جاڭا حابارلار

كاسىپتەندىرۋ ارقىلى حالىققا تيىمدىلىك جەتكىزىپ، حالىق تۇرمىسىنىڭ نەگىزىن بەكەمدەيىك

    كەلۋ قاينارى: شينجياڭ حالىق راديو ىستانسياسى    2017-06-13 14:26:44  
ستانسيامىزدىڭ تىلشىلەرى حى فەي، ما گولەي، ديڭ شياۋدان، ايبىنحازى راحمان ۇلى جازعان اقپاراتتىق ارناۋلى حاباردى تىڭداڭىزدار: 28-مامىردا، اقشي اۋدانى قاراچ اۋىلىنداعى 70 ەگىنشى-مالشى ۇكىمەتتىڭ ءبىر تۇتاس ورنالاستىرۋىندا ارال قالاسىنا جۇمىس ىستەپ كىرىس تابۋعا باردى. بۇل اقشي اۋدانىنىڭ بيىل ۇيىمداستىرعان التىنشى توپتاعى سىرتقا شىعارعان ەڭبەككۇشى. مالشى دانياز جۇماحۇن ادەتتە مال باعىپ كۇنەلتەتىن، تۇرمىس جاعدايى قيىن ەدى. بۇل جولى ول ايەلىمەن بىرگە تىزىمدەلىپ جۇمىس ىستەۋگە قاتىناستى. ول: «جاتاق تەگىن، سونداي-اق كىرىس كىرەدى. مۇنداي جاقسى ورايدى ءسوزسىز قاستەرلەيمىز»،-دەدى.
اقشي اۋدانى شەكاراداعى كەدەي اۋدان، كىسى باسىندىق ەگىستىك جەر از، كەدەي جان سانى كوپ، سوڭعى جىلداردان بەرى، اقشي اۋدانى ەڭبەككۇشتى سىرتقا شىعارۋدى بەلسەنە ىلگەرلەتىپ، ەرەكشە ەڭبەككۇش شارۋاشىلىعى مەن كاسىپ كوزىن اشۋ ماركاسىن بىرتىندەپ قالىپتاستىردى، قازىرگە دەيىن، تۇتاس اۋداننان ىشكى ولكەگە بارىپ جۇمىس ىستەيتىندەر گۋاڭدۇڭ، فۋجيان، جياڭسۋ سياقتى شىعىس بولەكتەگى دامىعان ولكە-قالالاردا تارالىپ، ادام سانى 800 دەن اسىپ، تۇتاس جىلدىق كىرىس 33 ميلليون 600 مىڭ يۋانعا جەتتى. اقشي اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى داي زوچىڭ: «دامىعان ولكە-قالالارعا ەڭبەككۇش شىعارۋ، رايونىمىز ىشىندە مەرزىمدىك جۇمىس ىستەۋ، تۇراقتى مۇلىككە قارجى قوسۋ نىسانى ارقىلى ەگىنشى-مالشىلاردىڭ كىرىستى ورنىقتى ارتتىرۋىن جەبەپ، اقشي اۋدانىن 2018-جىلى كەدەيلىكتەن تۇتاسىمەن قۇتىلدىرامىز»،-دەدى.
كاسىپتەندىرۋ حالىق تۇرمىسىنىڭ نەگىزى. كەدەي وتباسى جونىنەن العاندا، ءبىر ادام كاسىپتەنسە، ءبىر وتباسىنىڭ كەدەيلىكتەن قۇتىلۋىن جەبەۋگە بولادى. 2016-جىلى، رايونىمىزدىڭ قالا-قالاشىقتارىندا تىڭنان كاسىپتەنگەندەر سانى 455 مىڭ ادامعا، اۋىل-قسىتاقتارداعى ارتىق ەڭبەككۇشتەردەن باسقا سالادا كاسىپتەنگەندەر سانى 2 ميلليون 750 مىڭ ادام رەتكە، كاسىپتەنۋى قيىنعا سوققانداردان كاسىپتەنگەندەردىڭ سانى 57 مىڭ 800 ادامعا جەتىپ، سول جىلى جوعارى مەكتەپ بىتىرگەن وقۋشىلاردىڭ كاسىپتەنۋ مولشەرى %88.4 بولدى. كاسىپتەنۋ ارقىلى حالىققا تيىمدىلىك جاساۋدىڭ تىڭ ناتيجەسى كورىلدى.
تۇتاس شينجياڭدا وڭتۇستىك شينجياڭ ماڭىزدى ورىندا تۇرادى. ج ك پ اۆتونوميالى رايوندىق 9-كەزەكتى كوميتەتىنىڭ ەكىنشى جالپى ماجىلىسىندە بىلاي دەپ اتاپ كورسەتىلگەن بولاتىن: وڭتۇستىك شينجياڭداعى ارتىق ەڭبەككۇشتەردى باسقا سالادا كاسىتپەندىرۋ تەبىنىن ارتتىرۋ ءۇشىن، شينجياڭ قاشقار، حوتان سىندى ەكى جەردە 3 جىلدا 100 مىڭ ادامدى كاسىپتەندىرۋ جوسپارىن ورىندايدى. بيىل قاشقار، حوتاننان 25 مىڭ ارتىق ەڭبەككۇشتى باسقا سالادا كاسىپتەندىرىپ، بارلىق وتباسىنىڭ شىعار جولى بولۋ، بارلىق ادامدا جۇمىس بولۋ، اي سايىن كىرىس كىرۋدى العاشقى ادىمدا ىسكە اسىرادى. بيىل 8-مامىردان باستاپ قاشقار قالاسى توپ رەتكە ءبولىپ 11 اۋىل-قالاشىقتاعى ارتىق ەڭبەككۇشتى قاشقار ەكونوميكالىق اشۋ رايونىندا كاسىپتەندىردى. چيبا سىم كاسىبى سەرىكتەستىگىندە قىزمەت ىستەيتىن نۇرگۇل تۇردى قازىر ءار كۇنى 180 دە 190 سىم تىگە الادى. ول: «اي سايىنعى ەڭ تومەنگى ەڭبەكاقىم ءبىر مىڭ يۋان، كوپ ىستەسەم سيلىق اقشا دا بار، جۇبايىم ەكەۋىمىز باقشا رايونىندا قىزمەت ىستەيمىز، بىرەۋىمىزدىڭ ەڭبەكاقىمىز تۇرمستىق قاراجاتقا جۇمسالسا، بىرەۋىمىزدىڭ ەڭبەكاقىمىزدى اماناتقا قويامىز»،-دەدى.
بيىل جىل باسىنان بەرى، اۆتونوميالى رايونىمىزداعى مەملەكەت مەنشىگىندەگى كاسىپورىندار مەن شينجياڭدا تۇراتىن ورتالىق كاسىپورىندارى قاشقار، حوتان ايماعىنىڭ قالا-اۋىلىنداعى ارتىق ەڭبەككۇشتەرگە 10 مىڭنان استام كاسىپتەنۋ ورنىن دايىنداپ بەرىپ، ەگىنشى-مالشىلاردى جۇمىسقا ءتۇيىندى قابىلدادى.
مەملەكەت تورابى شينجياڭ ەلەكتر ەنەرگيا سەرىكتەستىگىنىڭ قىزمەتكەرلەردى وقىتۋ تاربيەلەۋ ورتالىعى شەريا اۋداندىق كاسىپتىك تەحنيكالىق مەكتەبىندە تۇتاس اۋدانداعى اۋىل-قىستاق جاستارىنا باعىتتاپ توكشى، دانەكەرلەۋشى، كومپيۋتەر ونەرى كۋرسىن اشتى. شەريا اۋدانى شەريا اۋىلى ۋقادي قسىتاعىنداعى جاس جىگىت ءالىمجان ماتتۇرسىن ورتالاۋ مەكتەپتى بىتىرگەننەن كەيىن ۇيىندە جۇمىس كۇتتى، ۇيرەنۋگە قاتىناسقاننان كەيىن، قازىر حوتان شاڭلى ەلەكتر شەكتى سەرىكتەستىگىنىڭ قىزمەتكەرىنە اينالدى. ول: «سەرىكتەستىك جاتاق جانە تاماقتى كوتەردى، پراكتيكا كەزىندە بىزگە 2 مىڭ يۋاننان ەڭبەكاقى تاراتتى. مۇنداي قىزمەت تابا العانىما توتەنشە قۋانامىن»،-دەدى.
كاسىپتەنۋ ماسەلەسىن شەشۋ ءۇشىن، بيىل اۆتونوميالى رايون تاعى تۇتاس قوعامداعى تۇراقتى مۇلىككە 150 ميلليون يۋاننان استام قارجى قوسۋعا كۇش سالۋدى ورتاعا قويدى، ءارى ينجەنەريا نىساندارىن كوتەرمەگە الۋشى جاقتاردان جەرگىلىكتى ارتىق ەڭبەككۇشتەردى كاسىپتەنۋگە باۋراۋدى تالاپ ەتتى. كەزەكتە، تۇراقتى مۇلىككە قارجى قوساتىن 60 نەشە نىساننىڭ ىلگەرىندى-كەيىندى قۇرىلىس باستاۋىنا ساي، اۋات اۋدانىندا اۋىل-قىستاقتارداعى 3 مىڭ 569 ارتىق ەڭبەككۇش باسقا سالادا كاسىپتەندى. اۋات اۋداندىق اۋىل-قىستاق ەڭبەككۇشتەرىن كاسىپتەندىرۋ تاربيەلەۋ قىزمەتىنە باسشىلىق ەتۋ گرۋپپاسىنىڭ ورىنباسار باستىلىعى شى جيچيڭ: «ءبىز تۇراقتى مۇلىككە قارجى قوساتىن نىساندار مەن نىساندارى باسقاراتىن ورىنداردان شينجياڭدىق ادەتتەگى جۇمىسكەرلەردى قابىلداۋ مولشەرىن %90 كە جەتكىزۋ كورسەتكىشىن تەكسەرۋدى قاتاڭ تالاپ ەتتىك، %90 تىك كورسەتكشتى ورىنداي الماعانداردى مەردىگەرلىككە شاقىرمايمىز، قۇرىلىس جۇرگىزۋ رۇحساتىن بەرۋ كۋالىگىن تاراتپايمىز، ينجەنەريا سوماسى ەسەبىن جاپپايمىز، 2017-جىلى تۇراقتى مۇلىككە قارجى قوسۋ نىسانىندا 13 مىڭ ادامدى كاسىپتەندىرۋگە كۇش سالامىز»،-دەدى. بيىل رايونىمىز اۋىل-قىستاقتارداعى ارتىق ەڭبەككۇشتەردى 2 ميلليون 600 مىڭ ادام رەتتەن استام باسقا سالادا كاسىپتەندىرۋ نىسانالى مىندەتىن تۇراقتاندىردى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى ميڭ حۇڭ: «مامىردىڭ سوڭىندا تۇتاس جىلدىق مىندەتتىڭ %50 كە جۋىعىن ورىنداپ بولدىق. بيىل جىل سوڭىنا دەيىن ەڭبەككۇشتەردى 2 ميلليون 600 مىڭ ادام رەت كاسىپتەندىرەمىز دەپ مەجەلەپ وتىرمىز، اۋەلى وسى ساننان ءسال اسىرۋىمىزدا مۇمكىن»،-دەدى.

بەرىپ كەت ورامالىڭدى

دوستار

الىستاعى اق ەركە