىن تىڭداڭىزدار: اۆتونوميالى رايوندىق كەدەيلەردى كاسىپتەندىرۋ، سۇيەمەلدەۋ ساياساتىنىڭ ارقاسىندا، وڭتۇستىك شينجياڭداعى ءىشىنارا ەگىنشى-مالشىلار ماناس اۋدانىندا كاسىپتەنىپ، قوس قولدارى ارقىلى تىڭ تۇرمىسىن جاراتۋدا.
24 جاستاعى ءالىمجان ابىلا تۇستەن بۇرىن ساعات 10 دا قىزمەتكە شىعىسىمەن، قىزمەت كيىمىن اۋىستىرىپ، تىگىن ماشيناسىن، قايشى جانە سىزعىشتى قولىنا الدى، ورتا ازيا ەلدەرىنە كۇندەلىكتى ساتىلاتىن 100 پار كيىمنىڭ سوڭعى وتكەلەگى وسى ءالىمجاننىڭ قولىنان وتەتىن، كەلبەتىنە ونەرى ساي وسى جىگىت جونىنەن بۇل ەرەكشە ماقتانارلىق جۇمىس ەدى. ول بىلاي دەدى: مەن ءباي-دا رۇيلي كيىم-كەشەك فابريكاسىن تاڭدادىم، بۇل جەردىڭ ورتاسى جاقسى، ايلىق ەڭبەكاقىم 2 مىڭ 500 دە 3 مىڭ يۋان، وسى ارادا كاسىپتەندىم، تۇستە ءبىر ۋاق تەگىن تاماقتانامىز، كۇندەلىكتى 8 ساعات قىزمەت ىستەيمىز.
ءالىمجان ابىلا لوپ اۋدانىنىڭ ديقانى، ورتا مەكتەپ بىتىرگەننەن كەيىن وتباسىندا ەگىس جۇمىسىمەن شۇعىلانىپ كەلگەن. بىلتىر جىل سوڭىندا، اۆتونوميالى رايون وڭتۇستىك شينجياڭداعى از ۇلت ەگىنشى-مالشىلارىن سولتۇستىك شينجياڭدا جۇمىس ىستەپ كاسىپتەنۋگە، كىرىسىن ارتتىرىپ، كەدەيلىكتەن قۇتىلۋعا ۇيىمداستىرىسىمەن، ول كاسىپتەنۋگە تىزىمدەلەدى. قوس ءتىل نەگىزى بار ءالىمجان ابىلا ماناس اۋداندىق جۇڭحىڭ توقىما، كيىم-كەشەك كاسىبى باقشاسى ءباي-دا رۇيلي كيىم-كەشەك فابريكاسىنا قىزمەتكە تۇرىپ، وسى ارانىڭ ورتاسىنا تەز ۇيلەسىپ كەتتى جانە وسى جەردە ۇزاق ۋاقىتقا دەيىن ىستەۋ بەكىمىنە كەلدى.
ماناس اۋداندىق جۇڭحىڭ توقىما، كيىم-كەشەك كاسىبى باقشاسى 2013-جىلى قۇرىلعاننان كەيىن 7 كاسىپورىندى باۋرادى، 5 جىلدان بەرى، جەرگىلىكتى ورىنداعى 10 مىڭنان استام ەگىنشى-مالشى كاسىپتىك جۇمىسشىعا اينالدى. اۆتونوميالى رايون ۇيىمداستىرعان وڭتۇستىك شينجياڭداعى 500 دەن استام از ۇلت بۇقاراسى كاسىپ باقشاسىنا كىردى، بۇل اراداعى كاسىپورىندار دا ولاردى تەز قابىلدادى. چياۋ-سىن كيىم-كەشەك سەرىكتەستىگىنىڭ جاۋاپتىسى چىن چىڭگۋ بىلاي دەدى: الدا تاعى 110 نان ارتىق ادام كەلەدى، 500 ادامدى ءبىر ۋاقىتتا كاسىپتەندىرە الامىز، ايلىق كىرىسى 3 مىڭ يۋاننان اسادى، كونە جۇمىسشىلار ۇزاق ۋاقىتقا دەيىن ىستەي بەرەدى، ءارى كيىمنىڭ ساپاسىنا كەپىلدىك ەتىپ تىڭعىلىقتى ىستەيدى.
ساندى مالىمەتكە قاراعاندا، 5 جىلدان بەرى، ماناس اۋدانى 15 مىڭ ادامدى كۋرسكە قاتىناستىرعان، ولاردىڭ 10 مىڭنان استامى كاسىپتىك جۇمىسشى، قازىر وڭتۇستىك شينجياڭداعى از ۇلت ەگىنشى-مالشىسىنان ءبىر مىڭنان استامىن كاسىپتەندىردى. ماناس اۋداندىق ەكونوميكا جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى لۇي دىۋىن تىلشىگە بىلاي دەدى: جەرگىلىكتى ورىنداعى ەگىنشى-مالشىلاردى كاسىپتىك جۇمىسشىعا اينالدىرۋمەن بىرگە، وڭتۇستىك شينجياڭداعى از ۇلت بۇقاراسىنىڭ ۇيىمدى تۇردە كاسىپتەنۋىن قولداۋ كەرەك، وسى جەردەگى كونە جۇمىسشىلار ولار كاسىپورىندا كاسىپتەنگەنگە دەيىن كيىمدى قالاي تىگۋدى قولما-قول ۇيرەتەدى، بىرلىكتە تاماقتانىپ، ءبىر جەردە تۇرادى، ءبىر تۇتاس كۋرسكە قاتىناسادى، ءبىر تۇتاس باسقارىلادى.

بەرىپ كەت ورامالىڭدى

دوستار

الىستاعى اق ەركە